Garatia 1
1
Smbeyax Kari
1-2Yaku Poro snkgulan ma kana mtswai snuupu yaku we matis patis kana pssliyan ga meniq Garatia. Uxe mnoda seediq wada ku msnkgulan. Uxe pnooda seediq uri, pusu ba pnooda Yesu Kiristo ma Utux Baro Tama pkuudus seediq peeyah mnhuqil. 3Tai so meeniq yamu ka huwe ma mtbale lhebun pneeyah Utux Baro Tama ta ma pneeyah Yesu Kiristo Bukung ta! 4Kiristo we mnoda lnglungan Utux Baro Tama ta, pririh qnquwan noda na wada qmada heya nanak. So maha dmoi baga pqduriq ita peeyah qnquwan noda knlangan saya. 5Tai so maha sbege Utux Baro ka knledax betaq ani knuwan. Ameng!
Uka Dungal ka Malu Kari
6Mnklui ku bale ma namu ini beyo malix Utux Baro pnooda na huwe Kiristo mnlawa yamu. Kiya de wada namu theruy smnegul quri ini pntena malu kari. 7Bale ba uka dungal ka malu kari. Wano meyah prudu yamu ka duma seediq, yahun daha marah ka malu kari quri Kiristo. 8Kiya de ani yami ma snkgulan baro uri we, nasi meyah gmarang malu kari yamu, ini pntena gnrangan nami we asi ka syusun ka heya! 9Wada nami rmnengo da, saya de mprengo ku dungal. Netun meyah gmarang malu kari yamu ka seediq, ini pntena wada namu ngalun we asi ka syusun ka heya!
10Ya ku mangal lhebun seediq ka saya ho? Uxe uri we ye ku mangal lhebun Utux Baro ho? Ye ku nii migin mpqaras seediq ho? Nasi ku ida kmpqaras seediq ka yaku we uxe ku tnqliyan Kiristo ka yaku da.
Hmuwa Mesa Ma Msnkgulan ka Poro
11Mtswai, pgkela ku yamu. Malu kari gnarang mu we uxe pneeyah lnglungan seediq. 12Ado uxe mu nangal peeyah seediq. Uxe ku tnugesa seediq uri. Pnooda pntuura nanak Yesu Kiristo.
13Wada namu qbhangan huwa mesa ka noda mu meniq ku kntmaan seediq Yudaya cuuxal. Wada ku hmuwa mesa pqraqil ma smeeliq pssliyan nuUtux Baro. 14Meniq ku ckceka kntmaan seediq Yudaya we mgkala ku dyami mntena knkawas mu mdrumuc ku bale muyu gaya hniti rudan pneyah cbeyo. 15Kiya de wada psaanak kenan peeyah ku meniq nbuyas bubu mu, kiya uri we mnoda huwe na mlawa kenan ka Utux Baro. So nii mqaras ba 16ptuura laqi na meniq ckceka lhebun mu so ggarang mu seediq icil qnlhangan ka heya. Maanu so kiya de ini ku ptgesa seediq ini snhii. 17Ini ku osa Yerusalem uri, tqita mnugeela kenan ngalan dsnkgulan. Wano mosa ku Arab, bobo na de meyah ku Darmeseq dungal.
18Bobo 3 knkawas de hani ku mosa Yerusalem mtqita Kepas ma 15 ali ka nniqan mu msuupu heya. 19Wano ba Yakobu mtswai Bukung we ini mu tai ka duma snkgulan hiya. 20Matis ku patis yamu saya we rnengo ku berah Utux Baro, ini ku qberiq. 21Bobo na hiya de mosa ku dxeral Suria ma Krikiya. 22Ciida we uxe mnita yaku kana ka pssliyan Yudaya ga ckceka Kiristo na. 23Ani so kiya qnbhangan daha we, “Pnqraqil ita cuuxal ka seediq ge, saya de malux nii gmarang snhiyan satang na sgliqun.” 24Ado yaku stndahu daha Utux Baro.
