1 Korintenea 15
15
O juvindimos thai o sîkadimos le Kristosohko.
1Kărau tumengă prinjeando, phralale e LašiVestea, savi dem tumengăla duma, savi lianla, ande savi ašilean,#Rom. 5.2. Gal. 1.11.
2thai anda savi san skăpime, kana nikrăn la sa kadea pala sar phendem tumengă la; avervaresar, dă ivea pateaian.#Cap. 1.21. Rom. 1.16. Gal. 3.4.
3Sîkadem tume anglal dă sa, kadea sar lem i me: kă o Kristoso mullo anda amară bezexa, pala o LillleDevllehko;#Cap. 11.2, 23. Ps. 22.15, etc. Is. 53.5, 6, etc. Dan. 9.26. Zax. 13.7. Luka 24.26, 46. Kărd. 3.18; 26.23. Gal. 1.12. 1Pet. 1.11; 2.24.
4kă sas praxome thai juvindisardea o trito des, pala o LillleDevllehko;#Ps. 2.7; 16.10. Is. 53.10. Osea 6.2. Luka 24.26, 46. Kărd. 2.25-31; 13.33-35; 26.22, 23. 1Pet. 1.11.
5thai kă sîkadi'lo le Šifahkă, pala kodea kole le dešudongă.#Luka 24.34.#Mat. 28.17. Marko 16.14. Luka 24.36. Ioan 20.19, 26. Kărd. 10.41.
6Pala kodea sîkadi'lo ka peste panji šella phral ăkhdata, anda save mai but sî înkă ande čivava, ta unii sutine.
7Mai palal sîkadi'lo le Iakovohkă, pala kodea sa le apostolengă.#Luka 24.50. Kărd. 1.3, 4.
8Pala lende sa, sar kha počimatakă, sîkadi'lo i mangă.#Cap. 9.1. Kărd. 9.4, 17; 22.14, 18.
9Kă me sîm o mai bisămnome andal apostolea; či sîm vreniko te phiravau o anau le apostolohko, anda kă me mardem e Khăngări le Devllesti.#Kărd. 8.3; 9.1. Gal. 1.13. Efes. 3.8. Filip. 3.6. 1Tim. 1.13.
10Ando xaro le Devllehko sîm so sîm. Thai o xaro Lehko angla mande nas dă ivea; ba kadea kărdem buti mai but anda sa: kadea na me, ta o xaro le Devllehko, kai sî ande mande.#Mat. 10.20. Rom. 15.18, 19. 2Kor. 3.5; 11.23; 12.11. Gal. 2.8. Efes. 3.7, 8. Filip. 2.13.
11Kadeadar, or me, or on, ame kadea das duma, thai tume pateaian.
O sămnomos le juvindimahko le Kristosohko.
12Ta kana del pe duma kă o Kristoso juvindisardea andal mulle, sar phenen iekh anda tumende, kă nai khă juvindimos le mullengo?
13Kana nai khă juvindimos le mullengo, či o Kristoso či juvindisardea.#1Tes. 4.14.
14Thai kana či juvindisardea o Kristoso, atunči amaro phendimos sî dă ivea, thai dă ivea sî i o pateaimos tumaro.
15Ta kadea ame sam dinerigate thai sar dikhlitorea xoxamne le Devllehkă; andakă, phendeam poa Dell kă O juvindisardea le Kristosos, kana či juvindisardea Les, kana sî čečimos kă le mulle či juvindin.#Kărd. 2.24, 32; 4.10, 33; 13.30.
16Kă, kana či juvindin le mulle, či o Kristoso či juvindisardea.
17Thai kana či juvindisardea o Kristoso, o pateamos tumaro sî khančehko, tume san înkă ande tumară bezexa,#Rom. 4.25.
18thai kadea avela kă i kukola kai sutine ando Kristoso, sî xasarde.
19Kana numai anda kadea čivava thodeam amengă o ajukărimos ando Kristoso, atunčeara sam le mai bibaxteako anda sal manuši!#2Tim. 3.12.
