Romans 10
10
Sa Inon Apudyus We Angwa Atta Tagu Aḵ Maun-unan
1Susunudḵu ḵan Kristu, isisimoḵḵu we alluwaḻu ḵan Apudyus para'tte mataguwan da ḵailiyaḵe Judyu. 2Mataḵdoḻaḵe isisimoḵdae anserbi ḵan Apudyus yaḵon adidapun igammu ustu we inondae anserbi ḵan siya. 3Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan. 4Te aḵ Kristu anungus ni lintog ta da losane amati, aḵ Apudyus angwa ḵan dida'ḵ maun-unan atte sinagungna.
Da Losane Tagu Maḵwae Mataguda
5Awad de inggilin Moses mipanggob si maun-unan ni tagu si sinagung Apudyus gapu si anuttuwaanda'tte lintog. Ḵanana, “Ngaimane anuttuwa'tta losane bilin ni lintog matagu gapu'tte sadi ye lintog.”#10:5 Leviticus 18:5; Galatians 3:12. 6Yaḵon sa inon Apudyus we angwa'tte tagu'ḵ maun-unan gapu'tte pammatina, awad de nigili si Ugud Apudyus we amanoḵnoḵe daḵampun aḵ anḵamnut awad pammati ye ḵanana, “Adiyu ḵanan atta somsomoḵyu we ḵasapuḻane awad umoy ad langit.”#10:6 Deuteronomy 30:12. Sa piona ḵanan an-osog aḵ Jesu Kristu sina'd luta. 7Ḵanan os ni nigili si Ugud Apudyus, “Adiyu bos ḵanan atta somsomoḵyu we ḵasapuḻane awad umoy atte igaw da natoy.”#10:7 Deuteronomy 30:13. Sa piona ḵanan ta umuli'ḵ Kristu. 8Yaḵon ngai ibagana? Ḵanana, “Adani ḵan siḵa Ugud Apudyus, annat si sungadnu ya sa somsomoḵnu.”#10:8 Deuteronomy 30:14. Piona ḵanan sa Ugud Apudyus we mipanggob si pammati ye iwaḻagawagni. 9Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu. 10Te gapu'tte sipupusu we amatiyan taḵu ḵan Jesu Kristu aḵ Apudyus angwa ḵan ditaḵu'ḵ maun-unan ḵad sa angibabaggaan taḵu bose aḵ Jesus Apu, sadi mataguwan taḵu. 11Te awad de nigili ye Ugud Apudyus we ḵanana, “Ngaimane amati ḵan siya adipun paat madismaya.”#10:11 Isaiah 28:16. 12Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu. 13Te sa ḵanan ni nigili'tte Ugud Apudyus, “Da losane tagu we anḵodaw aḵ ḵadagu ḵan Apu, mataguda.”#10:13 Joel 2:32.
14Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag? 15Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”#10:15 Isaiah 52:7. 16Yaḵon adimpun da losane tagu tinuttuwa Ambaḻu we Damag. Te ḵanan Profeta Isaiah, “Apu, ngai da namati'tta imbagabagani?”#10:16 Isaiah 53:1. 17Pun adipun maḵwae amati da tagu nu adidapun umunae andongoḻ. Ḵad ḵasapuḻane dongngonda Ambaḻu we Damag mipanggob ḵan Kristu.
18Yaḵon imusoḵ ud ḵan diḵayu, tuttuwa ḵad aine adimpun da Judyu dingngoḻ mipanggob ḵan Kristu? Dingngoḻda te ḵanan ni nigili ye Ugud Apudyus,
“Niwaḻagawag atta ḵinailin di ili ya
nandinongoḻ atta losane ili si annae lubung.”#10:18 Psalm 19:4.
19Imusoḵ ḵasin, adimpun ḵad ain da ganaḵ Israel naawatan sadi ye dingngoḻda? Tuttuwae naawatanda te taḵon ay da Gentil naawatanda. Annaya inggilin Moses we Ugud Apudyus atta ganaḵ Israel we ḵanana,
“Ḵooḵ maaposanyu'tta tagu we inam-amsewyu.
Ḵad ḵooḵ sumang-anyu'tta tagu we imbelangyu'ḵ ippun igammuda mipanggob ḵan saḵon.”#10:19 Deuteronomy 32:21.
20Antuḻod os aḵ Profeta Isaiah we nangibaga'tta imbagan Apudyus we ḵanana,
“Indasanaḵ atta daḵampun aḵ angngit ḵan saḵon,
ḵad nampailaaḵ atta daḵampun aḵ angim-imus mipanggob ḵan saḵon.”#10:20 Isaiah 65:1.
21Yaḵon nu mipanggob atta Judyu we ganaḵ Israel, ḵanan Apudyus,
“Inaḻgawe dam-oḵ ayagan da tagu we adipun tumuttuwa gapu si adidapun amatiyan
ya summullagida te tummungitongda.”#10:21 Isaiah 65:2.
