Yexejqel 4
4
Pnsramal So Tlbuwan ka Yerusalem
1“Isu, laqi seediq! Ngali 1 nuduh dengul celaq ma peeniq berah su. Gqrani matis alang Yerusalem ka bobo na hiya. 2Pkremux su tmlibu alang nii, pniqi qbrangan, beling tgliingan, pkobu mccebu, pniqi psramal hurah pnharac qnalang alang. 3Dungal we ngali 1 xiluy tapaq ma, pheyu cenga su dhaka alang, ngali so pnharac xiluy. Psquri alang nii ka dqeras su, tlbui ka alang nii. Mptmlibu kmremux alang nii. Nii ka pnskraya sapah Israel.
4Dungal we pquri tgiiril icil baang ma, pkbaang mtaqi ka isu. Pkdira mu sunan ka qnquwan noda sapah Israel. Isu ka maapa pnkdira daha so nii ali pkbaang su mtaqi. 53'90 ali ka nangal mu dheya pndungus ali noda daha qnnaqah. Ali so nii we isu ka mooda mapa pnkdira qnquwan noda sapah Israel. 6Qhdeun su ka ali nii de mpkbaang su mtaqi tgnarac icil baang mpheal su qnquwan noda sapah Yehudah dungal. 40 ali ka pndungus misu, ngalan mu 1 ali ka 1 knkawas. 7Dqeras su we psquri Yerusalem gaga tlbuwan. Ptuura pqita ka hiqur baga rmengo kari pgeela mpcebu alang nii. 8Qtai! Bkeun misu negul, uxe misu srwaun pspgeriq mtaqi, asi ka betaq mhedu ka ali nyahan tmlibu.
9Ngali mugi biciq, mugi paru, beluh, beluh pais, macu, brisan ma posa 1 psaan. Smlaani pang su nanak. 3'90 ali psbangun su mtaqi ciida we, meekan su pang nii. 10Uqun su 1 ali we 20 skere ma, puyu ppuqan su mekan. 11Qsiya mahun su 1 ali we 1 tnugmmteru sin ma, puyu mmahan su mimah. 12Pntena su so mekan pang snmalu mugi paru ka mekan pang nii. Duhi quti seediq berah seediq ka pang nii.” 13Rmengo ka Utux Tmninun: “Maha so nii mekan pang snrtiqan qqlhangan lnwaqan mu ka seediq Israel uri.” 14Rmengo ku: “Ah! Utux Tmninun Bukung, qtai! Uxe ku mnoda smrutiq kenan ka yaku. Peeyah ku slaqi betaq saya ka yaku we, uxe ku mnekan mmhemuc mnhuqil ma, snugliqan phuqil camac ka yaku. Uxe ku ba pnosa quwaq heyi snrtiqan uri.” 15Kiya de rmengo kenan ka heya: “Qtai! So kiya de pryxane mu quti dapa ka quti seediq. Dhaani bobo na hiya ka pang su.” 16Rmengo kenan dungal: “Laqi seediq, qtai! Pstequn mu mbege uqun ka Yerusalem. Dheya we seengun daha ka pang ma, mpnaqah kuxul mekan. Seengun daha ka qsiya ma, pkrkerang mimah. 17Ado ririh ini baka ka pang ma qsiya de, mppkiicu ka dheya ma, mpkuuka ckceka qnquwan noda daha nanak.”
Currently Selected:
Yexejqel 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
