1 तिमुतियूस 2

मनकाँ वाते नेम

1अबे हाराऊँ पेली मूँ थाँकाऊँ हाता-जोड़ी करूँ हूँ के, अरज, परातना, विनती अन धन्नेवाद परमेसर ने हाराई मनकाँ का वाते दिदो जावे। 2राजा माराजा अन हाराई अदिकारियाँ का वाते परमेसरऊँ परातना किदी जावे, ताँके आपाँ सक-चेन अन सान्ती का हाते भगती अन खरईऊँ परमेसर वाते जीवन जी सका। 3अस्यान परातना करणी हव हे अन आपणाँ ने बंचाबावाळा परमेसर ने भावे हे। 4अन परमेसर छावे के, धरती का हाराई मनक बंचाया जावे अन वींका हाँच ने जाणे। 5काँके परमेसर एकीस हे अन परमेसर अन मनकाँ का बचमें बात करबावाळो भी एकीस हे, मतलब ईसू मसी हे, ज्यो खुद एक मनक हे। 6जणा आपणाँ खुदाखुद ने हाराई मनकाँ ने बंचाबा का वाते गारन्टी का रूप में दे दिदो, ताँके सई टेम पे ईं बात की गवई वे के, परमेसर हाराई ने बंचाणा छारिया हे। 7#2 तिमु 1:11अन ईं गवई ने जी यहूदी ने हे वणामें हुणाबा का वाते मूँ एक हिक देबावाळा अन ईसू को थरप्यो तको चेलो बणायो ग्यो हूँ, ताँके विस्वास का सन्देस अन हाँच को हेलो पाड़ सकूँ। मूँ जूटो कोयने हूँ, मूँ हाँच बोलरियो हूँ।

8ईं वाते अबे मूँ छावूँ हूँ के, हरेक जगाँ मनक लड़ई-जगड़ो अन बुरा काम ने करे, पण आपणाँ हात-जोड़न परातना करिया करे।

9 # 1 पत 3:3 वस्यानीस मूँ लुगायाऊँ केवूँ हूँ के, हरम लाज अन धीरज का हाते हुदा-हादा गाबाऊँ खुद ने सजावे ने के फेंसी चोटी बणान होना अन मोती अन मेंगा गाबाऊँ सजावो, 10अस्यान की लुगायाँ ज्यो खुद ने परमेसर की दासी माने हे, वणा वाते योईस हव हे के, वीं खुद ने भला कामाँऊँ सजावे।

11एक लुगई ने छानी-मानी रेन पुरी तरियाँ क्या में चालन हिक लेणी छावे। 12मूँ केवूँ हूँ, लुगायाँ आपणाँ धणी ने तो उपदेस देवे अन ने वींपे पे हक जमावे, पण छानी-मानी रेवे। 13#उत्प 2:7; उत्प 2:21,22काँके पेली आदम बणायो ग्यो अन पछे हवा बणईगी ही। 14#उत्प 3:1–6आदम धोका में ने आयो, पण लुगई धोका में आन परमेसर का नेम तोड़न पापी बणगी। 15पण लुगायाँ बाळक जणन बंचगी, अन वाँने छावे के, वीं धीरज का हाते विस्वास, परेम अन खरईपणा में गाटी रेवे।

Currently Selected:

1 तिमुतियूस 2: एम टी आर

Highlight

Copy