Romans 11
11
Sa Ḵadagun Apudyus Atta Judyu
1Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham. 2Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel, 3ḵanana, “Apu, gingngatda da profetam ḵad dinadailda da altar we maiggaan da midatun ḵan siḵa. Os-ossaanaḵe nabun-an woḵ pionda bos saḵon gongaton.”#11:3 1 Kings 19:10, 14. 4Pun ngai insongbat Apudyus ḵan siya? Ḵanana, “Awad da pitullibu we buḻunnu we taguḵe adipun nandayaw atta sinan-apudyus we angngadan aḵ Baal.”#11:4 1 Kings 19:18. 5Isuna bose sana, awad da udume buḻunḵu we Judyu we nabun-ane pinilin Apudyus aḵ taguna mipagapu si ḵinabaḻuna. 6Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.
7Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda. 8Ḵaḵnat ḵanan ni Ugud Apudyus, “Innatod Apudyus ḵan dida naliwonge somsomoḵ ḵad da atada adidapun maḵaila ya da ingada adidapun maḵadongoḻ inggana sinsadi.”#11:8 Deuteronomy 29:4; Isaiah 29:10. 9Ḵad awad os inggilin Ari David si mipanggob ḵan didae ḵanana,
“Maaddaganda oḵyan madusae isun di ayame masiluwan
baḵon nu mabituwanda si timpu we anggangganasanda.
10Maḵuḻabuwan oḵyan da atada ta adida maḵaila
ya tiḵungona oḵyan dida'ḵ inggana.”#11:9-10 Psalm 69:22-23.
11Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida. 12Nu sa sadi ye naḵabasuḻan da Judyu nambalin aḵ bummaḻuwan da losane tagu si annae lubung, amo simbumaḻu da tagu nu losan da Judyu mibelang aḵ tagun Apudyus.
Sa Mataguwan Da Gentil
13Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon 14ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda. 15Te gapu si nangidiyanan Apudyus atta Judyu, sadi bos gundaway da udume tagu'tte lubunge mipaḻ-og maḵabuḻbuḻunanda ḵan siya. Ḵad asimbumaḻu nu awaton Apudyus ḵasin didae isuna umuliyan da natoy.
16Mipani da Judyu atte tinapay. Te igammu taḵu we nu midatun ummunae partin ni tinapay ḵan Apudyus, da udum ose partin ni tinapay nibelang aḵ ḵuwan Apudyus. Mipani bos atte ḵayu te nu ḵuwan Apudyus lamutna, ḵuwana bos da pangana. 17Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive. 18Yaḵon diḵayu we Gentil we nipasani ḵan dida, ḵasapuḻane ummanyu ta adiyu amsewon da sadi ye naspaḵe panga, sosomḵonyu oḵyane daḵampun ḵan diḵayu amadaḵoḻ si lamutna yaḵon sa lamut amadaḵoḻ ḵan diḵayu. 19Maḵwa ḵananyu we naspaḵ panga ta misugtup ḵani. 20Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu. 21Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup? 22Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu. 23Ḵad taḵon ay da Judyu we adipun namati, nu ambaliwda ya namatida ipaulin Apudyus dida'tta naspaḵanda te anna ḵabooḻanae angipauli ḵan dida. 24Te nu maḵwae isugtup diḵayu we Gentil we isun da atape ḵayu ya insugtupna si ustu we muḻana, amo naḻaslasu angisugtupana'tta Judyu we gagangaye pangana.
Sa Ḵumadaguwan Apudyus Atta Losane Tagu
25Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati. 26Pun sadi anaguwan Apudyus atta losane ganaḵ Israel. Te sa ḵanan ni nigili ye Ugud Apudyus,
“Ad Zion maḻpuwan ni Anagu ḵan diḵayu.
Ḵad ḵaanona da losane ḵinalaweng
da Judyu we ganaḵ Jacob.
27Ḵad sadi intuḻagḵu ḵan didae
pakawanoḵ da basuḻda.”#11:26-27 Isaiah 27:9; 59:20-21; Jeremiah 31:31, 33-34.