20Ta akana, o Kristoso juvindisardea andal mulle, o mai anglal anda kola le sute.#Vers. 23. Kărd. 26.23. Kol. 1.18. 1Pet. 1.3. Sîk. 1.5.
21Kă kana o mullimos avilo andoa manuši, sa andoa manuši avilo i o juvindimos le mullengo.#Ioan 11.25. Rom. 5.12, 17; 6.23.
22Thai pala sar saoŕă merăn ando Adamo, sa kadea, saoŕă juvindina ando Kristoso;
23ta orsao koa rîndo pehka kîrdohko. O Kristoso sî kukoa o anglal rodo; pă urmă, koa avimos Lehko, kola kai sî le Kristosohkă.#Vers. 20. 1Tes. 4.15-17.
24Mai palal, avela o isprăvimos, kana O dela o Thagarimos andel vast le Devllehkă le Daddehkă, pala so avela xasardo orsao raimos, orsao stăpînimos thai orsavi zor.#Dan. 7.14, 27.
25Kă trăbul ka O te thagaril ji kana thola sa le dušmaien tala Pehkă pînŕă.#Ps. 110.1. Kărd. 2.34, 35. Efes. 1.22. Evr. 1.13; 10.13.
26O dušmano o mai palal, kai avela xasardo, avela o mullimos.#2Tim. 1.10. Sîk. 20.14.
27O Dell, ande čeačimaste, „thodea sa tala Lehkă pînŕă.” Ta kana phenel kă sa sas Lehkă meklino, atearăl pe kă avri anda Kukoa kai thodeas Lehkă sa.#Ps. 8.6. Mat. 28.18. Evr. 2.8. 1Pet. 3.22.
28Thai kana sal butea avenas tala Leste, atunčeara orta i o Šeau mekăla pe Kolehkă kai thodea tala leste sa le butea, anda ka o Dell te avel sa ande saoŕă.#Cap. 3.23; 11.3. Filip. 3.21.
29Kadeadar, so kărăna kola kai boldeon anda kola le mulle? Kana či juvindin le mulle čisar, sostar mai boldeon on anda kola le mulle?
30Thai sostar sam ame ande sako leaka ando xasarimos?#2Kor. 11.26. Gal. 5.11.
31Ande sako des me sîm ando tinuimos le mullimahko; kaditi sî dă čeači e buti kadea, phralale, sode sî dă čeačio kă sî ma sostar te lăudima tumença ando Kristoso Isuso, o Rai amaro.#Cap. 4.9. Rom. 8.36. 2Kor. 4.10, 11; 11.23. 1Tes. 2.19.
32Kana, dindoiduma sar le manuši, mardilem le juvindimatănça ando Efeso, sao sî muŕo valoso? Kana či juvindin le mulle, atunči „te xas thai te peas, kă texara merasa.”#Ecl. 2.24. Is. 22.13; 56.12. Luka 12.19. 2Kor. 1.8.
33Na athadeon: „Le prinjeandinimata le jungale čioŕarăn le laše puraimata.”#Cap. 5.6.
34Aven tumengă ande godi, sar avel pe, thai na bezexarăn! Kă sî maškar tumende iekh, kai či prinjeanen le Devlles: karing o lajeau tumaro phenau.#Cap. 6.5. Rom. 13.11. Efes. 5.14. 1Tes. 4.5.
Sar juvindina le mulle.
35Ta phenela varekon: „Sar juvindin le mulle?#Ezec. 37.3.
36Dilo so san! So thos tu ande phuw, či juvindil, kana či merăll mai anglal.#Ioan 12.24.
37Thai kana thos ande phuw, thos na o stato kai avela, ta numai khă boamba, sar kărdeol pe: avela divesti, avela aver sămînçati.
38Pă urmă o Dell dela stato, pala sar kamel; thai orsavea sămînçakă dela lako stato.
