ПСАЛМИ 63
63
Жед за општење со Бога
1. Душа која жеднее за Бога
Давидов псалм, кога бил во Јудејска пустина.
1О Боже, Ти си мој Бог: горливо Те барам Тебе; Мојата душа жеднее по Тебе, моето тело копнее по Тебе, како сува, жедна и безводна земја. 2Те согледував Тебе во Светилиштето, гледајќи Ти ја славата и силата. 3Твојата љубов е подобра од животот, моите усни ќе Те слават. 4Така ќе Те благословувам додека сум жив, во Твое име ќе ги кревам рацете.
2. Жедна душа прекратува со Бога
5Мојата душа ќе биде сита како од сало и масло, ќе Те фалам со радосни усни. 6Си спомнувам за Тебе, во постелата, размислувам за Тебе во ноќните бдеења. 7Ти ми стана помош, радосно извикувам во сенката на Твоите крилја. 8Мојата душа се прилепува кон Тебе, Твојата рака ме потпира.
9Оние што ја туркаат мојата душа кон пропаст, нека слезат во длабочините на земјата, 10нека ѝ бидат предадени на власта на мечот, нека станат плен на лисиците. 11А царот ќе се весели во Бога; ќе биде фален секој, кој се колне во Него, зашто ќе им биде затната устата на оние што зборуваат невистина.
Currently Selected:
ПСАЛМИ 63: MKB
Highlight
Share
Compare
Copy
Want to have your highlights saved across all your devices? Sign up or sign in
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.
