Levetiko 9
9
Le jertfe le Aaronohkă thai lehkă šeavengă.
1Ando eftato des, o Moise akhardea le Aaronos thai lehkă šeaven, thai le phurăn le Israelohkărăn.#Ezec. 43.27.
2Thai phendea le Aaronohkă: „Le khă guruwiçî anda e jertfa le iertimasti, thai khă bakrišo anda o phabarimos dă sa, lidui bidukhako, thai an le angloa Rai.#Cap. 4.3; 8.14, 18. Exod. 29.1.
3Te des duma le šeavengă le Israelohkă, thai te phenes lengă: „Len khă busno, anda e jertfa le iertimasti, khă guruwiçî thai khă bakrišo khă băršesko thai bi kha dukhako, anda o phabarimos dă sa;#Cap. 4.23. Ezra 6.17; 10.19.
4khă guruw thai khă bakrišo, anda e jertfa le naismasti, kaste denlešuri angloa Rai, thai khă pativ xabenesti, kovleardo ando zetino. Kă ades sîkadeola tumengă o Rai.”#Vers. 6, 23. Cap. 2.4. Exod. 29.43.
5On andine angla e çăra le arakhadimasti sa so mothodeasas lengă o Moise; thai sa o tidimos paši'lo, thai bešlo angloa Rai.
6O Moise phendea: „Te kărăn so mothodea o Rai; thai sîkadeola pe tumengă e slava le Raiesti.”#Vers. 23. Exod. 24.16.
7O Moise phendea le Aaronohkă: „Pašo paša o altari; an ti jertfa le iertimasti thai o phabarimos dă sa, thai kăr iertimos anda tute thai andoa poporo; an i e jertfa le poporosti thai kăr iertimos anda leste, sar mothodeas o Rai.”#Cap. 4.3, 16, 20. 1Sam. 3.14. Evr. 5.1, 3; 7.27; 9.7.
8O Aarono paši'lo paša o altari, thai deašuri o guruwiçî anda e jertfa le iertimasti.
9Le šave le Aaronohkă andine lehko rat leste, o kovleardea o nai ando rat, makhlea le šinga le altarehkă, thoa kolaver rat šordea les kal pînŕă le altarehkă.#Cap. 4.7; 8.15.
10Phabardea po altari o thullimos, le rîničea, thai o prapuro le bukăhko kata o guruwiçî anda e jertfa le iertimasti, sar mothodea le Moisahkă o Rai.#Cap. 4.8; 8.16.
11Ta o mas thai e morči phabardea le avri anda e tabăra.#Cap. 4.11; 8.17.
12Deašuri pala kodea o phabarimos dă sa. Le šeave le Aaronohkă andine lehkă o rat, thai o piteardea po altari pa sa le riga.#Cap. 1.5; 8.19.
13Andine lehkă i o phabarimos dă sa šindo andel kotora, le šerăsa ku sa, thai phabardea le po altari.#Cap. 8.20.
14Xaladea le xurdimata thai le pînŕă, thai phabardea le po altari, opral poa phabarimos dă sa.#Cap. 8.21.
15Palal, andea e jertfa andoa poporo. Lea o busno anda e jertfa le iertmasti le poporosti, dealesšuri, thai andea les jertfa iertimasti, i sar e anglal jertfa.#Vers. 3. Is. 53.10. Evr. 2.17; 5.3.
16Andea pala kodea o phabarimos dă sa, thai jertfisardea les, pala sar sas le thodimata.#Cap. 1.3, 10.
17Andea i e jertfa le xabenesti, pherdea khă dukhum anda late, thai phabardea la po altari, avri anda o phabarimos dă sa dă droboitu.#Vers. 4. Cap. 2.1, 2. Exod. 29.38.
18Deašri o guruw thoa bakrišo, sar jertfa naismasti andoa poporo. Le šeave le Aaronohkă andine o rat leste, thai o piteardea po altari ande sal riga.#Cap. 3.1, etc.
19Andine lehkă o thullimos le guruvehko thai le bakrišehko, e pori, o thullimos kai garavel le xurdimata, rîničea, thai o prapuro le bukăhko;
20thodine le thullimata kadala opral le kolina, thai o phabardea le thulimata po altari.#Cap. 3.5, 16.
21O Aarono lăgănisardea le ande khă rig thai ande kolaver, sar pativ lăgănime angloa Rai, le kolina thai o beči o čeačio, sar mothodeasas le Moisahkă o Rai.#Cap. 7.30-34. Exod. 29.24, 26.
Iag andoa čeri.
22O Aarono vazdea pehkă vast karing o poporo, thai dealesdumadămišto. Pala, so andea e jertfa le iertimasti, o phabarimos dă sa thai e jertfa le naismasti, ulisto tele.#Num. 6.23. Deut. 21.5. Luka 24.50.
23O Moise thai o Aarono šutepe ande çăra le arakhadimasti. Kana ankăste anda late, blagoslovisarde o poporo.Thai e Slava le Raiesti sîkadili koa sa poporo.#Vers. 6. Num. 14.10; 16.9, 42.
24Khă iag ankăsti angloa Rai, thai phabardea po altari o phabarimos dă sa thai le thullimata. Sa o poporo dikhlea e buti kadea; ankalade çîpimata vesăslimahkă, thai šude pe le mosa kai phuw.#Gen. 4.4. Kris. 6.21. 1Thag. 18.38, 39. 2Kron. 7.1, 3. Ps. 20.3. Ezra 3.11.
Currently Selected:
Levetiko 9: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
