YouVersion Logo
Search Icon

Matei 26

26
O dimosduma poa Isus.
1Pala so isprăvisardea o Isus phendimahko sa kadala divanuri, phendea Pehkă jenengă:
2„Jeanen kă pala dui des avela e Patradi; thai o Šeau le manušehko avela dino te thon les po trušul!”#Marko 14.1. Luka 22.1. Ioan 13.1.
3Atunčeara le raša le mai bară thai le zakonarea thai le phură le norodohkă tide pe ande bar le bară rašasti kai bušolas Kaiafa;#Ps. 2.2. Ioan 11.47. Kărd. 4.25, etc.
4thai dine pe duma andekhthan, sar te astarăn le Isusos čiorimasa, thai te mudarăn Les.
5Ta phenenas: „Na ando čiro le praznikohko, kaste na kărdeol biujearimos ando norodo.”
O miro šordo po šero le Isusohko.
6Kana sas o Isus ande Betania, ando khăr le Simono leprosohko,#Cap. 21.17. Marko 14.3. Ioan 11.1, 2; 12.3.
7pašilo Lestar khă juwli khă khorăsa alabstrohko mirosa but kuči; thai, sar bešelas O kai skafidi, oi šordea o miro pe Lehko šero.
8Le jenengă sas lengă xoli, kana dikhle e buti kadea, thai phendine: „Sostar sas kărdo kadoa xasarimos?#Ioan 12.4.
9O miro kadoa daštilas te bitinel pe but kuči, thai le love te den pe kal čioŕă.”
10Kana ašundea o Isus, phendea lengă: „Sostar kărăn xoli kadala juwleakă? Oi kărdea khă buti šukar anda Mande.
11Anda kă le čioŕăn sî tume orkana tumença, ta Man či avena Ma orkana.#Cap. 18.20; 28.20. Deut. 15.11. Ioan 12.8. Ioan 13.33; 14.19; 16.5, 28; 17.11.
12Kana šordea kadoa miro pe Muŕo stato, oi kărdea kadea buti ando dičimos le lašarimahko Mîŕăhko anda o prahomos.
13Čeačes phenau tumengă kă orkai avela dinduma e LašiVestea kadea, ande sai lumea, phenelape i so kărdea kadea juwli, anda lako pomenimos.”
O bitindimos le Isusohko.
14Atunčeara iekh anda le dešudui, dinoanau Iuda o Iskarioteano, gălo ka le raša le mai bară,#Cap. 10.4. Marko 14.10. Luka 22.3. Ioan 13.2, 30.
15thai phendea lengă: „So kamen te den ma, thai daua Les ande tumară vast?” on thode lehkă ando tol treanda bišarea.#Cap. 27.3. Zax. 11.12.
16Anda e leaka kodea, o Iuda rodelas sar avela mišto, kaste del le Isusos ande lengo vast.
O arakhadimos le bitindorehko.
17Ando des anglal le praznikohko le Pogăčengo, le jene avile koa Isus, thai phende Lehkă: „Kai kames te lašaras Tukă te xas e Patradi?”#Exod. 12.6, 18. Marko 14.12. Luka 22.7.
18O dea le anglal: „Jean ande četatea ka o kutari manuši, thai phenen lehkă: „O Sîkaitori phenel: „Muŕo čiro sî paše; kăraua e Patradi Mîŕă jenença ande teo khăr.”
19Le jene kărdine sar mothodeasas lengă o Isus, thai lašardine e Patradi.
20Reate, o Isus bešlo kai skafidi le dešuduie jenença Pehkă.#Marko 14.17-21. Luka 22.14. Ioan 13.21.
21Kana xanas, O phendea: „Čeačes phenau tumengă kă iekh anda tumende bitinela Ma.”
22On tristosaile but dăsa, thai line te phenen Lehkă iekh pala avrăste „Na varesar sîm me, Raia?”