39Na orsao stato sî sa kadea; ta aver sî o stato le manušengo, aver sî o stato le čirikleango, aver le mašengo.
40Sa kadea, sî staturi čerikane thai staturi phuweakă;
41Ta aver sî o străfeaimos le khamehko, aver o străfeaimos le šonutohko, thai aver sî o străfeaimos le čeraiengo; orta khă čerai sî avervaresar ando străfeaimos avrea čeraiako.
42Kadea sî i o juvindimos le mullengo. O stato sî thodino ande phuw ando ternimos, thai juvindil ando biternimos;#Dan. 12.3. Mat. 13.43.
43sî thodino ando lajeau, thai juvindil ande slava; sî thodino ando bidaštimos, thai juvindil ande zor.#Filip. 3.21.
44Sî thodino ando stato orta, thai juvindil ando stato duxovničihko. Kana să orsar khă stato, sî i khă stato duxovničihko.
45Anda kodea sî ramome: „O manuši dă anglal o Adamo sas kărdo khă duxo juvindo.” O duito Adamo sas kărdo khă duxo dimahko čivavako.#Gen. 2.7. Ioan 5.21; 6.33, 39, 40, 54, 57. Rom. 5.14. Filip. 3.21. Kol. 3.4.
46Ta anglal avel na so sî duxovničihko, ta so sî masăhko; so sî duxovničihko avel palal.
47O manuši anglal sî andai phuw, phuweako; o duito sî andoa čerii.#Gen. 2.7; 3.19. Ioan 3.13, 31.
48Sar sî kukoa la phuweako, kadea sî i kola le phuwikane; sar sî Kukoa o čerihko, kadea sî i kola le čerikane.#Filip. 3.20, 21.
49Thai pala sar phiradeam o tipo kukoa o puwikano, sa kadea phiravasa o tipo Kolehko čeruno.#Gen. 5.3. Rom. 8.29. 2Kor. 3.18; 4.11. Filip. 3.21. 1Ioan 3.2.
50So phenau me, phralale, să kă na o mas thai o rat mandinin o Thagarimos le Devllehko; thai kă, o ternimos našti mandinil o biternimos.#Mat. 16.11. Ioan 3.3, 5.
51Dikta, phenau tumengă khă garaimos; či sovasa saoŕă, ta saoŕă avasa parugline,#Filip. 3.21. 1Tes. 4.15-17.
52Andekh leaka andekh leakuimos andai iakh, kai mai palal šing. E šing bašela, le mulle juvindina biternimahko, thai ame avasa parugline.#Zax. 9.14. Mat. 24.31. Ioan 5.25. 1Tes. 4.16.
53Kă trăbul ka o stato kadoa, thodino ternimahko, te xureavel pe ando biternimos, thai o stato kadoa le mullimahko te xureavel pe ando bimerimos.#2Kor. 5.4.
54Kana o stato kadoa thodino le ternimahko, xureavela pe ando biternimos, thai o stato kadoa le mullimahko xureavela pe ando bimerimos, atunčeara pherdeola o divano kai sî ramome: „O mullimos sas nakhado ando izbîndimos.#Is. 25.8. Evr. 2.14, 15. Sîk. 20.14.
55Kai sî teo barimos mullimosîna? Kai sî mullimos ti suv?”#Osea 13.14.
56Ta e suv l mullimasti sî o bezex; thai zor la bezexati sî e Kris.#Rom. 4.15; 5.13; 7.5, 13.
57Ta naismata aven andine le Devllehkă, kai del ame o izbîndimos ando Rai amaro o Isus Kristoso!#Rom. 7.25. 1Ioan 5.4, 5.
58Anda kodea, but kuči mîŕă phral, aven zurale, bimištisarde, barerăn orkana ande buti le Raiesti, kă jeanen kă o xodinimos tumaro ando Rai nai dă iveantaină.#Cap. 3.8. 2Pet. 3.14.
