1 Corinthians 8
8
Sa Maḵane Nidatun Atta Sinan-apudyus
1Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu. 2Sa tagu we ḵananae igammuna losan, sanat angipailae ippun igammuna'tta banage igammuwona oḵyan. 3Yaḵon da angayat ḵan Apudyus, ibelang Apudyus dida'ḵ taguna.
4Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum. 5Te taḵon ay nu adu da ngannon da udume tagu apudyusda ad langit ya sina'd luta, tuttuwae adu da apudyusda ya adu da apuda. 6Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.
7Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada. 8Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.
9Yaḵon ḵasapuḻane umman taḵu wayawaya taḵu ta daḵampun oḵyan aḵ siya maḵabasuḻan ni buḻun taḵu we anḵuya somsomoḵna. 10Te nu ilan ni osae anḵuya somsomoḵnae siḵae anna igammunae anganḵa'd daḻom si templon da sinan-apudyus, daḵampun ḵamman aḵ siya masoḻgaganae maḵaḵan taḵon ay nu igammunae nidatun atta sinan-apudyus? 11Ḵad gapu si igammum, nadadail sunudnu ḵan Kristu we anḵuya pammatinae inḵatoy Kristu. 12Nu naḵabasuḻ ḵayu'tta susunudyu ḵan Kristu, pinaḻwengyu da somsomoḵda te inunudda diḵayu we angwa si sinomsomoḵdae lawweng ya naḵabasuḻ ḵayu bos ḵan Kristu. 13Pun nu siya maḵabasuḻan ni sunudḵu ḵan Kristu anganaḵ atte sidae nidatun atta sinan-apudyus, agayḵu we angan atta sadi ye maḵan ta ippun maḵabasuḻan ni sunudḵu gapu ḵan saḵon.
Currently Selected:
1 Corinthians 8: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 8
8
Sa Maḵane Nidatun Atta Sinan-apudyus
1Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu. 2Sa tagu we ḵananae igammuna losan, sanat angipailae ippun igammuna'tta banage igammuwona oḵyan. 3Yaḵon da angayat ḵan Apudyus, ibelang Apudyus dida'ḵ taguna.
4Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum. 5Te taḵon ay nu adu da ngannon da udume tagu apudyusda ad langit ya sina'd luta, tuttuwae adu da apudyusda ya adu da apuda. 6Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.
7Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada. 8Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.
9Yaḵon ḵasapuḻane umman taḵu wayawaya taḵu ta daḵampun oḵyan aḵ siya maḵabasuḻan ni buḻun taḵu we anḵuya somsomoḵna. 10Te nu ilan ni osae anḵuya somsomoḵnae siḵae anna igammunae anganḵa'd daḻom si templon da sinan-apudyus, daḵampun ḵamman aḵ siya masoḻgaganae maḵaḵan taḵon ay nu igammunae nidatun atta sinan-apudyus? 11Ḵad gapu si igammum, nadadail sunudnu ḵan Kristu we anḵuya pammatinae inḵatoy Kristu. 12Nu naḵabasuḻ ḵayu'tta susunudyu ḵan Kristu, pinaḻwengyu da somsomoḵda te inunudda diḵayu we angwa si sinomsomoḵdae lawweng ya naḵabasuḻ ḵayu bos ḵan Kristu. 13Pun nu siya maḵabasuḻan ni sunudḵu ḵan Kristu anganaḵ atte sidae nidatun atta sinan-apudyus, agayḵu we angan atta sadi ye maḵan ta ippun maḵabasuḻan ni sunudḵu gapu ḵan saḵon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.