28Gapu ta adimpun da Judyu pinati Ambaḻu we Damag, nambalinda'ḵ ḵabusuḻ Apudyus gapu ḵan diḵayu we Gentil. Yaḵon gapu ta pinilin Apudyus dida, ay-ayatona dida gapu'tte inkarina'tta danaḵḵoḻda. 29Te adipun maḵwae obson Apudyus somsomoḵna si mipanggob atta binindisyunana ya da pinilina. 30Diḵayu we Gentil, adiyupun aḵ Apudyus tinuttuwa gapu si adiyupun namatiyan atte awe. Yaḵon sinsana, ḵinadaguwana diḵayu gapu'tte adin da Judyu tummuttuwaan. 31Isun os da Judyu, adidapun tinuttuwa gapu si adidapun amatiyan sinsana yaḵon maḵwae ḵadaguwan Apudyus dida gapu'tte ḵadagu we mipaila ḵan diḵayu. 32Te iyyunud Apudyus we nambalin taḵu losan aḵ musassun ni basuḻ ta ipailana ḵadaguna'tta losan.
Sa Madayawan Apudyus
33Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona. 34Isun ni nigili ye Ugudnae ḵanana,
“Awad ḵamman tagu'ḵ angigammu si somsomoḵ Apu?
Ḵad awad ḵamman ḵallabbong amagbaga ḵan siya?
35Ḵad awad ḵamman nangitod ḵan Apudyus
ta ḵasapuḻane subalitana?”#11:34-35 Isaiah 40:13; Job 35:7; 41:11; 1 Corinthians 2:16.
36Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.
Currently Selected:
Romans 11: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Romans 11
11
Sa Ḵadagun Apudyus Atta Judyu
1Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham. 2Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel, 3ḵanana, “Apu, gingngatda da profetam ḵad dinadailda da altar we maiggaan da midatun ḵan siḵa. Os-ossaanaḵe nabun-an woḵ pionda bos saḵon gongaton.”#11:3 1 Kings 19:10, 14. 4Pun ngai insongbat Apudyus ḵan siya? Ḵanana, “Awad da pitullibu we buḻunnu we taguḵe adipun nandayaw atta sinan-apudyus we angngadan aḵ Baal.”#11:4 1 Kings 19:18. 5Isuna bose sana, awad da udume buḻunḵu we Judyu we nabun-ane pinilin Apudyus aḵ taguna mipagapu si ḵinabaḻuna. 6Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.
7Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda. 8Ḵaḵnat ḵanan ni Ugud Apudyus, “Innatod Apudyus ḵan dida naliwonge somsomoḵ ḵad da atada adidapun maḵaila ya da ingada adidapun maḵadongoḻ inggana sinsadi.”#11:8 Deuteronomy 29:4; Isaiah 29:10. 9Ḵad awad os inggilin Ari David si mipanggob ḵan didae ḵanana,
“Maaddaganda oḵyan madusae isun di ayame masiluwan
baḵon nu mabituwanda si timpu we anggangganasanda.
10Maḵuḻabuwan oḵyan da atada ta adida maḵaila
ya tiḵungona oḵyan dida'ḵ inggana.”#11:9-10 Psalm 69:22-23.
11Ḵad awad de imusoḵ, sa sadi ye nisubuḵan da Judyu, piona ḵad ain ugudone adidapun labbong bumangon ḵasin? Naid! Te gapu'tte basuḻdae indiyanda'ḵ Kristu, dummatong nanaguwan Apudyus atta Gentil ta umapos da Judyu ḵan dida. 12Nu sa sadi ye naḵabasuḻan da Judyu nambalin aḵ bummaḻuwan da losane tagu si annae lubung, amo simbumaḻu da tagu nu losan da Judyu mibelang aḵ tagun Apudyus.
Sa Mataguwan Da Gentil
13Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon 14ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda. 15Te gapu si nangidiyanan Apudyus atta Judyu, sadi bos gundaway da udume tagu'tte lubunge mipaḻ-og maḵabuḻbuḻunanda ḵan siya. Ḵad asimbumaḻu nu awaton Apudyus ḵasin didae isuna umuliyan da natoy.
