Romans 2
2
Sa Anḵuḵuwis Apudyus
1Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus. 2Igammu taḵu we ustu anḵuḵuwis Apudyus atta angwa'tta ḵassadi. 3Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus? 4Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa? 5Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu. 6Te aḵ Apudyus gungunaana tagu sigun atta ḵingwana.#2:6 Psalm 62:12; Proverbs 24:12. 7Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana. 8Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida. 9Ḵad da losane tagu we angwa'ḵ lawweng, amod de ampaḵaḻamanda, umuna'tta Judyu isuna bos atta Gentil. 10Yaḵon da losane tagu we angwa'tte ambaḻu, padayawan ḵan patgan Apudyus dida ya ittona lin-awan da somsomoḵda, umuna'tta Judyu isuna bos atta Gentil. 11Te aḵ Apudyus ḵad ippun laḵsigona nu anḵuwis.#2:11 Deuteronomy 10:17.
12Te da losane naḵabasuḻ, misinada ḵan Apudyus ya madusada'ḵ inggana. Da Gentil ḵad adidapun inigammu Lintog Apudyus, pun adimpun Apudyus ibatay si lintog nu ḵuwisona dida mipagapu'tta basuḻda. Yaḵon da Judyu, igammuda sanae lintog, pun siya ambatayan Apudyus we anguwis ḵan dida. 13Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana. 14Te da Gentil ippun igammuda'tte lintoge inggilin Moses yaḵon nu ḵoonda da ambaḻu we paḵwan ni lintog, ambalin aḵ lintog ḵan didae mismu. 15Ḵad sa angwaanda'tta ustu, sadi angipailae nigili lintog atta pusuda. Ḵad taḵdoḻan ni somsomoḵdae tuttuwa sana te nu ḵoonda ambaḻu, igammun ni somsomoḵdae ambaḻu. Ḵad nu ḵoonda lawweng, igammun os ni somsomoḵdae lawweng. 16Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.
Sa Lintog Moses
17Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu. 18Ḵad igammuyu pinion Apudyus we paḵwa ḵan diḵayu ya nalaing ḵayu we ampili'tta ḵabaḻuwan te annat lintognae anuttudu ḵan diḵayu. 19Ḵad nu aaddi ye diḵayu angidaḻan atta naḵuḻape ippun igammuda si mipanggob ḵan Apudyus, diḵayu silawe allangḻang atta awad atte pongot. 20Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan. 21Ḵananyu we nalaing ḵayu we antuttudu'tta udum yaḵon ngaipayu adi tuttuduwan da long-agyu nu? Iwaḻagawagyu we adi ḵayu oḵyan an-aḵaw yaḵon ngaipa ḵayu bos an-aḵaw nu? 22Ḵad ḵananyu bose ḵasapuḻane adi ḵayu maḵadagdagas, pun ngaipa ḵayu bos maḵadagdagas nu? Ḵad ḵananyu bose am-amgaḻ long-agyu we andayaw atta sinan-apudyus, ḵad ngaipa ḵayu lumnoḵ si templon da sinan-apudyus ta an-aḵaw ḵayu'tta awad ad daḻom nu? 23Siya isḵaḻyu Lintog Apudyus we awad ḵan diḵayu yaḵon diḵayu bos angibabbain ḵan Apudyus gapu'tte allisalisanyu'tte lintogna! 24Tuttuwa nigili ye Ugud Apudyus we ḵanana, “Gapu'tta sanae ḵoḵoḵḵonyu we Judyu, siya an-ugudan da Gentil si lawweng mipanggob ḵan Apudyus.”#2:24 Isaiah 52:5; Ezekiel 36:22.
25Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan. 26Pun taḵon ay da Gentil we adipun nasogyatan nu tuttuwaonda tuttudun Apudyus, ibelang Apudyus dida'ḵ isun da tagunae nasogyatan. 27Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda. 28Sa tuttuwae Judyu we ibelang Apudyus aḵ taguna, daḵampun aḵ siya mimatunana angunudana si ugali baḵon nu sa nampasogyatana. 29Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.
