Hiburu 8
8
Paru Msapuh Pnshegan Bgurah ma Malu
1Rnengo nami nii we, niqan 1 ka pusu na: Nii ta niqan so nii paru msapuh. Heya we wada tleung narac tluungan tgparu riyung ga baro. 2Ga meniq mrtaso thmkuwan we, kiya ka tnqliyan ga ckceka bale ba kobu. Kobu nii we pnheyu Bukung ma uxe pnheyu seediq. 3Kana paru msapuh we pnheyu bbege ma ssapuh. So kiya de paru msapuh nii de ida asi ka niqan bbege na. 4Nasi meniq bobo dxeral ka heya de, uxe maha mmsapuh. Ado tena niqan ka msapuh mbege bbege pnooda gaya. 5Ga daha thmkuwan we, kiya ka hnyegan ma saso ga baro. Mntena so Moseh mpsmalu kobu ciida we, mdakar heya ka Utux Baro, rmengo: “Qlahang bale, puyu kana smalu so tnugesa mu isu meniq dgiyaq.” 6Saya de Yesu we tena wada mangal mgkala malu qpahan. Mntena so Yesu de knmalu pnsdhegan ga meniq ckceka ita ma Utux Baro. Pnsdhegan nii we pnheyu knmalu sntangan. 7Nasi uka qnnaqah ka pnsdhegan pnlaale de, na ta ini iging 1 pnsdhegan dungal. 8Ado mseang rmengo dheya ka Utux Baro:
“Rmengo ka Bukung, tai! Gisu ka ali,
psdehu ku sndhegan bgurah sapah Israel ma
sapah Yehudah ka yaku.
9Ini pntena dnoi ku baga ddrudan daha,
mlatac peeyah Micrayim ciida,
pnsdhegan mu dheya.
Ado ini puyu pnsdhegan mu ka dheya.
So kiya de, uxe ku mptheyaq dheya. So nii ka rnengo Bukung.
10Rmengo dungal ka Bukung:
Bobo ali kiya we,
so nii ka pnheyu mu pnsdhegan daha sapah Israel bobo na:
Gaya mu we psaun mu ckceka lhebun daha,
pptasun bobo lhebun daha.
MpuUtux Baro ku dheya ka yaku,
dheya de mpseediq mu.
11Txtaxa daha we ani ini tgesa gexal na ma mtswai na, rmengo: Isu we klai ka Bukung.
Ado peeyah tgbiciq betaq tgparu we,
asi ka mkela yaku kana.
12Srwaun mu ka ini ksderux noda daha,
uxe mu sbgrnahun lmngelung dungal ka qnquwan noda daha.”
13Wada rmengo quri “Bgurah Pnsdhegan” ka Utux Baro de, tena wada cmucac ka pnsdhegan pnlaale. Krinah cmucac ma muuwic na we ida uxe beyo mpkuuka da.
Currently Selected:
Hiburu 8: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
