Titos 3
3
Knttalux Meepah Malu Ooda
1Tgsai bale ka seediq, theyi dmpqlahang, ga dmoi beyax. Theyi ma psramal meepah ani maanu malu ooda. 2Iya ssngayan ani ima, iya pkeekan kari, tghuwe ma ptuura knugseesu su qmita seediq. 3Cbeyo we uka knkela ta, ini ta qbahang, mridil ta mtqliyan meepah ani maanu kkraguh ma qqrasun. Muudus ta ckceka qnnaqah lnglungan ma pssnhuur ta. Nii we trqilun ta ma, pptraqil ta uri. 4Kiya de mtruura dehuk ka huwe ma gnaalu Utux Baro mdoi baga ita ciida de, 5mdoi baga ita ka Heya. Uxe pnooda msderux noda ta, pnooda huwe na, pnooda psino mnpusal mtuting ma pnsbgrahan Bgihur Utux. 6Bgihur Utux we, kiya ka Utux Baro we pnooda na Yesu Kiristo mdoi baga ita kndexan spscuwaq hmeruy heyi ta. 7So ririh gnhuwe na ngalan ta na msderux noda. Kiya de mtduwa ta spooda sntangan ta knuudus ani knuwan mseediq ta Heya. 8Kari mu nii we bale ba snhiyun.
Tai namu stmaun riyung ka ooda nii. So maha mpqlahang meepah malu ooda ka dseediq kmtama Utux Baro. Kana nii we malu riyung ma peeniq pbrihan seediq. 9Qdriqi ka mngataq mpkeekan kari, patis pnltudan rudan ma, pkeekan kari. Ado nii we pneeyah gaya kana, nii uri we uka ririh na kana. 10Psaanak mtheyaq seediq we, bobo wada su mnkingal ma mndaha mdakar de asi lixi iya theyaq dheya. 11Ado klaun su ka dseediq nii we, wada tbrinah kari Utux Baro, qmeepah qnquwan noda klaali ma, pgkela qnquwan noda daha nanak.
Nhdean Kari
12Snkgulan mu mosa yamu hiya ka Artemas, uxe uri we Tukikos. Osa nhari Nikopolis Aguh mita kenan. Ado meeniq ku hiya ka misan mesa ka sneengan mu. 13Ptgehi smkagul ka Jenas mptgaya ma Apollos. Uxe daha kkssula ani maanu we dyagi. 14Dduita uri we asi ka smluhe ta meepah malu noda. Dyagi ta ka dseediq ga niqan ddyagun. So kiya de maha niqan gnhiyan ta.
15Malu su mesa sunan ka seediq ga theyaq yaku hini. Malu namu kesi rmengo ka dseediq gmaalu yami meniq snhiyan. Tai so mpsuupu meniq kana yamu ka gnhuwe!
Currently Selected:
Titos 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
