Hiburu 5
5
1Kana gneegan peeyah seediq we to snkgulan mqeepah ooda Utux Baro. Mpririh qnquwan noda mbege bnege daha ma snapuh. 2Heya we klaun na lmngelung ka seediq uka knkela ma mnugedang. Ado skwitan knuuwic na ka heya uri. 3So kiya de asi ka rmirih seediq ma heya nanak mege snapuh qnquwan noda. 4Uka ani ima ka mnhemuc mangal knledax paru msapuh. Wano gneegan pnlawa Utux Baro na we kiya ka tduwa, mntena so Aharon.
5Mntena so nii, Kiristo we ini angal knledax paru msapuh ka Heya. Smparu rmnengo Heya, so nii kari na:
“Laqi mu ka isu.
Pntingan misu saya ka isu.”
6Mntena so 1 ga spatis dungal:
“Isu we msapuh ani betaq knuwan pnuyu gaya Malkicedeq.”
7Meniq ali heyi na ciida ka Yesu we, mnoda paru ba hrenang lmingis, tsrusuq dmurun ma, mesa riyung Utux Baro mdoi baga Heya so uxe mphuqil. Ririh knstuutux na we wada srwaun. 8Ani laqi ka Heya we, ida snluhay theyi peeyah pnqraqil na. 9Wada so nii knttuku ka Heya de, kiya ka pusu ddoi baga ani knuwan dseediq snhii Heya. 10Kiya uri we mpaangal paru msapuh gnrangan pnooda gaya Malkicedeq ka Heya.
Mdakar Seediq Tbrinah
11Quri ooda nii we, egu rrengo nami sunan. Kiya we rriqu hari srengo, ado ini namu bhangi. 12Spooda ta ali rmengo we, naka namu wada so mptgesa da. Ima mkela ida asi ka niqan seediq mtgesa yamu dungal ka pnrdingan mrtaso kari Utux Baro. Yamu we ma namu mntena seediq asi ka mimah nunuh ma, ini tduwa mekan mkere uqun. 13Wano nunuh seekan na we, uxe mpkela lmngelung elu kari msderux noda. Ado laqi labu ka dheya. 14Wano seediq tghedu mdakil we kiya ka tduwa mekan mkere uqun. Ado smluhe riyung ka lhebun daha ma muudus bale, kiya de mtduwa psaanak malu ma naqah da.
Currently Selected:
Hiburu 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