23Čeačio phendimos, O phendea lengă: „Kukoa kai tinzosardea Mança o vast ando čearo, kodoa bitinela Ma.#Ps. 41.9. Luka 22.21. Ioan 13.18.
24Biatxaimahko, o Šeau le manušehko jealtar pala sar sî ramome pa Leste.Ta au le manušestar kodolestar anda sao sî bitindo o Šeau le manušehko! Mai mišto sahkă avilo anda leste te na kărdino pe!”#Ps. 22. Is. 53. Dan. 9.26. Marko 9.12. Luka 24.25, 26, 46. Kărd. 17.2, 3; 26.22, 23. 1Kor. 15.3. Ioan 17.12.
25O Iuda, o bitinditorii, lea o divano, thai phendea Lehkă: „Na varesar sîm me, Sîkaitorina?” „E”, dea les anglal o Isus, „tu san!”
E sfînto skafidi.
26Sar xanas on, o Isus lea khă manŕo; thai, pala so deadumadămišto, phaglea les, thai dea les le jenengă, phendindoi: „Len, xan; kadoa sî o stato Muŕo.”#Marko 14.22. Luka 22.19. 1Kron. 11.23-25. 1Kor. 10.16.
27Pala kodea lea khă taxtai, thai, pala so naisardea le Devllehkă, dea lengă les, phendindoi: „Pen saoŕă anda leste,#Marko 14.23.
28kă kadoa sî o rat Muŕo, o rat le phanglimahko le nevehko, kai šordeol pe anda but, anda o iertimos le bezexăngo.#Cap. 20.28. Exod. 24.8. Lev. 17.11. Ier. 31.31. Rom. 3.15. Evr. 9.22.
29Phenau tumengă kă, dă akanara angle či mai peaua andoa rodo la răzako, ji ando des kana peauales tumença pale ando Thagarimos Mîŕă Daddehko.”#Marko 14.25. Luka 22.18. Kărd. 10.41.
O Isus phenel so avela Pehkă jenengă.
30Pala so dilabaine e dili, ankăste ando baŕbaro le Zetinurengo.#Marko 14.26.
31Atunčeara o Isus phendea lengă: „Ande kadea reat, saoŕă arakhăna ande Mande, khă doši ambladimasti; kă sî ramome: „Maraua le Bakrearăs, thai le bakrea la turmakă avena pharadine.”#Cap. 11.6. Zax. 13.7. Marko 14.27. Ioan 16.32.
32Ta, pala so ušteaua, jeaua angla tumende ande Galilea.”#Cap. 28.7, 10, 16. Marko 14.28; 16.7.
33O Petro lea o divano, thai phendea Lehkă: „Orta kana saoŕă arakhăna ande Tute khă doši ambladimasti, me či ăkhdata či arakhaua ande Tute khă doši ambladimasti.”
34„Čeačes phenau tukă”, phendea lehkă o Isus „kă tu, orta ande reat kadea, anglal te dilabal o bašno, šudesa tu Mandar trivarăs.”#Marko 14.30. Luka 22.34. Ioan 13.38.
35O Petro dea Les anglal: „Orta i te trăbula te merau Tusa, sa či šudaua ma Tutar.” Thai sa le jene phendine sa kodea buti.
Ghetsimani.
36Atunčeara o Isus avilo lença ande khă than pandado, kai bušolas Ghetsimani, thai phendea Pehkă jenengă: „Ašen koče ji kana Me jeaua mai kote te rudi Ma.”#Marko 14.32-35. Luka 22.39. Ioan 18.1.
37Lea Pesa le Petros thai le duie šeaven le Zebedeiohkă, thai lea Te tristol pe thai te fales nasul but zurales.#Cap. 4.21.
38O Isus phendea lengă atunčeara: „Muŕo dii sî astardo khă tristimastar mullimahko; ašen koče, thai len sama Mança.#Ioan 12.27.
39Pala kodea gălo xançî mai angle, pelo le mosa pe phuw, thai rudisai'lo, phendindoi: „Daddna, kana sî daštimasa, durear Mandar o taxtai kadoa! Ta na sar kamau Me, ta sar Tu kames.”#Cap. 20.22. Marko 14.36. Luka 22.42. Ioan 5.30; 6.38; 12.27. Filip. 2.8. Evr. 5.7.
