Romans 3
3
Sa Angwan Apudyus Atta Judyu
1Pun ngai ambaḻuwan ni ambalin aḵ Judyu? Baḵon nu ngai ḵad ain patog ni sogyat? 2Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna. 3Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina? 4Naid! Te tuttuwa'ḵ Apudyus, taḵon ay nu tuliyan da losane tagu. Te sa nigili ye ugudna ḵanana,
“Nu taḵdoḻam mismu we long-agnu,
ipailame ustu da ḵingwam
ḵan pasige oḻgom
da losane amabasuḻ ḵan siḵa.”#3:4 Psalm 51:4.
5Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu. 6Daḵampun aḵ ḵatti! Te nu adi naun-unan aḵ Apudyus, ngai inonae anguwis atta losane tagu si annae lubung?
7Yaḵon nu mipagapu si ḵinatuliḵ mipail-an ni ḵinatuttuwaan Apudyus ya madayawana, ngaipaaḵ sissiyae naḵoddongan aḵ ḵabasbassuḻan? 8Ḵad ngaipa taḵu adi ḵoon lawweng ta itoḵwaḻna ambaḻu? Awad da udume tagu we paḻawengonda saḵone ibagabagadae imbagaḵ da anna yaḵon daḵampun aḵ tuttuwa. Pun labbongnae madusada.
Da Losane Tagu Naḵabasuḻ
9Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil. 10Te sa ḵanan ni nigili ye Ugud Apudyus,
“Naippun tagu'ḵ naun-unan,
taḵon ay ossaan.
11Naippun ossaan aḵ maḵaawat si ḵatuttuwaan
ḵan ippun ossaan aḵ maḻyad angigammu ḵan Apudyus.
12Nan-awidan da losane tagu'ḵ Apudyus
ya losanda nambalin aḵ lawweng,
ḵad ippun ossaan aḵ angwa si ambaḻu,
taḵon ay ossaan.#3:10-12 Da Psalm 14:1-3; 53:1-3.
13Isunan nabubuḵtane libon da sungadda
ḵad pasige tinutuli da ugudonda.#3:13 Psalm 5:9.
Ḵad da ugude ibungangayda
isunan gitan di uḻog.#3:13 Psalm 140:3.
14Ḵad pasig aḻawag ḵan sanga
da ugudonda.#3:14 Psalm 10:7.
15Ḵad alistuda bose pumatoy,
16ḵad dinumane ayanda,
guluwonda da tagu
ya awad da dadailonda.
17Ippun somsomoḵda'ḵ mitimpuyug
atte allin-awaan da udume tagu.#3:15-17 Isaiah 59:7-8.
18Adidapun isipog aḵ Apudyus.”#3:18 Psalm 36:1.
19Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis. 20Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.
Sa Angwaan Apudyus Atta Tagu Aḵ Maun-unan
21Yaḵon sinsana, impaigammun Apudyus inonae angwa'tta tagu'ḵ maun-unane daḵampun aḵ mipagapu si anuttuwaanda'tte lintog. Taḵdoḻan ni lintog Moses ya da inggilin da profetan Apudyus mipanggob si anna. 22Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu. 23Te losan taḵu naḵabasuḻ ḵad adayu taḵu si ḵinabaḻun Apudyus. 24Yaḵon gapu'tte libli ye atod Apudyus ḵan ditaḵu ya gapu'tte ḵinabaḻuna, ḵingwana ditaḵu'ḵ naun-unan mipagapu ḵan Jesu Kristu we nanubut ḵan ditaḵu'tte dusan da basuḻ taḵu. 25Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda. 26Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.
27Pun aditaḵupun lamog isḵaḻ naun-unan taḵu gapu si anuttuwaan taḵu'tte lintog. Yaḵon aḵ Apudyus angwa si maun-unan taḵu gapu si pammati taḵu. 28Patiyon taḵu we aḵ Apudyus angwa si maun-unan da tagu mipagapu si amatiyanda ḵan Jesu Kristu, daḵampun aḵ sa anuttuwaanda'tte lintog. 29Aḵ Apudyus ḵad, daḵampun aḵ abus da Judyu aḵ sin-Apudyus yaḵon Apudyus os da Gentil te siya Apudyus da losane tagu. 30Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda. 31Ḵad idiyan taḵu ḵad ain lintog gapu si annae pammati? Naid! Yaḵon ipaila taḵu we tuttuwa pion ni lintog ḵanan.
