Exodul 13
13
E Patradi thai le anglal kărdine.
1O Rai dea duma le Moisahkă, thai phendea:
2„Tho mangă rigate sar sfînto orsao anglal – kardino, anda le šeave le Israelohkă, kaditi anda le manuši i anda le juvindimata: Mîŕă sî.”#Vers. 12, 13, 15. Cap. 22.29, 30; 34.19. Lev. 27.26. Num. 3.13; 8.16, 17; 18.15. Deut. 15.19. Luka 2.23.
3O Moise phendea le poporohkă: „Anen tumengă godi andoa des kadoa, kana ankăstean andoa Ejipto, andoa khăr la robiako; kă vastesa zurallo ankaladea tume o Rai oçal. Te na xan manŕo dospime.#Cap. 6.1; 12.8, 42. Deut. 16.3.
4Ades anklen, ando šon le spikurengo.#Cap. 23.15; 34.18. Deut. 16.1.
5Kana nigrăla tu o Rai ando čem le Kananiçengo, le Hetiçengo, le Amoriçengo, Le Xeviçengo thai le Iebusiçengo, kai solaxadea te daddengă kă delatumengă les, čem kai thavdel thud thai avdin, te nikrăs kadea kandimos ando šon kadoa.#Cap. 3.8; 6.8; 12.25, 26.
6Čiro dă efta des, te xas pogăči; thai ando eftato des, te avel khă govia ande pativ le Raiesti.#Cap. 12.15, 16.
7Ando čiro le efta desăngo, te xan pogăči; te na dičiol khanči tute dospime, niči xumer, pe soa mui te čemehko.#Cap. 12.19.
8Te phenes atunčeara te phrallehkă: „Kadea sî o andimosgodi kolengă so kărdea o Rai anda mande, kana ankăstem andoa Ejipto.”#Vers. 14. Cap. 12.26.
9Te avel tukă sar khă semno po vast thai sar khă semno andimaskogodi po čikat maškar le iakha tiră, ka e kris le Raiesti te avel orkana ande teo mui; kă vastesa zurallo ankaladea tu o Rai andoa Ejipto.#Vers. 16. Cap. 12.14. Num. 15.39. Deut. 6.8; 11.18. Pilde 1.9. Is. 49.16. Ier. 22.24. Mat. 23.5.
10Te nikrăs koadoa morthodimos koa čiro dino, baršeste ji ando bărši.#Cap. 12.14, 24.
11Kana anela tu o Rai ando čem le Kanaaniçăngo, sar solaxadea tukă thai te daddengă, thai kana dela tukă les,
12te des le Raies orsaves anglal-kărdo, orta orsaves anglal-kărdino anda le juvindimata, kai sî te avena tu, orsavi rig muršani sî le Raiesti.#Vers. 2. Cap. 22.29; 34.19. Lev. 27.26. Num. 8.17.; 18.15. Deut. 15.19. Ezec. 44.30.
13Te tinesparpale khă bakrišesa orsao anglal-kărdo la čiušeako, ta kana či tinesaparpale, te phagăs lesti koŕ. Te tinesparpale i orsave anglal-kărdines andai rig muršani anda te šeave.#Cap. 34.20. Num. 3.46, 47; 18.15, 16; 18.15, 16.
14Thai kana pušela tu teo šeau ande khă des: „So sî kadea buti?” te phenes lehkă: „O Rai, ankaladea me andoa Ejipto, andoa khăr la robiako;#Vers. 8. Cap. 12.26. Deut. 6.20. Ios. 4.6, 21.
15thai, kă o Faraono xoleaolas thai či mukălas ame te jeastar, o Rai mudardea kata le anglal-kărdine le manušengă ji kal anglal-kărdine le juvimatăngă. Dikta sostar anau jertfa le Raiehkă orsaves anglal-kărdino andai rig e muršani, thai tinauparpale orsaves anglal-kărdino anda mîŕă šeave.#Cap. 12.29.
16Te avel tukă khă sămno po vast thai khă sămno andimahko godi po čikat maškar le iakha; kă anda lehko vast oseazurallo ankaladea me o Rai andoa Ejipto.”#Vers. 9.
O phirimos karing e pustia.
17Pala so meklea o Faraono le poporos te jealtar, o Dell či nigărdea les po drom kai jeal ando čem le Filistianengo, barem kă sas mai paše; kă phendeas o Dell: „Daštil te fal nasul le poporos dikhlindoi o mardimos, thai te amboldel ando Ejipto.#Cap. 14.11, 12. Num. 14.1-4. Deut. 17.16.
18Ta o Dell thodea le poporos te kărăl khă roata po drom kai nigărăl karing e pustia, karing e marea e Lolli. Le šeave le Israelohkă ankăste armome andoa čem le Ejiptohko.#Cap. 14.2. Num. 33.6, etc.
19O Moise lea pesa le kokala le Iosifohkă; kă o Iosif thodeasas le šeaven le Israelohkă te solaxan, phendindoi: „Kana rodela tume o Dell, te len tumença mîŕă kokala koçal.”#Gen. 50.25. Ios. 24.32. Kărd. 7.16.
20Telearde andoa Sukoto, thai gălinetar ando Etam, kai rig le pustiosti.#Num. 33.6.
21O Rai jealas angla lende, desă ande khă tillo mavisosko, kaste sîkave lengă o drom, ta reate ande khă tillo iagako, kaste dudearăle, te jean i desă thai i reate.#Cap. 14.19, 24; 40.38. Num. 9.15; 10.34; 14.14. Deut. 1.33. Neem. 9.12, 19. Ps. 78.14; 99.7; 105.39. Is. 4.5. 1Kor. 10.1.
22O tillo le mavisosko či dureolas angloa poporo ando čiro le desăsko, thai či o tillo la iagako ando čiro la reateako.
Currently Selected:
Exodul 13: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