Currently Selected:
Garatia 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Garatia 1
1
Smbeyax Kari
1-2Yaku Poro snkgulan ma kana mtswai snuupu yaku we matis patis kana pssliyan ga meniq Garatia. Uxe mnoda seediq wada ku msnkgulan. Uxe pnooda seediq uri, pusu ba pnooda Yesu Kiristo ma Utux Baro Tama pkuudus seediq peeyah mnhuqil. 3Tai so meeniq yamu ka huwe ma mtbale lhebun pneeyah Utux Baro Tama ta ma pneeyah Yesu Kiristo Bukung ta! 4Kiristo we mnoda lnglungan Utux Baro Tama ta, pririh qnquwan noda na wada qmada heya nanak. So maha dmoi baga pqduriq ita peeyah qnquwan noda knlangan saya. 5Tai so maha sbege Utux Baro ka knledax betaq ani knuwan. Ameng!
Uka Dungal ka Malu Kari
6Mnklui ku bale ma namu ini beyo malix Utux Baro pnooda na huwe Kiristo mnlawa yamu. Kiya de wada namu theruy smnegul quri ini pntena malu kari. 7Bale ba uka dungal ka malu kari. Wano meyah prudu yamu ka duma seediq, yahun daha marah ka malu kari quri Kiristo. 8Kiya de ani yami ma snkgulan baro uri we, nasi meyah gmarang malu kari yamu, ini pntena gnrangan nami we asi ka syusun ka heya! 9Wada nami rmnengo da, saya de mprengo ku dungal. Netun meyah gmarang malu kari yamu ka seediq, ini pntena wada namu ngalun we asi ka syusun ka heya!
10Ya ku mangal lhebun seediq ka saya ho? Uxe uri we ye ku mangal lhebun Utux Baro ho? Ye ku nii migin mpqaras seediq ho? Nasi ku ida kmpqaras seediq ka yaku we uxe ku tnqliyan Kiristo ka yaku da.
Hmuwa Mesa Ma Msnkgulan ka Poro
11Mtswai, pgkela ku yamu. Malu kari gnarang mu we uxe pneeyah lnglungan seediq. 12Ado uxe mu nangal peeyah seediq. Uxe ku tnugesa seediq uri. Pnooda pntuura nanak Yesu Kiristo.
13Wada namu qbhangan huwa mesa ka noda mu meniq ku kntmaan seediq Yudaya cuuxal. Wada ku hmuwa mesa pqraqil ma smeeliq pssliyan nuUtux Baro. 14Meniq ku ckceka kntmaan seediq Yudaya we mgkala ku dyami mntena knkawas mu mdrumuc ku bale muyu gaya hniti rudan pneyah cbeyo. 15Kiya de wada psaanak kenan peeyah ku meniq nbuyas bubu mu, kiya uri we mnoda huwe na mlawa kenan ka Utux Baro. So nii mqaras ba 16ptuura laqi na meniq ckceka lhebun mu so ggarang mu seediq icil qnlhangan ka heya. Maanu so kiya de ini ku ptgesa seediq ini snhii. 17Ini ku osa Yerusalem uri, tqita mnugeela kenan ngalan dsnkgulan. Wano mosa ku Arab, bobo na de meyah ku Darmeseq dungal.
18Bobo 3 knkawas de hani ku mosa Yerusalem mtqita Kepas ma 15 ali ka nniqan mu msuupu heya. 19Wano ba Yakobu mtswai Bukung we ini mu tai ka duma snkgulan hiya. 20Matis ku patis yamu saya we rnengo ku berah Utux Baro, ini ku qberiq. 21Bobo na hiya de mosa ku dxeral Suria ma Krikiya. 22Ciida we uxe mnita yaku kana ka pssliyan Yudaya ga ckceka Kiristo na. 23Ani so kiya qnbhangan daha we, “Pnqraqil ita cuuxal ka seediq ge, saya de malux nii gmarang snhiyan satang na sgliqun.” 24Ado yaku stndahu daha Utux Baro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020