Romaia 2
2
O bikăimos le Iudeiengo.
1Ta kadea, manuša, orsao avesa tu, kai, krisînis avrăs, našti bidošavesa tu; kă anda e buti kă krisînis avrăs, došaves tu korkoŕo; anda kă tu, kai krisînis avrăs, kărăs sa kodola butea.#Cap. 1.20. 2Sam. 12.5-7. Mat. 7.1, 2. Ioan 8.9.
2Jeanas, ande čeačimaste, kă e kris le Devllesti pa kola kai kărăn kadalendar butea, sî orta le čeačimasa.
3Thai pateas tu, manuša, kai krisînis kolen kai kărăn kadalendar butea, thai save i tu kărăs le, kă skăpisarăsa la krisatar le Devllehkăreatar?
4Or desrigate tu le bravalimata le lašimahkă, dimahkă thai o lunjearimos Lehkă răbdimatahko? Či dikhăs tu kă o lašimos le Devllehko anel tu koa kăimos?#Cap. 3.25; 9.23. Exod. 34.6. Is. 30.18. Efes. 1.7; 2.4, 7. 2Pet. 3.9, 15.
5Ta, le baŕîmasa te illehko, kai či kamel te kăil pe, tides tukă ăkh mandin xolleati andoa des la xolleako thai le sîkaimahko la krisati orta le Devllesti,#Deut. 32.34. Iak. 5.3.
6kai dela sako iekhăs pala lehkă kărimata.#Cap. 14.12. Iov 34.11. Ps. 62.12. Pilde 24.12. Ier. 7.10; 32.19. Mat. 16.27. 1Kor. 3.8. 2Kor. 5.10. Sîk. 2.23; 20.12; 22.12.
7Thai kadea, dela e čivava e vešniko kolengă so, anda o kărdimos le mištimahko, roden e slava, e pativ thai o bimullimos;
8thai dela xolli thai merimos kolengă so, andoa duxo la čiungarako, den pe parpale katoa čeačimos thai ašunen o bezexalimos.#Cap. 1.18. Iov 24.13. 2Tes. 1.8.
9Nasul thai tidimos avela pa or sao sufleto manušehko kai kărăl o nasul: anglal poa Iudeo, pala kodea poa Greko.#Amos 3.2. Luka 12.47, 48. 1Pet. 4.17.
10Slava, pativ thai pačea avela kadea pa or sao kărăl o mištimos: anglal poa Iudeo, pala kodea poa Greko.#1Pet. 1.7.
11Kă angloa Dell nai sîkado o mui le manušehko.#Deut. 10.17. 2Kron. 19.7. Iov 34.19. Kărd. 10.34. Gal. 2.6. Efes. 6.9. Kol. 3.25. 1Pet. 1.17.
12Sa kukola kai bezexardine bi la lekrisako, xasaona bi krisako; thai sa kukola kai bezexarde la krisasa, avena krisînime palai kris.
13Anda kă na kukola kai ašunen e Kris, sî bibezexarde angloa Dell, ta kukola kai pherăn e kris kadea, avena dinde bibezexale.#Mat. 7.21. Iak. 1.22, 23, 25. 1Ioan 3.7.
14Kana le Neamurea, barem kă nai le krisa, kărăn andai godi sar sî le butea la Krisakă, anda kadea on, kai na le kris, sî pehkă korkoŕo kris;
15thai on čeačiaven kă e buti la Krisati sî ramome ande lengo illo; anda kă anda kadea buti del duma e godi lendi thai le gîndurea lengă, kai or došaven pe or bidošaven pe maškar lende.
16Thai e buti kadea dičiola pe ando des kana, pala e LašiVestea mîŕî, o Dell krisînila, ando Isuso Kristoso, le butea le garade le manušengă.#Cap. 3.6; 16.25. Ecl. 12.14. Mat. 25.31. Ioan 5.22; 12.48. Kărd. 10.42; 17.31. 1Kor. 4.5. 1Tim. 1.11. 2Tim. 2.8; 4.1, 8. 1Pet. 4.5. Sîk. 20.12.
Le Iudeia našti bidošaven pe.
17Tu, kai bušos Iudeo, kai nikrăs tu pe khă Kris, kai lăudis tu le Devllesa tirăsa,#Cap. 9.4, 6, 7. Is. 45.25; 48.2. Mika 3.11. Mat. 3.9. Ioan 8.33, 41. 2Kor. 11.22.
18kai prinjeanes o kamimos Lehko, kai jeanes te kărăs alosardimos maškar le butea, anda kă san sîkado palai Kris;#Deut. 4.8. Ps. 147.19, 20. Filip. 1.10.
19tu, kai destubaro kă san o phiraitorii le koŕăngo, e lumina kolendi kai sî ando tuneriko,#Mat. 15.14; 23.16, 17, 19, 24. Ioan 9.34, 40, 41.
20o dimosphendimatăngo kolengo bigodeako, o sîkaitorii kolengo bijeangline anda kă ande Kris sî tu o ortomos le prinjeaimahko pherdo thai le čeačimahko;#Cap. 6.17. 2Tim. 1.13; 3.5.
21kadea tu, kai sîkaves avrăn, tut orta či sîkaves tu? Tu, kai desduma: „te na čiorăs, čiorăs?
22Tu kai phenes: „te na kărăn kurvărăšia,” kurvis? Tu, savehkă sî tukă skîrba le idolea, čiorăs lengă temple?#Ps. 50.16, etc. Mal. 3.8. Mat. 23.3, etc.
23Tu, kai des tu fala la Krisasa, či des patiu le Devlles andoa ušteaimos kadala Krisako?#Vers. 17.
24Kă „andai doši tumari sî prasamno o Anau le Devllehko maškar le Neamuri, pala sar sî ramome.#2Sam. 12.14. Is. 52.5. Ezec. 36.20, 23.
O čeačio šindimosroata.
25O šindimosroata, biathaimahko, sî lašo, kana pherăs e Kris; ta kana ušteaves e Kris, o šindimosroata arăsăl nešindimosroata.#Gal. 5.3.
26Kadea kana, bišindoroata arakhăl le mothodimata la Krisakă, lehko bišindimosroata či dinela pe lehkă o sar khă šindimosroatako?#Kărd. 10.34, 35.
27Kukoa bišindoroata andoa kărdimos, kai pherăl e Kris, či došavela tu o tut, kai ušteaves la, barem kă sî tu e slova la Krisati thai o šindimosroatako?#Mat. 12.41, 42.
28Iudeo nai kukoa kai sîkadeol Iudeo avreal kă sî Iudeo; šindimosroata nai kukoa kai sî dinoavreal, ando mas.#Cap. 9.6, 7. Mat. 3.9. Ioan 8.39. Gal. 6.15. Sîk. 2.9.
29Ta Iudeo sî kukoa kai sî Iudeo andral; thai šindimosroata sî kukoa le illehko, ando duxo, na ande slova; kă kadalestar Iudeo ankalavel pehkă e lauda na katal manuši, ta kata o Dell.#Cap. 7.6. 1Kor. 4.5. 2Kor. 3.6; 10.18. Filip. 3.3. Kol. 2.11. 1Tes. 2.4. 1Pet. 3.4.
Currently Selected:
Romaia 2: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
