Yexejqel 2
2
Mlawa Yexejqel ka Utux Baro Ngalun Na Mpgeela Kari
1Rmengo kenan ka heya: “Laqi seediq! Tutuy, rngage su mu.” 2Rmengo kenan ka heya de, asi teme kenan ka Bgihur ma, pstutuy kenan. Kiya de qbhangan mu ka kari na. 3Rmengo kenan ka heya: “Laqi seediq! Skgulun misu mquri qnlhangan tnbrinah kenan. Kiya ka seediq Israel hiya, dheya we tbrinah kenan. Dheya ma drudan daha we tbrinah kenan betaq ali saya. 4Dheya we uka siqa daha ma mkere ka lhebun daha. Skgulun misu mosa dheya hiya. Rngage so nii ka dheya: ‘So nii kari na ka Utux Tmninun Bukung’. 5Tnsapah tbrinah ka dheya. Ani yaa mbahang, ani yaa ini qbahang, maha mpkeela gaga niqan mpgeela kari ckceka daha ka dheya. 6Isu, laqi seediq! Ani gaga niqan pako ma srkunux ka gaga su niqan. Dungal ge, gisu su meniq ckceka kuyi pkurun we, iya kiicu dheya ma, iya kcugi ka kari daha uri. Ani tnsapah tbrinah ka dheya we, iya kcugi ka kari daha, iya kcugi ka dqeras daha uri. 7Ani ya mbahang ma, ini qbahang ka dheya we, asi rngagi dheya ka kari mu. Ado mptbrinah riyung ka dheya.
8Kiya de, laqi seediq! Qbahang bale kari rnengo mu sunan. Iya bale pntena so tnsapah tbrinah ka isu. Asi su ka mekan bnege mu sunan.” 9Qmita ku, qtai! Mquri kenan ka 1 baga. Qtai! Gaga niqan 1 patis qniri ka baga na. 10Rwahun na berah mu ka patis qniri, gaga ptasan ka berah na ma bukuy na. Diras, rengac ma, tsdamac ka gaga spatis hiya.
Currently Selected:
Yexejqel 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