Currently Selected:
Romans 2: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Romans 2
2
Sa Anḵuḵuwis Apudyus
1Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus. 2Igammu taḵu we ustu anḵuḵuwis Apudyus atta angwa'tta ḵassadi. 3Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus? 4Adiyu potogon aḵ Apudyus atte ḵananyu we adimpun diḵayu dusaon gapu ta ḵumadagu, naattom ya amod de anusna. Adiyupun ḵamman igammu we ḵinadaguwana diḵayu ta ibabawiyu da basuḻyu ya agayyu we angwa? 5Yaḵon gapu ta tummungitong da somsomoḵyu ya adiḵayupun ambabawi, amo dog-adog-anyu ḵadusaanyu'tte aḻgawe angipail-an Apudyus atte sangana ya mipaila naun-unane anḵuḵuwisna'tta tagu. 6Te aḵ Apudyus gungunaana tagu sigun atta ḵingwana.#2:6 Psalm 62:12; Proverbs 24:12. 7Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana. 8Yaḵon da tagu we siya sosomḵonda da pionda ya adidapun tuttuwaon gapu si adidapun amatiyan si ḵatuttuwaan ḵad siya ḵoonda lawweng, aaddi ye dida angipail-an Apudyus si ummamdane sangana'tte timpu we anusaana ḵan dida. 9Ḵad da losane tagu we angwa'ḵ lawweng, amod de ampaḵaḻamanda, umuna'tta Judyu isuna bos atta Gentil. 10Yaḵon da losane tagu we angwa'tte ambaḻu, padayawan ḵan patgan Apudyus dida ya ittona lin-awan da somsomoḵda, umuna'tta Judyu isuna bos atta Gentil. 11Te aḵ Apudyus ḵad ippun laḵsigona nu anḵuwis.#2:11 Deuteronomy 10:17.
12Te da losane naḵabasuḻ, misinada ḵan Apudyus ya madusada'ḵ inggana. Da Gentil ḵad adidapun inigammu Lintog Apudyus, pun adimpun Apudyus ibatay si lintog nu ḵuwisona dida mipagapu'tta basuḻda. Yaḵon da Judyu, igammuda sanae lintog, pun siya ambatayan Apudyus we anguwis ḵan dida. 13Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana. 14Te da Gentil ippun igammuda'tte lintoge inggilin Moses yaḵon nu ḵoonda da ambaḻu we paḵwan ni lintog, ambalin aḵ lintog ḵan didae mismu. 15Ḵad sa angwaanda'tta ustu, sadi angipailae nigili lintog atta pusuda. Ḵad taḵdoḻan ni somsomoḵdae tuttuwa sana te nu ḵoonda ambaḻu, igammun ni somsomoḵdae ambaḻu. Ḵad nu ḵoonda lawweng, igammun os ni somsomoḵdae lawweng. 16Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.
Sa Lintog Moses
17Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu. 18Ḵad igammuyu pinion Apudyus we paḵwa ḵan diḵayu ya nalaing ḵayu we ampili'tta ḵabaḻuwan te annat lintognae anuttudu ḵan diḵayu. 19Ḵad nu aaddi ye diḵayu angidaḻan atta naḵuḻape ippun igammuda si mipanggob ḵan Apudyus, diḵayu silawe allangḻang atta awad atte pongot. 20Ḵad ḵananyu bose diḵayu ḵallabbong anuttudu'tta dong-og ḵan anuttudu'tta inaabbeng da somsomoḵda gapu'tte lintoge annat ḵan diḵayu we angigammuwanyu si ustu ḵan ḵatuttuwaan. 21Ḵananyu we nalaing ḵayu we antuttudu'tta udum yaḵon ngaipayu adi tuttuduwan da long-agyu nu? Iwaḻagawagyu we adi ḵayu oḵyan an-aḵaw yaḵon ngaipa ḵayu bos an-aḵaw nu? 22Ḵad ḵananyu bose ḵasapuḻane adi ḵayu maḵadagdagas, pun ngaipa ḵayu bos maḵadagdagas nu? Ḵad ḵananyu bose am-amgaḻ long-agyu we andayaw atta sinan-apudyus, ḵad ngaipa ḵayu lumnoḵ si templon da sinan-apudyus ta an-aḵaw ḵayu'tta awad ad daḻom nu? 23Siya isḵaḻyu Lintog Apudyus we awad ḵan diḵayu yaḵon diḵayu bos angibabbain ḵan Apudyus gapu'tte allisalisanyu'tte lintogna! 24Tuttuwa nigili ye Ugud Apudyus we ḵanana, “Gapu'tta sanae ḵoḵoḵḵonyu we Judyu, siya an-ugudan da Gentil si lawweng mipanggob ḵan Apudyus.”#2:24 Isaiah 52:5; Ezekiel 36:22.
25Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan. 26Pun taḵon ay da Gentil we adipun nasogyatan nu tuttuwaonda tuttudun Apudyus, ibelang Apudyus dida'ḵ isun da tagunae nasogyatan. 27Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda. 28Sa tuttuwae Judyu we ibelang Apudyus aḵ taguna, daḵampun aḵ siya mimatunana angunudana si ugali baḵon nu sa nampasogyatana. 29Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.