16Mipani da Judyu atte tinapay. Te igammu taḵu we nu midatun ummunae partin ni tinapay ḵan Apudyus, da udum ose partin ni tinapay nibelang aḵ ḵuwan Apudyus. Mipani bos atte ḵayu te nu ḵuwan Apudyus lamutna, ḵuwana bos da pangana. 17Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive. 18Yaḵon diḵayu we Gentil we nipasani ḵan dida, ḵasapuḻane ummanyu ta adiyu amsewon da sadi ye naspaḵe panga, sosomḵonyu oḵyane daḵampun ḵan diḵayu amadaḵoḻ si lamutna yaḵon sa lamut amadaḵoḻ ḵan diḵayu. 19Maḵwa ḵananyu we naspaḵ panga ta misugtup ḵani. 20Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu. 21Te nu adimpun Apudyus ḵinagagaane nanopaḵ atta Judyu we gagangaye pangana, magaga ḵamman ose anopaḵ ḵan diḵayu we mipani'tta pangae nisugtup? 22Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu. 23Ḵad taḵon ay da Judyu we adipun namati, nu ambaliwda ya namatida ipaulin Apudyus dida'tta naspaḵanda te anna ḵabooḻanae angipauli ḵan dida. 24Te nu maḵwae isugtup diḵayu we Gentil we isun da atape ḵayu ya insugtupna si ustu we muḻana, amo naḻaslasu angisugtupana'tta Judyu we gagangaye pangana.
Sa Ḵumadaguwan Apudyus Atta Losane Tagu
25Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati. 26Pun sadi anaguwan Apudyus atta losane ganaḵ Israel. Te sa ḵanan ni nigili ye Ugud Apudyus,
“Ad Zion maḻpuwan ni Anagu ḵan diḵayu.
Ḵad ḵaanona da losane ḵinalaweng
da Judyu we ganaḵ Jacob.
27Ḵad sadi intuḻagḵu ḵan didae
pakawanoḵ da basuḻda.”#11:26-27 Isaiah 27:9; 59:20-21; Jeremiah 31:31, 33-34.
28Gapu ta adimpun da Judyu pinati Ambaḻu we Damag, nambalinda'ḵ ḵabusuḻ Apudyus gapu ḵan diḵayu we Gentil. Yaḵon gapu ta pinilin Apudyus dida, ay-ayatona dida gapu'tte inkarina'tta danaḵḵoḻda. 29Te adipun maḵwae obson Apudyus somsomoḵna si mipanggob atta binindisyunana ya da pinilina. 30Diḵayu we Gentil, adiyupun aḵ Apudyus tinuttuwa gapu si adiyupun namatiyan atte awe. Yaḵon sinsana, ḵinadaguwana diḵayu gapu'tte adin da Judyu tummuttuwaan. 31Isun os da Judyu, adidapun tinuttuwa gapu si adidapun amatiyan sinsana yaḵon maḵwae ḵadaguwan Apudyus dida gapu'tte ḵadagu we mipaila ḵan diḵayu. 32Te iyyunud Apudyus we nambalin taḵu losan aḵ musassun ni basuḻ ta ipailana ḵadaguna'tta losan.
Sa Madayawan Apudyus
33Naippun miyisuwan ni ḵinabaḵnang, ḵinalaing ya igammun Apudyus! Naippun ḵallamog angipaḵaawat atte inabusna simsimmoḵ! Ḵad ippun os maḵaawat si ḵoona. 34Isun ni nigili ye Ugudnae ḵanana,
“Awad ḵamman tagu'ḵ angigammu si somsomoḵ Apu?
Ḵad awad ḵamman ḵallabbong amagbaga ḵan siya?
35Ḵad awad ḵamman nangitod ḵan Apudyus
ta ḵasapuḻane subalitana?”#11:34-35 Isaiah 40:13; Job 35:7; 41:11; 1 Corinthians 2:16.
36Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.