2 तीमुथियुस 3
3
आखरी दना मं
1याद रखाणज्यो आखरी दना मं आपण्अ उपरअ घणीबरी बगत आवली। 2लोगबाग लालची, स्वार्थी, अभिमानी, अपराधी, परमेसर की बराई करबाळा, माई-बाप की कोन सुणबाळा, बना दीया का, अपवितर 3बना परेम का, बना छमा, बराई करबाळा, असंयमी, जंगळी, ज्योबी चोखो छ उंका बिरोधी, 4बस्वासघाती, बना समझहाळा, अहंकार सुं भर्यो अर परमेसर का परेमी होबा की बेई सुखहाळा हो जाव्अला। 5वे धरम को दखावो तो करअला पण उंक्अ माईन्अ की सक्ती बेई नट जाव्अला। वांसु सदा आंतरअ रिज्यो।
6क्युं क वाम्अ सुं एकात सखाबाळा अस्यान का छ ज्यो घरा मं उळर कमजोर इच्छा सक्ती की अर पापहाळा कामा की हरेक इच्छा प चालबाळी बेरबान्या न्अ काबु मं कर लेव्अ छ। 7ये बेरबान्या वा सखाबाळा सुं सदाई सिखबा की जोरी तो करअ छ पण सांच कांई छ ईन्अ कोन पेचाण्अ। 8ये सखाबाळा यन्नेस अर यम्ब्रेस जस्यानका छ, ज्यो मूसा को बिरोध कर्या छा, वस्यान ई ये मनख सांच का बिरोधी छ। या मनखा की बुद्धि भ्रष्ट छ अर ये बस्वास क पाछ्अ कोन चाल सक्या। 9पण ये साऊटा आग्अ कोन चाल पाव्अला क्युं क जस्यान यन्नेस अर यम्ब्रेस की मुरखता साम्अ आगी छी, वस्यान ई यांकी बी आजाव्अली।
आखरी आदेस
10कांई बी होव्अ तु म्हारी सक्ष्या न्अ मान्यो छ। म्हारा जीबा का लखण, जीबा को मतबल, म्हारो बस्वास, म्हारी सेनसीलता, म्हारो परेम, म्हारो धीरज 11#थरपेड़ा 13:14–52; थरपेड़ा 14:1–7; थरपेड़ा 14:8–20म्हारा वां दुखा अर कळेसा मं म्हारो साथ दियो छ थे तो जाणोई छो क अन्ताकिया, इकुनियुम अर लुस्त्रा नगरा मं मन्अ कतरा जोरका दुख दिया छा ज्यांन्अ म सेन कर्यो छो। पण परबु वां सब मं म्हारी रक्ष्या कर्यो छ। 12सांच्याई मसी ईसु की सेवा की भलाई मं ज्यो जीबो छाव्अ छ, सताया ई जाव्अला। 13पण पापी अर ठग दूसरा न्अ छळता होया अर खुद छळ्या जाता होया बरा सुं बरा होता जाव्अ छ। 14पण थे ज्यां बाता न्अ सिख्या अर बस्वास कर्या छो, वान्अ करता जावो। थे जाणो छो क यां बाता न्अ थे कुण सुं सिख्या छ। 15अर मन्अ तोल छ क तु बाळपणा सुंई पवितर सास्तरा न्अ बी जाण्अ छ। मसी ईसु मं बस्वास सुं थन्अ वा समझ मली छ जिसुं पाप सुं छूटवाड़ो मल सक्अ छ। 16सबळो सास्तर परमेसर की आत्मा की सक्ति सुं माण्ढ्यो गियो छ। यो मनखा न्अ सांच की सक्ष्या देबा बेई, वान्अ सुधारबा बेई, वान्अ वांकी बराई दखाबा बेई अर धार्मिक जन्दगी मं सिखबा का काम की छ। 17जिसुं परमेसर को हरेक सेवा करबाळो सास्तरा न्अ काम मं लेता होया सब तरा का चोखा कामा न्अ करबा बेई समर्थ अर भर्यो पूरो होव्अलो।
Currently Selected:
2 तीमुथियुस 3: डि एच डि
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