Currently Selected:
1 Korintenea 15: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
1 Korintenea 15
15
O juvindimos thai o sîkadimos le Kristosohko.
1Kărau tumengă prinjeando, phralale e LašiVestea, savi dem tumengăla duma, savi lianla, ande savi ašilean,#Rom. 5.2. Gal. 1.11.
2thai anda savi san skăpime, kana nikrăn la sa kadea pala sar phendem tumengă la; avervaresar, dă ivea pateaian.#Cap. 1.21. Rom. 1.16. Gal. 3.4.
3Sîkadem tume anglal dă sa, kadea sar lem i me: kă o Kristoso mullo anda amară bezexa, pala o LillleDevllehko;#Cap. 11.2, 23. Ps. 22.15, etc. Is. 53.5, 6, etc. Dan. 9.26. Zax. 13.7. Luka 24.26, 46. Kărd. 3.18; 26.23. Gal. 1.12. 1Pet. 1.11; 2.24.
4kă sas praxome thai juvindisardea o trito des, pala o LillleDevllehko;#Ps. 2.7; 16.10. Is. 53.10. Osea 6.2. Luka 24.26, 46. Kărd. 2.25-31; 13.33-35; 26.22, 23. 1Pet. 1.11.
5thai kă sîkadi'lo le Šifahkă, pala kodea kole le dešudongă.#Luka 24.34.#Mat. 28.17. Marko 16.14. Luka 24.36. Ioan 20.19, 26. Kărd. 10.41.
6Pala kodea sîkadi'lo ka peste panji šella phral ăkhdata, anda save mai but sî înkă ande čivava, ta unii sutine.
7Mai palal sîkadi'lo le Iakovohkă, pala kodea sa le apostolengă.#Luka 24.50. Kărd. 1.3, 4.
8Pala lende sa, sar kha počimatakă, sîkadi'lo i mangă.#Cap. 9.1. Kărd. 9.4, 17; 22.14, 18.
9Kă me sîm o mai bisămnome andal apostolea; či sîm vreniko te phiravau o anau le apostolohko, anda kă me mardem e Khăngări le Devllesti.#Kărd. 8.3; 9.1. Gal. 1.13. Efes. 3.8. Filip. 3.6. 1Tim. 1.13.
10Ando xaro le Devllehko sîm so sîm. Thai o xaro Lehko angla mande nas dă ivea; ba kadea kărdem buti mai but anda sa: kadea na me, ta o xaro le Devllehko, kai sî ande mande.#Mat. 10.20. Rom. 15.18, 19. 2Kor. 3.5; 11.23; 12.11. Gal. 2.8. Efes. 3.7, 8. Filip. 2.13.
11Kadeadar, or me, or on, ame kadea das duma, thai tume pateaian.
O sămnomos le juvindimahko le Kristosohko.
12Ta kana del pe duma kă o Kristoso juvindisardea andal mulle, sar phenen iekh anda tumende, kă nai khă juvindimos le mullengo?
13Kana nai khă juvindimos le mullengo, či o Kristoso či juvindisardea.#1Tes. 4.14.
14Thai kana či juvindisardea o Kristoso, atunči amaro phendimos sî dă ivea, thai dă ivea sî i o pateaimos tumaro.
15Ta kadea ame sam dinerigate thai sar dikhlitorea xoxamne le Devllehkă; andakă, phendeam poa Dell kă O juvindisardea le Kristosos, kana či juvindisardea Les, kana sî čečimos kă le mulle či juvindin.#Kărd. 2.24, 32; 4.10, 33; 13.30.
16Kă, kana či juvindin le mulle, či o Kristoso či juvindisardea.
17Thai kana či juvindisardea o Kristoso, o pateamos tumaro sî khančehko, tume san înkă ande tumară bezexa,#Rom. 4.25.
18thai kadea avela kă i kukola kai sutine ando Kristoso, sî xasarde.
