2 थिसलूनिकी 2

परमेसर का सगळा नियम कायदानै तोड़बाळो मिनख

1 # 1 थिसलू 4:15–17 मेरा लाडला बिस्वास्यो, आपणा परबु ईसु मसी क आबा अर बिकन भेळा होबा क बारां म, म्हें थारूँ बिणती करां हां क, 2ज थे कोईऊँ अंय्यां सुणो क परबु क ओज्यु आबा को दिन आग्यो ह जणा थे उकचुक मना होज्यो, नइ दरमई घबराज्यो। नइ कोई आत्माऊँ, नइ बोलऊँ नइ कोई लिखावटऊँ जखी म्हारी सी क्युना लागै जणा बी बिको बिस्वास मना करज्यो। 3क्युंबी हो, बाकी बाताऊँ मना भेक जाज्यो। क्युं क आ बात जद ताँई पूरी कोनी होवै जद ताँई परमेसर को बिरोद करबाळा सगळा मिनख चोड़ा म नइ आज्यावीं, सागै की सागै आबी जरूरी ह क बो एक मिनख परगट होसी जखो परमेसर का सगळा नियम कायदानै तोड़सी#2:3 नियम कायदानै तोड़सी ओ मिनख सेतान ह। जिकी सजा नरक म जुग-जुग ताँई ह। 4ओ मिनख परमेसर, झूठा देवता अर जानै मिनख धोकीं हीं बा सकै बिरोद म होज्यासी अर बो खुदनै आ सगळाऊँ बडो बतासी। बो परमेसर का मनदर म जार बेठ ज्यासी अर खुदनै परमेसर बतासी।

5थानै याद कोनी के? जद म थारै कनै रिह्या करतो हो जणा म थानै अ सगळी बाता बोल्या करतो हो। 6जणा थे तो इ बातनै जाणोई हो क बि परमेसर की खिलापत करबाळानै काँई बात ह, जखी बिनै इब ताँई आबाऊँ रोक राखी ह। क्युं क परमेसर बिकै आबा को टेम ते कर राख्यो ह। 7पण परमेसर का सगळा नियम कायदानै तोड़बाळो ओला म तो हाल बी काम करर्यो ह, क्युं क अठै क्युं तो पक्काई ह, जखो बिनै इब बी चोड़ा म कोनी आबा देर्यो। 8जणा पाछै परमेसर का नियम कायदानै तोड़बाळो परगट होसी। बिनै परबु ईसु आर आपकी मोजूदगी का च्यानणाऊँ अर फूंकऊँ नास कर देसी। 9#मत्त 24:24पण बिकै नास होबाऊँ पेली बो सेलाणी-चमत्कार अर ताजूब का काम दिखासी क्युं क बिमै सेतान की सक्‍ति होसी। 10बो इ सक्‍तिनै बा मिनखानै भंगराबा ताँई काम म लेसी जखा नास होबाळा हीं। क्युं क बे छुटकारा करबाळा सचा चोखा समचारनै कोनी मानसी अर खुदनै परमेसरनै कोनी सूपसी जिऊँ क परमेसर बानै बाका पाप की सजाऊँ बचावै। 11इ ताँई परमेसर बा मिनखा की बुदीनै बांद देसी जिऊँ परमेसर का नियम कायदानै तोड़बाळो बानै अरामऊँ भंगरा सकै, जि बजेऊँ बे मिनख बि बात प बिस्वास करसी जखी सच कोनी। 12अंय्यां बे सगळा जखा सच प बिस्वास कोनी कर्या अर कूगेला चालर मजा मारता हा बे सजा भोगसी।

बिस्वास म मजबूत बण्या रेह्‍ओ

13पण परबु का लाडला बिस्वास्यो, थारै ताँई म्हानै सदाई परमेसर को धनेवाद करतो रेह्णो ह, क्युं क परमेसर खुदकी पबितर आत्मा की सक्‍तिऊँ थानै बचार बिका पबितर मिनख होबा अर छुटकारा का पेला फळ होबा ताँई पेल्याऊँ टाळ लिओ ह, क्युं क थे सच प बिस्वास कर्यो ह। 14परमेसर थानै चोखा समचार की बजेऊँ बुलायो ह, जिऊँ थे बी आपणा परबु ईसु मसी की मेमा म सामिल होवो। ओ बि चोखा समचार क जरिए होयो ह जिकी सीख म्हें थानै दिनी ही। 15इ ताँई मेरा लाडला बिस्वास्यो, बिस्वास म मजबूत रेह्‍ओ अर जखी सीख म्हें थानै बोलर नहिस चिठी म मांडर दिनी ह बापै चालता रेह्‍ओ।

16आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह, 17बो था सगळानै चोखा कामा अर बचना म पक्‍को करै अर थारा हिया म हिमत बंधवावै।

Currently Selected:

2 थिसलूनिकी 2: एस डब्लु वी

Highlight

Copy