कलुसीयो जाणकारी
जाणकारी
छोटा एसिया म इफिसुस नगरी क अगुणी दिसा म बसेड़ी कलुसीया नगरी की बिस्वासी मंडळीनै पोलुस आ चिठी मांडी। इ बिस्वासी मंडळीनै पोलुस कोनी बणाई पण आ बि झघा म ही जिकी चिंत्या पोलुस कर्या करतो हो। जंय्यां की रोम राजपाट का परदेस अखाया की राजधानी इफिसुस मऊँ मसी सेवकनै पोलुस भेज्यो। पोलुसनै इ बात को बेरो पड़्यो क कलुसीया की बिस्वासी मंडळी म क्युंक गळत सीख देबाळा ह, अ परमेसरनै जाणबा अर छुटकारो पाबा ताँई मिनखानै क्युंक मान्या-थान्या आत्मिक बडका अर अधिकार्यानै पूजबा की सीख प जोर देता हा। अ कहता हा, क्युंक मानी-थानी धरम विधी जंय्यां खतनो, खाण-पाण अर अंय्यां का ओर बी कड़ा नियमा को पालन करनो जरूरी ह।
आ बाता को बिरोद करबा ताँई पोलुस सचो मसी चोखा समचार क सागै आ चिठी मांड्यो। बिको दिली-जुबाब ओ ह क, “ईसु मसी पूरो छुटकारो देबा को बूतो राखै ह, अर अंय्यां की धरम विधी अर बिस्वास मिनखानै बिऊँ दूर करै ह। मसीऊँई परमेसर इ सरस्टिनै रच्यो अर बिकाळा खूनऊँई इनै आपकै कनै ल्यार्यो ह। खाली मसी मई जगत का छुटकारा की आस ह।” जणा पोलुस बिस्वास्या का जीवन ताँई इ म्हान सीख को मतबल बतावै ह। आ ध्यान देबाळी बात ह क तुखीकुस, जखो पोलुस की आ चिठी कलुसीया लेगो हो बिकै सागै उनेसिमुस बी हो (ओ बोई चरूआरो ह जिकै हिमायती म पोलुस फिलेमोन क नाम चिठी म मांड्यो हो।)
रूपरेखा
जाणकारी। (1:1–8)
मसी को सुभाव अर काम। (1:9—2:19)
मसी म नयो जीवन। (2:20—4:6)
चिठी बंद करबो। (4:7–18)
Currently Selected:
कलुसीयो जाणकारी: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved