1 أيث-سلونيك 5
5
يُوْم نِّي ن سِيذِيثْنغ
1فَا آي أَيثْمَا، وَار نْتحْذِيجِي شَا اَذَاوم نْتَارِي خ لْأَوْقَات نِغ ذ تَّوَارِيخ. 2أَقَا ثسّْنم مْلِيح بلِّي يُوْم ن سِيذِيثْنغ اَذ د يَاس اَم د يُوْسَا يج وشفَّار س دْجِيڒث. 3أَتَاف خْمِي غَا يِنِين يِوْذَان اَقَا ذِنِّي لْأَمَان ذ ضّْمَان ڒخْدّنِّي اَخَاسن د يهْوَا يجّن ن لْخَرَاب ذغْيَا اَمشْنَاو مَامش د يتَاس ڒحْڒِيق ن ثَارْوَا إِ ثمْغَارْث يتَارْون. أَتَاف وَار زمَّرن نِثْنِي اَذ اَروْڒن.
4وَلَكِن كنِّيو آي أَيثْمَا، وَار ثدْجِيم شَا ذِي ثَادْجسْت بَاش يُوْم نِّي اَخَاوم د يخْضڒ اَم يِج وشفَّار. 5لَّا، كنِّيو مَارَّا ذ ثَارْوَا ن ثْفَاوْث ذ يحنْجِيرن ن نْهَار. وَار ندْجِي شَا ذ ثَارْوَا ن دْجِيڒث نِغ ن ثَادْجسْت. 6إِذن، وَار نْتطّص شَا اَم يِوْذَان نّغْنِي، ئِتْخصَّا أَ نِيڒِي نْفَاق اَغَارْنغ يِيڒِي ڒَعْقڒ. 7شُوْف، يِنِّي يتطّْصن، تطّْصن س دْجِيڒث. يِنِّي يتْغلَّان س شّْرب، تْغلَّان س دْجِيڒث. 8نشِّين لَّا، نشِّين ذ ثَارْوَا ن نْهَار، أَغَارْنغ يِيڒِي ڒَعْقڒ. أَ نݣّ ثْجِيلِيت نِّي ن ڒحْذِيذ يدْجَان نتَّاث ن لْإِيمَان ذ ڒمْحِبّث. أَ نݣّ لْكَاسْك نّغ يدْجَان نتَّا ذ لْأَمَال ن ؤُفكِّي. 9قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح. 10نتَّا يمُّوْث خَانغ بَاش أَ ندَّر اَكِذس وَاخَّا نشِّين نْفَاق نِغ نطّص ذݣ ونْضڒ. 11فَلِيهَذَا تْشجَّاعث اَيَاوْيَا تْعَاوَانث اَيَاوْيَا مَامّش تݣّم ڒخُّو.
ڒُوْصِيَاث ثِنݣُّوْرَا
12فَا آي أَيثْمَا، نقَّار-اَوم وقَّرم يِنِّي يخدّْمن جَارَاوم إِݣ يدْجَان خَاوم نهَّان-كنِّيو. 13ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا. 14آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا. 15أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.
16فَرْحم ڒبْدَا، 17تتَّارم إِ أَربِّـي بْڒَا مَا ٱذ تْبدّم، 18شكَّرم-ث ذِي مَارَّا ثِمسْڒَايِين. لِأَنَّا ذ مَانَايَا إِݣ يتْرَاجَا أَربِّـي زَّايْوم ذِي عِيْسَى لْمَسِيح. 19وَار تْسخْسَايم شَا أَرُّوْح يقدّْسن. 20وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن. 21لَّا، ميّْزث مَانَاينِّي مَارَّا. طّْفث ذِي مِين يدْجَان ذ اَصبْحَان؛ 22أَݣّْوْجث خ مَارَّا مِين يدْجَان ذ اَعفَّان.
23أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح. 24ونِّي إِي ذَاوم د يتْڒَاغَان ذَايس تِّقث، ذ نتَّا إِي كنِّيو غَا يسِّيوْضن غَار مَانَايَا.
25آي أَيثْمَا، تَّارم إِ أَربِّـي خَانغ. 26سدْجْمث خ مَارَّا اَوْمَاثن س يِجّن ن سْڒَام يصْفَا. 27تْوصِّيغ-كنِّيو زَّاث إِ سِيذِيثْنغ حمَا اَذ تْغَرم ثَبْرَات-أَ إِ وَاوْمَاثن مَارَّا. 28أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.
Currently Selected:
1 أيث-سلونيك 5: ريف
Highlight
Share
Copy
Want to have your highlights saved across all your devices? Sign up or sign in