19Kana numai anda kadea čivava thodeam amengă o ajukărimos ando Kristoso, atunčeara sam le mai bibaxteako anda sal manuši!#2Tim. 3.12.
20Ta akana, o Kristoso juvindisardea andal mulle, o mai anglal anda kola le sute.#Vers. 23. Kărd. 26.23. Kol. 1.18. 1Pet. 1.3. Sîk. 1.5.
21Kă kana o mullimos avilo andoa manuši, sa andoa manuši avilo i o juvindimos le mullengo.#Ioan 11.25. Rom. 5.12, 17; 6.23.
22Thai pala sar saoŕă merăn ando Adamo, sa kadea, saoŕă juvindina ando Kristoso;
23ta orsao koa rîndo pehka kîrdohko. O Kristoso sî kukoa o anglal rodo; pă urmă, koa avimos Lehko, kola kai sî le Kristosohkă.#Vers. 20. 1Tes. 4.15-17.
24Mai palal, avela o isprăvimos, kana O dela o Thagarimos andel vast le Devllehkă le Daddehkă, pala so avela xasardo orsao raimos, orsao stăpînimos thai orsavi zor.#Dan. 7.14, 27.
25Kă trăbul ka O te thagaril ji kana thola sa le dušmaien tala Pehkă pînŕă.#Ps. 110.1. Kărd. 2.34, 35. Efes. 1.22. Evr. 1.13; 10.13.
26O dušmano o mai palal, kai avela xasardo, avela o mullimos.#2Tim. 1.10. Sîk. 20.14.
27O Dell, ande čeačimaste, „thodea sa tala Lehkă pînŕă.” Ta kana phenel kă sa sas Lehkă meklino, atearăl pe kă avri anda Kukoa kai thodeas Lehkă sa.#Ps. 8.6. Mat. 28.18. Evr. 2.8. 1Pet. 3.22.
28Thai kana sal butea avenas tala Leste, atunčeara orta i o Šeau mekăla pe Kolehkă kai thodea tala leste sa le butea, anda ka o Dell te avel sa ande saoŕă.#Cap. 3.23; 11.3. Filip. 3.21.
29Kadeadar, so kărăna kola kai boldeon anda kola le mulle? Kana či juvindin le mulle čisar, sostar mai boldeon on anda kola le mulle?
30Thai sostar sam ame ande sako leaka ando xasarimos?#2Kor. 11.26. Gal. 5.11.
31Ande sako des me sîm ando tinuimos le mullimahko; kaditi sî dă čeači e buti kadea, phralale, sode sî dă čeačio kă sî ma sostar te lăudima tumença ando Kristoso Isuso, o Rai amaro.#Cap. 4.9. Rom. 8.36. 2Kor. 4.10, 11; 11.23. 1Tes. 2.19.
32Kana, dindoiduma sar le manuši, mardilem le juvindimatănça ando Efeso, sao sî muŕo valoso? Kana či juvindin le mulle, atunči „te xas thai te peas, kă texara merasa.”#Ecl. 2.24. Is. 22.13; 56.12. Luka 12.19. 2Kor. 1.8.
33Na athadeon: „Le prinjeandinimata le jungale čioŕarăn le laše puraimata.”#Cap. 5.6.
34Aven tumengă ande godi, sar avel pe, thai na bezexarăn! Kă sî maškar tumende iekh, kai či prinjeanen le Devlles: karing o lajeau tumaro phenau.#Cap. 6.5. Rom. 13.11. Efes. 5.14. 1Tes. 4.5.
Sar juvindina le mulle.
35Ta phenela varekon: „Sar juvindin le mulle?#Ezec. 37.3.
36Dilo so san! So thos tu ande phuw, či juvindil, kana či merăll mai anglal.#Ioan 12.24.
37Thai kana thos ande phuw, thos na o stato kai avela, ta numai khă boamba, sar kărdeol pe: avela divesti, avela aver sămînçati.
38Pă urmă o Dell dela stato, pala sar kamel; thai orsavea sămînçakă dela lako stato.