40Pala kodea avilo kal jene, arakhlea le soindoi, thai phendea le Petrohkă: „So, khă čeaso našti leansama andekhthan Mança!
41Lensama thai rudin tume, kaste na perăn ando zumaimos; o duxo, ande čeačimaste, sî pherdo buti, ta o mas sî peradino.”#Marko 13.33; 14.38. Luka 22.40, 46. Efes. 6.18.
42Duri'lo o duito data, thai rudisai'lo, phendindoi: „Daddna, kana našti daštil pe te durearăl pe Mandar o taxtai kadoa, bi te peau les, kărdeol pe sar Tu kames!”
43Amboldi'lo pale kal jene, thai arakhlea le soindoi; anda kă pharilesas lengă iakha lindratar.
44Meklea le oče, duri'lo, thai rudisai'lo o trito data, phendindoi sa kodola divanuri.
45Pala kodea avi'lo kal jene, thai phendea lengă: „Soven dă akanara thai čiion!… Dikta kă avilo o čeaso ta o Šeau le manušehko te avel dino ando vast le bezexalengo.
46Ušten, aven te jeastar; dikta kă pašol o bitinditorii.”
O astardimos le Isusohko.
47Ta kana o delas duma, dikta kă avel o Iuda iekh anda le dešudui, bute manušença, săbiença thai rovleança, tradine le rašandar le mai bară thai le phurăndar le norodohkă.”#Marko 14.43. Luka 22.47. Ioan 18.3. Kărd. 1.16.
48O bitinditorii deasas le o sămno kadoa: „Pe sao čiumidaua les me, kodoa sî; te thon o vast pe leste.”
49Andakhdata, o Iuda pašilo paša o Isus, thai phendea Lehkă: „Mekam angla Tute Sîkaitorina!” Thai čiumidea Les.#2Sam. 20.9.
50O Isus phendea lehkă: „Amale, so avilean te kărăs, kăr!” Atunčeara le manuši kodola pašile, thodine o vast po Isus, thai astarde Les.#Ps. 41.9; 55.13.
51Thai iekh anda kukola kai sas le Isusosa, tinzosardea o vast, ankaladea e sabia, maladea le robos le mai bară rašahko, thai šindea lehko kan.#Ioan 18.10.
52Atunčeara o Isus phendea: „Tho ti sabia ka lako than; kă sa kukola kai ankalaven e sabia, la sabiatar xasardeona.#Gen. 9.6. Sîk. 13.10.
53Pateas kă nahkă dašti te rudi Mîŕî Daddes, kai sahkă thol Mangă iekhatar ande Muro vast mai but dă dešudui lejiuni înjerengă?#2Thag. 6.17. Dan. 7.10.
54Ta sar pherdeona le Lillale Devllehkă, kai phenen kă kadea trăbul te kărdeol pe?#Vers. 24. Is. 53.7, etc. Luka 24.25, 44, 46.
55Ande leaka kodea, o Isus phendea le manušengă: „Ankăstean sar pala khă čior, săbiença thai rovleança, kaste astarăn Ma. Ande sal des bešeauas ande tumaro maškar, thai sîkavauas o norodo ando Templo, thai či thodean o vast pe Mande.
56Ta sa kadala butea kărdile kaste pherdeol kola ramome anda le prooročea.” Atunčeara sal jene Lehkă mukle Les thai našline.#Vers. 54. Roim. 4.20. Ioan 13.15.
O Isus angloa Sinderio.
57Kukola kai astardine le Isusos, nigărde Les koa baro rašai o Kaiafa, kai sas tidine le zakonarea thai le phură.#Marko 14.53. Luka 22.54. Ioan 18.12, 13, 24.