Currently Selected:
Romans 10: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Romans 10
10
Sa Inon Apudyus We Angwa Atta Tagu Aḵ Maun-unan
1Susunudḵu ḵan Kristu, isisimoḵḵu we alluwaḻu ḵan Apudyus para'tte mataguwan da ḵailiyaḵe Judyu. 2Mataḵdoḻaḵe isisimoḵdae anserbi ḵan Apudyus yaḵon adidapun igammu ustu we inondae anserbi ḵan siya. 3Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan. 4Te aḵ Kristu anungus ni lintog ta da losane amati, aḵ Apudyus angwa ḵan dida'ḵ maun-unan atte sinagungna.
Da Losane Tagu Maḵwae Mataguda
5Awad de inggilin Moses mipanggob si maun-unan ni tagu si sinagung Apudyus gapu si anuttuwaanda'tte lintog. Ḵanana, “Ngaimane anuttuwa'tta losane bilin ni lintog matagu gapu'tte sadi ye lintog.”#10:5 Leviticus 18:5; Galatians 3:12. 6Yaḵon sa inon Apudyus we angwa'tte tagu'ḵ maun-unan gapu'tte pammatina, awad de nigili si Ugud Apudyus we amanoḵnoḵe daḵampun aḵ anḵamnut awad pammati ye ḵanana, “Adiyu ḵanan atta somsomoḵyu we ḵasapuḻane awad umoy ad langit.”#10:6 Deuteronomy 30:12. Sa piona ḵanan an-osog aḵ Jesu Kristu sina'd luta. 7Ḵanan os ni nigili si Ugud Apudyus, “Adiyu bos ḵanan atta somsomoḵyu we ḵasapuḻane awad umoy atte igaw da natoy.”#10:7 Deuteronomy 30:13. Sa piona ḵanan ta umuli'ḵ Kristu. 8Yaḵon ngai ibagana? Ḵanana, “Adani ḵan siḵa Ugud Apudyus, annat si sungadnu ya sa somsomoḵnu.”#10:8 Deuteronomy 30:14. Piona ḵanan sa Ugud Apudyus we mipanggob si pammati ye iwaḻagawagni. 9Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu. 10Te gapu'tte sipupusu we amatiyan taḵu ḵan Jesu Kristu aḵ Apudyus angwa ḵan ditaḵu'ḵ maun-unan ḵad sa angibabaggaan taḵu bose aḵ Jesus Apu, sadi mataguwan taḵu. 11Te awad de nigili ye Ugud Apudyus we ḵanana, “Ngaimane amati ḵan siya adipun paat madismaya.”#10:11 Isaiah 28:16. 12Te naippun laḵsigon Apudyus taḵon ay Judyu baḵon nu Gentil te aḵ Jesu Kristu abus aḵ Apu taḵu we amindisyun atta losane anḵodaw aḵ ḵadagu ḵan Apu. 13Te sa ḵanan ni nigili'tte Ugud Apudyus, “Da losane tagu we anḵodaw aḵ ḵadagu ḵan Apu, mataguda.”#10:13 Joel 2:32.
14Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag? 15Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”#10:15 Isaiah 52:7. 16Yaḵon adimpun da losane tagu tinuttuwa Ambaḻu we Damag. Te ḵanan Profeta Isaiah, “Apu, ngai da namati'tta imbagabagani?”#10:16 Isaiah 53:1. 17Pun adipun maḵwae amati da tagu nu adidapun umunae andongoḻ. Ḵad ḵasapuḻane dongngonda Ambaḻu we Damag mipanggob ḵan Kristu.
18Yaḵon imusoḵ ud ḵan diḵayu, tuttuwa ḵad aine adimpun da Judyu dingngoḻ mipanggob ḵan Kristu? Dingngoḻda te ḵanan ni nigili ye Ugud Apudyus,
“Niwaḻagawag atta ḵinailin di ili ya
nandinongoḻ atta losane ili si annae lubung.”#10:18 Psalm 19:4.
19Imusoḵ ḵasin, adimpun ḵad ain da ganaḵ Israel naawatan sadi ye dingngoḻda? Tuttuwae naawatanda te taḵon ay da Gentil naawatanda. Annaya inggilin Moses we Ugud Apudyus atta ganaḵ Israel we ḵanana,
“Ḵooḵ maaposanyu'tta tagu we inam-amsewyu.
Ḵad ḵooḵ sumang-anyu'tta tagu we imbelangyu'ḵ ippun igammuda mipanggob ḵan saḵon.”#10:19 Deuteronomy 32:21.
20Antuḻod os aḵ Profeta Isaiah we nangibaga'tta imbagan Apudyus we ḵanana,
“Indasanaḵ atta daḵampun aḵ angngit ḵan saḵon,
ḵad nampailaaḵ atta daḵampun aḵ angim-imus mipanggob ḵan saḵon.”#10:20 Isaiah 65:1.
21Yaḵon nu mipanggob atta Judyu we ganaḵ Israel, ḵanan Apudyus,
“Inaḻgawe dam-oḵ ayagan da tagu we adipun tumuttuwa gapu si adidapun amatiyan
ya summullagida te tummungitongda.”#10:21 Isaiah 65:2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.