39Na orsao stato sî sa kadea; ta aver sî o stato le manušengo, aver sî o stato le čirikleango, aver le mašengo.
40Sa kadea, sî staturi čerikane thai staturi phuweakă;
41Ta aver sî o străfeaimos le khamehko, aver o străfeaimos le šonutohko, thai aver sî o străfeaimos le čeraiengo; orta khă čerai sî avervaresar ando străfeaimos avrea čeraiako.
42Kadea sî i o juvindimos le mullengo. O stato sî thodino ande phuw ando ternimos, thai juvindil ando biternimos;#Dan. 12.3. Mat. 13.43.
43sî thodino ando lajeau, thai juvindil ande slava; sî thodino ando bidaštimos, thai juvindil ande zor.#Filip. 3.21.
44Sî thodino ando stato orta, thai juvindil ando stato duxovničihko. Kana să orsar khă stato, sî i khă stato duxovničihko.
45Anda kodea sî ramome: „O manuši dă anglal o Adamo sas kărdo khă duxo juvindo.” O duito Adamo sas kărdo khă duxo dimahko čivavako.#Gen. 2.7. Ioan 5.21; 6.33, 39, 40, 54, 57. Rom. 5.14. Filip. 3.21. Kol. 3.4.
46Ta anglal avel na so sî duxovničihko, ta so sî masăhko; so sî duxovničihko avel palal.
47O manuši anglal sî andai phuw, phuweako; o duito sî andoa čerii.#Gen. 2.7; 3.19. Ioan 3.13, 31.
48Sar sî kukoa la phuweako, kadea sî i kola le phuwikane; sar sî Kukoa o čerihko, kadea sî i kola le čerikane.#Filip. 3.20, 21.
49Thai pala sar phiradeam o tipo kukoa o puwikano, sa kadea phiravasa o tipo Kolehko čeruno.#Gen. 5.3. Rom. 8.29. 2Kor. 3.18; 4.11. Filip. 3.21. 1Ioan 3.2.
50So phenau me, phralale, să kă na o mas thai o rat mandinin o Thagarimos le Devllehko; thai kă, o ternimos našti mandinil o biternimos.#Mat. 16.11. Ioan 3.3, 5.
51Dikta, phenau tumengă khă garaimos; či sovasa saoŕă, ta saoŕă avasa parugline,#Filip. 3.21. 1Tes. 4.15-17.
52Andekh leaka andekh leakuimos andai iakh, kai mai palal šing. E šing bašela, le mulle juvindina biternimahko, thai ame avasa parugline.#Zax. 9.14. Mat. 24.31. Ioan 5.25. 1Tes. 4.16.
53Kă trăbul ka o stato kadoa, thodino ternimahko, te xureavel pe ando biternimos, thai o stato kadoa le mullimahko te xureavel pe ando bimerimos.#2Kor. 5.4.
54Kana o stato kadoa thodino le ternimahko, xureavela pe ando biternimos, thai o stato kadoa le mullimahko xureavela pe ando bimerimos, atunčeara pherdeola o divano kai sî ramome: „O mullimos sas nakhado ando izbîndimos.#Is. 25.8. Evr. 2.14, 15. Sîk. 20.14.
55Kai sî teo barimos mullimosîna? Kai sî mullimos ti suv?”#Osea 13.14.
56Ta e suv l mullimasti sî o bezex; thai zor la bezexati sî e Kris.#Rom. 4.15; 5.13; 7.5, 13.
57Ta naismata aven andine le Devllehkă, kai del ame o izbîndimos ando Rai amaro o Isus Kristoso!#Rom. 7.25. 1Ioan 5.4, 5.
58Anda kodea, but kuči mîŕă phral, aven zurale, bimištisarde, barerăn orkana ande buti le Raiesti, kă jeanen kă o xodinimos tumaro ando Rai nai dă iveantaină.#Cap. 3.8. 2Pet. 3.14.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.