Epesos 3
3
Qpahun Poro Quri Seediq Icil
1Maanu so kiya de ririh yamu seediq icil qnlhangan nii shetur Kiristo Yesu ka yaku Poro ge, pririh ku yamu dmurun mesa Utux Baro. 2Quri yamu ka wada sbege Utux Baro kenan qpahun pstmaan qqeepah mu quri huwe na we ida namu yaa wada qbhangan. 3Spoda na ptuura pklaun ku na malu kari lneing nii. Mntena so bnatis su cuxal. 4Spegun namu ka patis nii de dhekun namu mkela ka knkela mu kari lneing quri Kiristo. 5Lneing nii we ini na pgklai seediq meniq knxalan cbeyo, mntena so saya spooda na Bgihur Utux pgkela mrtaso snkgulan na ma mpgeela kari na. 6Kiya ka seediq icil we meniq Kiristo Yesu ma spooda malu kari dehuk msuupu ltlutuc ma msuupu 1 heyi, seediq msuupu mangal sntangan. 7Utux Baro we spntena na huwe bnege na ngalan ku na quri mpqeepah malu kari. Huwe nii we spuyu na beyax qqeepah na sbege na kenan. 8Pntnaun ku kana dsnheyi tgbiciq na heya we tgbiciq na ba dungal ka yaku. Kiya de biqan ku na huwe nii ggarang mu seediq icil qnlhangan ka uka qnhdean qnbleyaq Kiristo. 9Kiya uri ma mmaanu ka sneengan na lneing nii we ptuura mu pgkela. Lneing nii we ida lneing peeyah cbeyo Utux Baro snmalu kana ani maanu. 10Kiya de so oda pssliyan saya maha klaun mpqlahang ma mdoi pusu beyax ga baro ka lmlamu kkela lmngelung Utux Baro. 11So nii we muyu uka psteqan snengan lnglungan na mnoda Kiristo Yesu Bukung ta. 12Ado snhii ta Yesu ma meniq ta heya ini ta tiiyax mnpahung meyah smdaling Utux Baro. 13Maanu so kiya de rngage maku, quri yamu ka sooda mu mqraqil we iya kuuwic lmngelung. Knledax namu ka nii.
Mkela Gnaalu Kiristo
14Maanu so kiya de nii ka stbqelic mu meniq berah Tama. 15Txtaxa sapah ga karac baro ma dxeral we pnooda heya kana tmngayan. 16Kiya de dmurun ku heya so mpuyu qnbleyaq knledax na ma mooda Bgihur Utux na psbeyax bgurah kndesan namu. 17Ado spooda na snhiyan namu maha meniq lhebun namu ka Kiristo. So maha mtwamil ma niqan pusu meniq ckceka gnaalu ka yamu. 18-19Ddehuk namu msuupu kana seediq nuUtux Baro mkela khenu qndisan, khenu kglahang ma knbragan ma kntruma ka gnaalu Kiristo. Dehuk namu mkela gnaalu nii we mnkala knkela seediq uka sseengal eyux namu na pstenge ani maanu qnbleqan Utux Baro.
20Tai so tndhuun ani betaq knuwan ka Utux Baro! Heya we spuyu na beyax qqeepah na ita ma mtduwa mgkala kana pnesa ta ma lnengelung ta qmeepah! 21So uxe pstequn tmdahu ani betaq knuwan ckceka pssliyan meniq Kiristo Yesu mangal knledax ka heya. Ameng!
Currently Selected:
Epesos 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
