Na Sailm 67
67
Salm 67.
Deus misereatur.
1Go ndéana Dia trócaire orainn, agus go mbeannaí sé sinn: go dtaispeána sé solas a ghnúise dúinn, agus go ndéana sé trócaire orainn.
2Go raibh eolas do shlí ar fuaid an talaimh: eolas do shlánaithe ag gach náisiún.
3Moladh na ciníocha thú, a Dhia: ná raibh duine nach mbeidh do do mholadh.
4Déanadh na náisiúin lúcháir agus gairdeas: óir déanfaidh tú ceart don phobal, agus rialóidh tú náisiúin an domhain.
5Moladh na ciníocha thú, a Dhia: ná raibh duine nach mbeidh do do mholadh.
6Tabharfaidh an talamh a thorthaí uaidh ansin: agus cuirfidh Dia, ár nDia féin, a bheannacht orainn.
7Cuirfidh Dia a bheannacht orainn: agus beidh a uamhan ar gach uile theorainn den domhan.
Currently Selected:
Na Sailm 67: OC1965
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965