Zaxaria 10
10
1Mangăn kata o Rai brîšind, brîšind anglamilaiehko! O Rai ankalavel le trsneturea, thai tradel tumengă brîšind pebutimaste, anda soa zăllenimos poa kîmpo.#Deut. 11.14. Iov 29.23. Ier. 14.22. Ioel 2.23.
2Kă le terafimea denduma khančimata, le drabarne prooročin xoxaimata, le sune xoxaven thai răzgăin khančimatănça. Andakodea, on xasaon sar khă turma, sî bibaxtale, anda kă nai le bakreari.#Iov 13.14. Ier. 10.8. Xab. 2.18.
3E xolli Mîŕî astardi'li pal bakrearea, thai došavaua le busnen. Kă o Rai le oštirengo rodel Pesti turma, o khăr le Iudahko, thai kărăla les sar Pehkă grastes la slavako ando mardimos.#Dilab. 1.9. Ezec. 34.17. Luka 1.68.
4Anda leste anklela o Baŕ andoa šero le kolçohko, anda leste anklela o tilloro, anda leste anklela o arko le mardimahko; anda leste anklena sal šerălebară andekhthan.#Num. 24.17. 1Sam. 14.38. Is. 19.13; 22.23.
5On avena sar varesar zuralle kai ušteaven andel pînŕă e čikh pal uliçi; ando mardimos, marăna pe, anda kă o Rai avela lesa; ta le grastarea avena garadine lajawestar.#Ps. 18.42.
6Zurearaua o khăr le Iudahko, thai skăpisaraua o khăr le Iosifohko; anaua le parpale, kă sî Mangă milla lendar, thai avena sar i kana či šudemas le; kă Me sîm o Rai, o Dell lengo, thai ašunaua le.#Cap. 13.9. Ier. 3.18. Ezec. 37.21. Osea 1.7.
7O Efraimo avela sar khă zurallo; lengo illo bukurila pe sar molleatar; lengă šave dikhăna e buti kadea thai vesălina pe, lengo illo bukurila pe ando Rai.#Cap. 9.15. Ps. 104.15.
8Fluierisarua le thai tidaua le, kă potindem le, thai buteona sar buteonas averdata.#Is. 5.26; 49.19. Ezec. 36.37.
9Phaŕavaua le maškar le popoară, thai anena pehkă godi Mandar andel čema le durearde; traisarăna andekhthan pehkă šavença, thai amboldena pe.#Deut. 30.1. Osea 2.23.
10Anaua le parpale andoa čem le Ejiptohko, thai tidaua le andai Asiria; anaua le andoa čem le Galaadohko thai ando Libano, thai či arăsăla le o than.#Is. 11.11, 16; 49.20. Osea 11.11.
11O Israelo nakhăla anda le strandimata la mareakă, malavela le valuri la mareakă thai sa le andraimata le nanilašokă le Nilohkă šuteona; o mîndrimos la Asiriako avela phago, thai e rowlli le tradimasti le Ejiptosti xasaola.#Is. 11.15, 16; 14.25. Ezec. 30.13.
12Zurearaua le ando Rai, thai phirăna ande Lehko Anau, phenel o Rai!#Mika 4.5.
Currently Selected:
Zaxaria 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