58O Petro jealas pala Leste dă dural, ji ande bar le bară rašasti; pala kodea šutea pe andră, thai bešlo paša le aprozea kaste dikhăl o gorimos.
59Le raša ăl mai bară, le phură thai sa o Soboro rodenas vokh phendimos xoxamno andao Isus, kaste dašti mudarăn Les.
60Ta či arakhline či iekh, barem kă aviline but martorea xoxamne. Mai palal avile dui,#Deut. 19.15. Ps. 27.12; 35.11. Marko 14.15. Kărd. 6.13.
61thai phendine: „Koadoa phendea: „Me dašti te čioŕarau o Templo le Devllehko thai te vazdau les pale ande trin des.”#Cap. 27.40. Ioan 2.19.
62O baro rašai ušti'lo ande pînŕănde, thai phendea lehkă: „Či des anglal khanči? So phenen kadala pa Tute?”#Marko 14.60.
63O Isus ašelasmuto. Thai o baro rašai lea o divano, thai phendea: „Solaxa Tu, po Dell o juvindo, te phenes amengă kana san o Kristoso, o Šeau le Devllehko.”#Cap. 27.12, 14. Lev. 5.1. 1Sam. 14.24, 26. Is. 53.7.
64„E”, dea les anglal o Isus,” sîm! Ba mai but, phenau tumengă kă dakanara angle dikhănas le Šeaves le manušehkărăs bešlindoi ande čeači zor le Devllesti, avindoi pel norea le čerehkă.”#Cap. 16.27; 24.30; 25.31. Ps. 110.1. Dan. 7.13. Luka 21.27. Ioan 1.51. Kărd. 7.55. Rom. 14.10. 1Tes. 4.16. Sîk. 1.7.
65Atunčeara o mai baro rašai šindea pehkă çoale, thai phendea: „Prasaia! So trăbuimos mai same le martorendar? Dikta kă akana ašundean Lehko prasaimos.#2Thag. 18.37; 19.1.
66So patean? On dine anglal: „Sî došalo te avel došardo le mullimasa.”#Lev. 24.16. Ioan 19.7.
67Atunčeara čiungarde Les ando mui, marde Les le dukhumença, thai pălmuisarde Les,#Cap. 27.30. Is. 50.6; 53.3. Luka 22.63. Ioan 19.3.
68phendindoi: „Kristoasena, prooročisar amengă – kon maladea Tu?”#Marko 14.65. Luka 22.64.
O šudimos le Petrehko.
69O Petro bešelas avri ande bar. Khă kanditoarea avili leste, thai phendea lehkă: „I tu sanas le Isusosa le Galileanosa!”#Marko 14.66. Luka 22.55. Ioan 18.16; 17.25.
70Ta o šudeape angla saoŕă, thai phendea: „Či jeanau so kames te phenes.”
71Kana ankăsto ando pridvori, dikhlea les aver kanditoarea, thai phendea kolengă dă oçal: „I kakoa sas le Isusosa andoa Nazareto.”
72O šudeape pale, solaxaimasa, thai phendea: Či prinjeanau le manušes kadales!”
73Pa xançî, kukola kai bešenas oče, pašile, thai phendine le Petrohkă: „Manai či khă bandearimos kă i tu san iekh anda le manuši kodola, kă i o divano del tu po mui.#Luka 22.59.
74Atunčeara o lea te delpe armaia thai te solaxalpe phendindoi: „Či prinjeanau le manušes kadales!” Ande leaka kodea, dilabaia o bašno.#Marko 14.71.
75Thai o Petro andea pehkă godi la orbatar, kai phendeasas lehkă o Isus: „Anglal te dilabal o bašno, šudesa tu Mandar trivarăs.” Thai ankăsto avri thai ruia zurales.#Vers. 34. Marko 14.30. Luka 22.61, 62. Ioan 13.38.

Currently Selected:

Matei 26: KALD2020

Highlight

Share

Copy

None

Want to have your highlights saved across all your devices? Sign up or sign in