Exodul 10
10
Le grastlečeareangă.
1O Rai phendea le Moisahkă: „Jea koa Faraono, kă baŕardem lehko illo thai lehkă kanditorengo, kaste kărau le semne Mîŕă ando maškar lengo,#Cap. 4.21; 7.4, 14.
2thai kaste mothos te šeavehkă thai le šeavehkă te šeaveskă sar phirade Ma le Ejipteanença, thai so semne kărdem ande lengo maškar. Thai prinjeanena kă Me sîm o Rai.”#Deut. 4.9. Ps. 44.1; 71.18; 78.5, etc. Ioel 1.8.
3O Moise thai o Aarono găline koa Faraono, thai phende lehkă: „Kadea del duma o Rai, o Dell le Evreiengo: „Ji kana sî tu dă gîndo, thai či kames te smeris tu angla Mande? Mekh Mîŕă poporos te jealtar, kaste kandel Ma.#1Thag. 21.29. 2Kron. 7.14; 34.27. Iov 42.6. Ier. 13.18. Iak. 4.10. 1Pet. 5.6.
4Kana či kames te mekăs Mîŕă poporos te jealtar, dikta, tradaua texara varesar grastengăčeareangă pe sa o mui te čemehko.#Pilde 30.27. Sîk. 9.3.
5On avena poa sa mui la phuweako, ta či mai daštila pe te dičiol e phuw; xana so mai ašilea bičioŕardo, xana so muklea tumengă o baŕ, xana sal kašt, kai bareon ande tumară islazurea,#Cap. 9.32. Ioel 1.4; 2.25.
6pherăna te khăra, le khăra sa te kanditorengă thai le khăra sa le Ejipteanengă. Te dadda thai le dadda te daddengă či dikhline kadea vareso dă kana sî on pe phuw thai ji ades.” O Moise ankăsto thai teleardea kata o Faraono.#Cap. 8.3, 21.
7Le kanditorea le Faraonohkă phendine lehkă: „Ji kana kadoa manuši sî te avel khă prikaza anda amende? Mekh le manušen kadalen te jeantar, thai te kanden le Rahkă, lengă Devllehkă. Ea či dikhăs kă nakhadeol o Ejipto?#Cap. 23.33. Ios. 23.13. 1Sam. 18.21. Ecl. 7.26. 1Kor. 7.15.
8Ambolde koa Faraono le Moisas thai le Aaronos. „Telearăn,” phendea lengă o,” thai kanden le Rahkă, tumară Devllehkă. Save thai kon sî kola kai jeana?”
9O Moise phendea: „Jeasa le šeavença thai amară phurănça, le šave thai le šeia amarănça, le bakreança thai le guruvença amarănça; kă sî te avel ame khă bari govia ande pativ le Rasti.”#Cap. 5.1.
10O Faraono phendea lengă: „Kadea te avel o Rai tumença, sar te mekau tume me te telearăn, i tumen thai i tumară šeaven! Len sama, kă sî nasul so sî tume ande godi te kărăn!
11Či, či; telearăn, tume le murši thai kanden le Raiehkă, kă kadea manglean.” Thai našade le angla o Faraono.
12O Rai phendea le Moisahkă: „Tinzosar teo vast poa čem le Ejiptohko, kaste aven le grastengăčeareangă poa čem le Ejiptohko, thai te xan sa e čear la phuweati, sa so muklea o baŕ.”#Vers. 4.5. Cap. 7.19.
13O Moise tinzosardea pesti rowli poa čem le Ejiptohko; thai o Rai kărdea te phurdel khă bravall katar okhamanklel poa čem soro des thai soro reat kodea. Dă drroboitu, e bravall katar okhamanklel andeasas le grastengăčearea.
14Le grastengăčearengă avile poa čem le Ejiptohko, thai thodine pe sa o tinzimos le Ejiptohko; sas ando dindimos kaditi dă baro sar či mai sas thai či mai avela khă kadea roio grastengăčearengo.#Ps. 78.46; 105.34. Ioel 2.2.
15Pherdine sa o mui la phuweako, ta či mai dičiolas e phuw; xaline sea e čear pai phuw thai sa o rodo le kaštengo, sa so mukleasas o baŕ; thai či mai ašilea khanči zăleno andel kašt, či ande čear poa kîmpo, ande sa o čem le Ejiptohko.#Vers. 6. Ps. 105.35.
16O Faraono akhardea iekhatar le Moisas thai le Aaronos, thai phendea: „Bezexardem angoa Rai, o Dell tumaro thai angla tumende.#Cap. 9.27.
17Ta iertisar mîŕî bezex, anda kadea data; thai rudin le Raies, o Dell tumaro, te durearăl mandar e prikaza kadea le mullimasti!”#Cap. 9.28. 1Thag. 13.6.
18O Moise ankăsto kata o Faraono, thai rudisai'lo le Raiehkă.#Cap. 8.30.
19O Rai kărdea te phurdel khă bravall but zuralli katar okhamsovel, kai lea le grastengăčearea, thai šudea le ande Marea e Lolli; či mai ašili khă grastengăčear pe sa o tinzomos le Ejiptohko.#Ioel 2.20.
20O Rai baŕardea o illo le Faraonohko, thai o Faraono či muklea le šeaven le Israelohkă te jeantar.#Cap. 4.21; 11.10. O tuneriko trine desăngo.
21O Rai phendea le Moisahkă: „Tinzosar teo vast karing o čeri, thai avela tuneriko pa sa o čem le Ejiptohko, kadea dă tuneriko, ta daštil te pipăinpe.”#Cap. 9.22.
22O Moise tinzosardea pehko vast karing o čeri, thai sas tuneriko kallo ande sa o čem le Ejiptohko, čiro dă trin des.#Ps. 105.28.
23Či na či dičionas iekh avrănça, thai khonikh či ušti'lo anda pehko than čiro dă trin des. Ta, ande le thana kai bešenas le šeave le Israelohkă, sas duda.#Cap. 8.22.
24O Faraono akhardea le Moisas, thai phendea: „Jean thai kanden le Raiehkă! – Te na ašel ando čem dăsar le bakrea thai le guruwa tumară; tumară šeave daština te jean i on tumença andekhthan.”#Vers. 8, 10.
25O Moise phendea: „Orta te des ame tu le jertfe thai le phabarimata dă sa, kai anasa le Raiehkă, amară Devllehkă,
26i amară turme sa trăbun te jean amença, thai te na ašel khă undia anda lende; kă anda lende lasa kaste kandas le Raies, amară Devlles; thai ji kana arăsasa oče, či jeanas so alosarasa kaste nigras le Rahkă.”
27O Rai braŕdea o illo le Faraonohko, thai o Faraono či kamblea te mekăle te telearăn.#Vers. 20. Cap. 4.21; 14.4, 8.
28O Faraono phendea le Moisahkă: „Ankli mandar! Te na varesar te mai sîkadeos angla mande, kă merăsa.”
29„E!” phendea o Moise,” či mai sîkadiua angla tute.”#Evr. 11.27.
Currently Selected:
Exodul 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
