2 Korintenea 8
8
O dimos le Mačedoniengo.
1Phralale, kamas te anas tumengă koa prinjeandimos o xaro, kai dea les o Dell le Khăngărenagă andai Mačedonia.
2Ando maškar bute kăsnimatăngo anda save nakhleam, o bukurimos lengo but pai măsura lendi dă baro thai o čioŕoimos khančehko, dine kărdimahko but bravalimos dimahko anda lendi rig.#Marko 12.44.
3Phenau tumengă kă dine lašimo kamimasa, pala lendi zor, thai orta pa lengă zora.
4Thai rudisarde me zurale patimasa andoa xaro thoa sîkădimos ka kadoa tidimos le kandimatăngo le tidimahko anda le sfinçea.#Cap. 9.1. Kărd. 11.29; 24.17. Rom. 15.25, 26. 1Kor. 16.1, 3, 4.
5Thai kărdine kadea na numai sar ajukărasas, ta dine pe mai anglal le Raiehkă, thai palal amengă, andoa kamimos le Devllehko.
6Ame kadea, rudisardeam le Titos te isprăvil koadoa tidimos le kandimatăngo, kai leasa les.#Vers. 17. Cap. 12.18.
7Pala sar sporin ande sal butea: ando pateaimos, ando divano, ando prinjeandimos, ande rîvna, thai ando kamblimos tumaro anda amende, roden te sporin i ande kadoa mištimos.#Cap. 9.8. 1Kor. 1.5; 12.13.
8Či phenau e buti kadea, kaste dau tume khă mothodimos; ta andai rîvna avrăndi, thai kaste thoau koa zumaimos o ujimos le kamblimahko tumarăhko.#1Kor. 7.6.
9Kă prinjeanen o xaro ole Raiehko amarăhko le Isus Kristosohko. O, barem kă sas bravalo, kărdi'lo čioŕo anda tumende, kaste anda Lehko čioŕoimos, tume te bravarăn tume.#Mat. 8.20. Luka 9.58. Filip. 2.6, 7.
10Ande kadoa dičimos dau tume khă divano. Thai o divano kadoa sî tumengă valosohko tumengă, kai, dă akanara khă bărši, kola mai dă anglal line na numai te kărăn, ta i te kamen.#Cap. 9.2. Pilde 19.17. Mat. 10.42. 1Kor. 7.25. 1Tim. 6.18, 19. Evr. 13.16.
11Isprăvisarăn akana kărdimahko; anda ka, pala o iuçmos tumară kamimahko te avel i o kărimos, lašardo le buteança tumarănça.
12Anda kă, kana sî lašokamimos e pativ sî lini, avindoi ando dikhlimos so sî varekas, na so nai les.#Marko 12.43, 44. Luka 21.3.
13Kače nai e orba ta aver te aven lesnime, ta tume strandine;
14ta sî e orba dăkh lašarimos: ando dinimos dă akanara, so tume den te garavel le amimata lengă, anda kaste i o dinimos lengo te garavel, ka pehko rîndo, animata tumară, kadea kaste avel khă ortomos;
15pala sar sî ramome: „Kukoa kai tidea but, nas les khanči dimahko, thai kukoa so tideasas xançî, či nigrălas lipsa khančestar.”#Exod. 16.18.
O duito tradimos le Titohko.
16Naismata aven andine le Devllehkă, kai thodea ando illo le Titohko sa kodea zor anda tumende.
17Kă o lea o phendimos amaro; ta kadea, stăpînime kha zorasa phabardi, teleardea dă lašo kamimos karing tumende.#Vers. 6.
18Tradem lesa i le phrales savehko lăudimos ande LašiVestea sî phendino ande sal Khăngărea.#Cap. 12.18.
19Mai but, o sas alosardo le Khăngăreandar te jeal andekhthan amença ande kadea buti le lašimatasti, kai kăras la karing e slava le Raiesti sar khă sîkaimos lašimko amarăhko.#Cap. 4.15. 1Kor. 16.3, 4.
20Ando tipo kadoa, kamas khonikh te na prasal ame dikhlimasa ka kadoa bravalimos kandimatăngo, savendar kandas ame.
21Kă rodas te kăras buti pativales na numai angloa Rai, ta angla le manuši.#Rom. 12.17. Filip. 4.8. 1Pet. 2.12.
22Tradem lença i le phrales amarăs, savesti zor zumadem la butivar ande but dičimata, thai savi, ande kadea data, sîkavel mai but zor, andai doši le bară pateaimasti ande tumende.
23Kadeadar, avela avindoi ando dikhlimos le Titos, kai sî o lino thai o jeno muŕo la buteako ando maškar tumaro; avela ando dikhlimos le phralen amarăn, kai sî le tradine le Khăngăreangă thai e fala le Kristososti:#Filip. 2.25.
24den le anglal Khăngărea o dikhlimos le kamblimahko tumaro, thai sîkaven lengă kă same čeačimos te lăudisaras ame tumença.#Cap. 7.14; 9.2.
Currently Selected:
2 Korintenea 8: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
