Amos 5
5
1Ašunen o divano kadoa, o dilabaimos kadoa le roimahko, kai kărau les anda tumende, khăr le Israelohko!#Ier. 7.29. Ezec. 19.1; 27.2.
2„Peli thai či mai uštela, e šeibari le Israelosti; bešel peradi pe phuw, thai khonikh či vazdela.
3Kă kadea delduma o Rai o Dell: e četatea kai ankalavelas koa mardimos ăkh mia manuši, či ašela dăsar kha šellasa, thai kutea kai ankalavelas ăkh šell manuši, či ašela dăsar dešença, andoa khăr le Israelohko.
4Kă kadea delduma o Rai karing o khăr le Israelohko: „Roden Ma, thai traisarăna!”#Vers. 6. 2Kron. 15.2. Is. 55.3. Ier. 29.13.
5Na roden o Betelo, na jean ando Ghilgalo, thai na nakhăn ande Beer-Šeba. Kă o Ghilgalo avela nigărdo ande robia, thai o Betelo avela xasardino.#Cap. 4.4; 8.14. Osea 4.15; 10.8.
6Roden le Raies, thai traina! Daran ta na varesar te astarăl khă iag o khăr le Iosifohko, thai e iag kadea te phabarăles, bi te avel varekon ando Betelo te mudarăla,#Vers. 4.
7tume kai paruven o čeačio ando pelino, thai ušteaven o čeačimos andel pînŕă!#Cap. 6.12.
8O kărdea e Kloça le puiença thai o Oriono, O paruvel o tuneriko ande le zorea, ta o des ande reat e kali; O akharăl le paia la mareakă, thai šorăle po mui la phuweako: O Rai sî o Anau Lehko.#Cap. 4.13; 9.6. Iov 9.9; 38.31, 34. Ps. 104.20.
9O anel sar o trăsneto o nakhadimos pa kola le zuralle, kadea kă o xasarimos avel pal četăçui.”
10On či dabadikhăn koles kaidelengăduma koa udar la četateako, thai sî lengă skîrba anda kukoa kai delengăduma andoa illo.#1Thag. 22.8. Is. 29.21.
11Andakodea, anda kă le čioŕăs ušteaven les andel pînŕă, thai len pativa diwehkă lestar: barem kă vazdean khăra baŕăhkă čioplime, či bešearăna le; barem kă thodean răza but laše, či pena anda lendi moll!#Deut. 28.30, 38, 39. Mika 6.15. Çef. 1.13. Xag. 1.6.
12Kă Me jeanau kă le bikrisa tumară sî but, thai kă le bezexa tumară sî bi dindimahkă: mekăntelal koles le čeačes, len mita, thai ušteaven andel pînŕă koa udar la četateako o čeačio le čioŕăngo.#Cap. 2.6, 7. Is. 29.21.
13Anda kodea, andel čiruri sar kadala, o godeaver trăbul te ašelmuto; kă sî čiruri nasulimahkă.#Cap. 6.10.
14Roden o mištimos thai na o nasul, kaste train, thai sar kadea, o Rai, o Dell le oštirengo, te avel tumença, sar phenen tume!#Mika 3.11.
15Nadabadikhăn o nasulimos thai kamen o mištimos, kărăn te rail o čeačimos koa udar la četateako; thai daštil pe kă o Rai, o Dell le oštirengo, avela Les milla le ašimatăngo le Iosifohkă.#Exod. 32.30. 2Thag. 19.4. Ps. 34.14; 97.10. Ioel 2.14. Rom. 12.9.
16Anda kodea, kadea delduma o Rai, o Dell le oštirengo, Kukoa Aseazurallo: „Ande sal pieçe suspinina, thai pe sa le uliçî phenena: „Au! Au!” Akharăna le plugares koa roimos, thai koa suspinimos kolen kai kărăn roimata andal mulle.#Ier. 9.17.
17Ande sal răza avela suspinimos, kana nakhaua anda teo maškar, phenel o Rai.#Exod. 12.12. Nax. 1.12.
18„Au kolendar so kamen „o des le Raiehko!” So ajukărăn tume kata o des le Raiehko? O avela tuneriko thai na lumina.#Is. 5.19. Ier. 17.15; 30.7. Ezec. 12.22, 27. Ioel 2.2. Çef. 1.15. 2Pet. 3.4.
19Avena sar khă manuši kai našena angla khă leokai arakhăles khă riši, thai sao, kana arăsăl khără, thol pehko vast po zîdo, thai xales khă sap!#Ier. 48.44.
20Či avela kadea o des le Raiehko tuneriko, ando than la luminako? Či avela o tuneričime thai bi străfeaimahko?
21Me čidabadikhau, čidikhau le desalebară tumară, thai našti suferisarau le tidimata le desăbarăngă!#Lev. 26.31. Is. 1.11-16. Ier. 6.20. Osea 8.13.
22Kana anen Mangă phabarimata dă sa thai pativa xabenehkă, naima či khă čeailimos lendar; thai le guruwiça le thulearde kai anen kle sar jertfa naismasti, čina či dikhau Me pe lende.#Is. 66.3. Mika 6.6, 8.
23Durear Mandar o ašundimos te dilabaimatăngo; našti ašunau o bašimos te lăutengo!
24Ta o čeačimos te thavdel sar khă pai thavdimahko, thai o bibezexalimos sar khă paioro kai či staxol čiăkhdata!#Osea 6.6. Mika 6.8.
25Andean Mangă tume jertfe thai pativa xabenehkă, ando čiro kole štarvadeše băršengoandai pustia, khăr le Israelohko? …#Deut. 32.17. Ios. 24.14. Is. 43.23. Ezec. 20.8, 16, 24. Kărd. 7.42, 43.
26Vazdena kadedar le Sakutos, o thagar tumaro, thai le Kaivanos, le tipuri tumară le idolengă, e čerai tumară devlesti, kai kărdean tumengă les,#1Thag. 11.38.
27thai nigraua tume ande robia înteal o Damasko, phenel o Rai, savehko Anau sî o Rai le oštirengo!”#Cap. 4.13. 2Thag. 17.6.
Currently Selected:
Amos 5: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
