1 कुरिन्थियों 4
4
खन्दायेड़ा चेला का काम
1म्हाका बारा मं लोगबाग अस्यान बच्यार करणी चायजे क आपा मसी की सेवा करबाळा छा, अर परमेसर का सबळा भेदा का मुनीम छा। 2अर अस्यान का दास मुनीम बेई या बात घणी जरूरी छ क वे खुदका मालिक बेई बस्वासहाळो होव्अ। 3अर म्हारअ बेई तो या मामूली बात छ क थे अर मनखा की कचेरी को कोई बी न्याऊ करबाळो म्हारो न्याऊ करअ पण म खुद बी म्हारो न्याऊ कोन्अ करू। 4क्युं क म्हारो मन साफ छ। पण इसुं यो साबित कोन्अ होव्अ क म सांच्याई नरदोष छु। पण वो एक'ई परबु छ ज्यो म्हारो न्याऊ करअ छ। 5जिसुं एकधम सई बगत आबासुं पेली कसी बी बात को न्याऊ मत करो। मतबल परबु क आबासुं पेली आखरी न्याऊ कोन्अ होव्अ, वोई अन्धेरा मं लुखेड़ी बाता न्अ उजाळा मं ल्याव्अलो अर मन का भेद खोल्अलो। उं बगत परमेसर की ओड़ी सुं हरेक की बड़ाई होव्अली।
6अरअ भायाओ थांकी बजेसुं म ये बाता अपुल्लोस अर खुद प खियो छु, जिसुं थे मंसुं यां बाता को मतबल सीख सको अर ज्यो सास्तर मं मण्ढरी छ वान्अ कोन्अ उंगालो। अर थान्अ दूसरा को बिरोध करबा बेई एक को पक्ष लेर घमण्ड सुं कोन्अ फुलणो चायजे। 7थान्अ दूसरा सुं ऊंचो कुण बणायो छ? थां कन्अ ज्योबी छ परमेसर वो थान्अ कोन्अ दियो कांई? तो फेर थे यो घमण्ड क्युं करो छो जाण्अ थे कोई सुं कांई बी कोन्अ लिया?
8ज्योबी थान्अ चायजे वो थां कन्अ पेल्या सुंई छो कांई? थे पेलीसुंई पिसाळा छा कांई? म्हारअ बनाई थे राजा बणग्या कांई? कतरो चोखो होतो क थे राजा बणजाता, जिसुं म्हे बी थांकी लार राज करता। 9क्युं क मन्अ अस्यान लाग्अ छ क परमेसर म्हा थरपेड़ा चेला न्अ सबळा सुं आखरी मं रखाण्यो छ, ज्यांन्अ मारबा की आज्ञा मल चुकी होव्अ, क्युं क आपा संसार का सबळा मनखा बेई अर सरगदूता बेई तमासो बणग्या। 10म्हे मसी बेई बेबुद्धि छा पण थे मसी मं घणा ज्ञानी छो! म्हे तो कमजोर छा पण थे तो तागतहाळा छो। म्हाकी तो कोई इज्जत कोन्अ पण थे तो इज्जताळा छो। 11में हालताणी भूखा-तसाया छा अर मे उघाड़ा छा, म्हाकी लार माराकुटी करी जाव्अ छ। अर में बेघर छा। 12#थरपेड़ा 18:3म्हे मेनत मजुरी करर कमावा खावां छा। अर ज्यो कोई म्हान्अ सराप देव्अ छ में वान्अ आसीर्वाद देवा छा। लोगबाग म्हान्अ सताव्अ छ अर म्हे बरदास करां छा। 13जद्या म्हारी बेजती करी जाव्अ छ तो म्हे परेम सुं जुवाब देवा छा। म्हे ई दनीया का कजोड़ा सुं साउटा कोन्अ समझ्या जांवा अर सबळी चीजा की खुरचण की जस्यान छा।
14म थांकी बेजती करबा बेई ये बाता कोन्अ माण्ढ्यो। पण म थान्अ म्हारा प्यारा छोरा जाणर समझाऊ छु। 15क्युं क मसी जीवन मं थान्अ समाळबाळा दस हजार होव्अ फेरबी थांक्अ बाप तो एक'ई छ। क्युं क ईसु मसी का चोखा समचार सुं म थारो बाप होयो। 16#1 कुरि 11:1; फिलि 3:17जिसुं म थासुं अरदास करू छु क थे म्हारी जस्यानकी चाल चालो। 17अर ई बजे सुंई म तीमुथियुस न्अ थां कन्अ खन्दायो छु। ज्यो परबु मं म्हारो लाड़लो अर बस्वासहाळो छोरो छ। म मसी मं ज्यां बाता प्अ चाल्अ छो वो थान्अ वांकी अर ज्यो सक्ष्या म बस्वास्या की टोळ्यां मं अर सबळी ठोर मं दियो छो उंकी याद दुवाव्अलो। 18अर थाम्अ तो घणा मनख अस्यान बच्यार करर्या छ क म थां कन्अ कद्या आउई कोन्अ 19पण ज्यो परबु चायो तो म पक्कोई थां कन्अ आंउलो अर ज्यो फूलर्या छ वांकी तागत को तोल पटक ल्युलो क वे खेव्अ जस्यानई छ, क कोन्अ। 20क्युं क परबु को राज बाता सुं कोन्अ पण परमेसर की सक्ती सुं छ। 21थे कांई चावो छो? म लकड़ी लेर थार कन्अ आंउ या फेर परेम अर दीया की आत्मा सुं भरर थार कन्अ आंउ।
Currently Selected:
1 कुरिन्थियों 4: डि एच डि
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