Currently Selected:
Romans 3: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Romans 3
3
Sa Angwan Apudyus Atta Judyu
1Pun ngai ambaḻuwan ni ambalin aḵ Judyu? Baḵon nu ngai ḵad ain patog ni sogyat? 2Sa ḵatuttuwaan, ampatog tagu we mibelang aḵ Judyu. Sa umuna, ditaḵu nangitaḻgodan Apudyus si nigili ye ugudna. 3Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina? 4Naid! Te tuttuwa'ḵ Apudyus, taḵon ay nu tuliyan da losane tagu. Te sa nigili ye ugudna ḵanana,
“Nu taḵdoḻam mismu we long-agnu,
ipailame ustu da ḵingwam
ḵan pasige oḻgom
da losane amabasuḻ ḵan siḵa.”#3:4 Psalm 51:4.
5Yaḵon nu sa angwaan taḵu'tta ḵinalaweng angipaila si naun-unan aḵ Apudyus, maḵwa ḵammane ḵanan taḵu we adipun naun-unan aḵ Apudyus nu dusaona ditaḵu gapu'tta ḵinalaweng taḵu? An-ugudaḵe ḵasomsomḵan di tagu. 6Daḵampun aḵ ḵatti! Te nu adi naun-unan aḵ Apudyus, ngai inonae anguwis atta losane tagu si annae lubung?
7Yaḵon nu mipagapu si ḵinatuliḵ mipail-an ni ḵinatuttuwaan Apudyus ya madayawana, ngaipaaḵ sissiyae naḵoddongan aḵ ḵabasbassuḻan? 8Ḵad ngaipa taḵu adi ḵoon lawweng ta itoḵwaḻna ambaḻu? Awad da udume tagu we paḻawengonda saḵone ibagabagadae imbagaḵ da anna yaḵon daḵampun aḵ tuttuwa. Pun labbongnae madusada.
Da Losane Tagu Naḵabasuḻ
9Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil. 10Te sa ḵanan ni nigili ye Ugud Apudyus,
“Naippun tagu'ḵ naun-unan,
taḵon ay ossaan.
11Naippun ossaan aḵ maḵaawat si ḵatuttuwaan
ḵan ippun ossaan aḵ maḻyad angigammu ḵan Apudyus.
12Nan-awidan da losane tagu'ḵ Apudyus
ya losanda nambalin aḵ lawweng,
ḵad ippun ossaan aḵ angwa si ambaḻu,
taḵon ay ossaan.#3:10-12 Da Psalm 14:1-3; 53:1-3.
13Isunan nabubuḵtane libon da sungadda
ḵad pasige tinutuli da ugudonda.#3:13 Psalm 5:9.
Ḵad da ugude ibungangayda
isunan gitan di uḻog.#3:13 Psalm 140:3.
14Ḵad pasig aḻawag ḵan sanga
da ugudonda.#3:14 Psalm 10:7.
15Ḵad alistuda bose pumatoy,
16ḵad dinumane ayanda,
guluwonda da tagu
ya awad da dadailonda.
17Ippun somsomoḵda'ḵ mitimpuyug
atte allin-awaan da udume tagu.#3:15-17 Isaiah 59:7-8.
18Adidapun isipog aḵ Apudyus.”#3:18 Psalm 36:1.
19Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis. 20Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.
Sa Angwaan Apudyus Atta Tagu Aḵ Maun-unan
21Yaḵon sinsana, impaigammun Apudyus inonae angwa'tta tagu'ḵ maun-unane daḵampun aḵ mipagapu si anuttuwaanda'tte lintog. Taḵdoḻan ni lintog Moses ya da inggilin da profetan Apudyus mipanggob si anna. 22Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu. 23Te losan taḵu naḵabasuḻ ḵad adayu taḵu si ḵinabaḻun Apudyus. 24Yaḵon gapu'tte libli ye atod Apudyus ḵan ditaḵu ya gapu'tte ḵinabaḻuna, ḵingwana ditaḵu'ḵ naun-unan mipagapu ḵan Jesu Kristu we nanubut ḵan ditaḵu'tte dusan da basuḻ taḵu. 25Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda. 26Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.
27Pun aditaḵupun lamog isḵaḻ naun-unan taḵu gapu si anuttuwaan taḵu'tte lintog. Yaḵon aḵ Apudyus angwa si maun-unan taḵu gapu si pammati taḵu. 28Patiyon taḵu we aḵ Apudyus angwa si maun-unan da tagu mipagapu si amatiyanda ḵan Jesu Kristu, daḵampun aḵ sa anuttuwaanda'tte lintog. 29Aḵ Apudyus ḵad, daḵampun aḵ abus da Judyu aḵ sin-Apudyus yaḵon Apudyus os da Gentil te siya Apudyus da losane tagu. 30Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda. 31Ḵad idiyan taḵu ḵad ain lintog gapu si annae pammati? Naid! Yaḵon ipaila taḵu we tuttuwa pion ni lintog ḵanan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.