2 Korintenea 4
4
O dimosduma la LašeaVesteako.
1Anda kodea, anda kă same e buti kadea, palai mila kai leam la, ame či peras ašadimahkă.#Cap. 3.6. 1Kor. 7.25. 1Tim. 1.18.
2Sar iekh, kai šudeam le butea le lajavehkă thai garade, či phiras čiorimasa thai či rimosaras o Divano le Devllehko. Ta, andoa sîkaimos le čeačimahko, kărdiuas vrenikuri te avas primime orsavestar duxo manušehkărăstar, angla o Dell.#Cap. 2.17; 5.11; 6.4, 7; 7.14. 1Tes. 2.3, 5.
3Thai kana e LačiVestea amari sî garadi, sî garadi anda kukola kai sî po drom le xasarimahko,#Cap. 1.18; 2.15. 2Tes. 2.10.
4savendi godi bipateamni koŕardea la o del le čirohko kadalehko, kaste na dikhăl o străfeaimos la luminako la LašeaVesteako la slavako le Kristososti, kai sî o tipo le Devllehko.#Vers. 6. Cap. 3.8, 9, 11, 14, 18. Is. 6.10. Ioan 1.18; 12.31, 40, 45; 14.9, 30; 16.11. Efes. 6.12. Filip. 2.6. Kol. 1.15. Evr. 1.3.
5Kă ame či dasamengă duma pa amende, ta le Raies Kristosos Isusos.#Cap. 1.24. 1Kor. 1.13, 23; 9.19; 10.33. 1Kor. 9.19.
6Kă o Dell, kai phendea: „Te străfeal e lumina andoa tuneriko”, luminisardea amară ille, anda kaste kăras te străfeal e lumina le prinjeandimasti la slavati le Devllesti po mui le Isus Kristososti.#Vers. 4. Gen. 1.3. 1Pet. 2.9. 2Pet. 1.19.
Le pharimata le kandimahkă.
7E mandin kadea phiravas la ande varesar pirea phuweakă, anda kaste kadea zor nemaidikhlini te avel katoa Dell thai na amendar.#Cap. 5.1; 12.9. 1Kor. 2.3.
8Ame sam dandandine ande sal tipuri, ta noa koa strandimos, ande phari thol, ta na biajukărdimahko;#Cap. 7.5.
9našadine, ta na mekline; perade tele, ta na mudardine.#Ps. 37.24.
10Phiravas orkana amença, ando stato amaro, o mudarimos le Raiehko le Isusohko, anda ta e čivava le Isusosti te sîkadeol ande amaro stato.#Cap. 1.5, 9. Rom. 8.17. 1Kor. 15.31. Gal. 6.17. Filip. 3.10. 2Tim. 2.11, 12. 1Pet. 4.13.
11Kă ame kola le juvinde, orkana sam dine merimahkă anda e doši le Isusosti, anda ta e čivava le Isusosti te dičiol ando stato amaro le merimahko.#Ps. 44.22. Rom. 8.36. 1Kor. 15.31, 49.
12Kadea kă, ande amende butearăl o merimos, ta ande tumende e čivava.#Cap. 13.9.
13Ta anda kă same sa kodoa duxo le pateaimahko, dino kolasa so sî ramome: „Pateaiem, anda kodea dem duma!” thai ame pateas, thai anda kodea das duma.#Ps. 116.10. Rom. 1.12. 2Pet. 1.1.
14Thai jeanas kă Kukoa kai juvindisardea le Raies le Isusos, juvindila i amen andekhthan le Isusosa, thai kărăla ame te avas anekhthan tumença.#Rom. 8.11. 1Kor. 6.14.
15Kă sa kadala butea kărdeon pe ando valoso tumaro, andoa xaro o baro, lino butendar, te kărăl te sporin le naismata karing e slava le Devllesti.#Cap. 1.6, 11; 8.19; 11.12. 1Kor. 3.21. Kol. 1.24. 2Tim. 2.10.
Le traimata le pateaimahkă.
16Anda kodea, ame či peras čiimastar. Ta orta kana o manuši amaro avrea nakhadeol, orta o manuši amaro andral nevearăl pe des anda desăste.#Rom. 7.22. Efes. 3.16. Kol. 3.10. 1Pet. 3.4.
17Kă le tristimata amară le lesne khă leakatar kărăn buti anda amende sa mai but khă pharimasa vešniko slavako.#Mat. 5.12. Rom. 8.18. 1Pet. 1.6; 5.10.
18Anda ta ame te na dikhas kal butea kai dičion, ta ka kukola kai či dičion; kă le butea kai dičion, sî nakhlimahkă, ta kana kola kai či dičion, sî vešnikurea.#Cap. 5.7. Rom. 8.24. Evr. 11.1.
Currently Selected:
2 Korintenea 4: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
