Mege Gaya 21
21
Ini Qhdei ka Prngagan Noda Phuqil
1“Meniq namu dxeral bnege Utux Tmninun, Utux Baro su, nasi qtaan wada phqilun ka seediq, tksaro dxeral nrao ma, ini su klai ima ka snipaq de, 2asi ka mosa hiya ka rdrudan ma qbsuran mpsgao. Seengun daha peeyah gaga hnqilan betaq smdaling lualang. 3Tai giinu ka msdaling hnqilan nii. Ddrudan alang nii we, asi ka madis 1 bubu dapa uxe tmnabul ma uxe mnapa kudo. 4Drudan alang hiya we, asi ka desun daha ayu niqan yayung qsiya, uxe tnkuyan ma, uxe gnrehak hiya ka wawa bubu dapa. Meniq ayu hiya, gremun daha ka nduyung na. 5Meeyah berah hiya ka seediq Lewiy. Ado gnao dheya ka Utux Tmninun, Utux Baro su meeyah meepah heya ka dheya. Mpooda ngayan Utux Tmninun mpsbleyaq ka heya ma, kana prrngagun ma mtgdiyal we, asi ka spooda quwaq na rmengo. 6Asi ka mheyu ckceka ayu hiya ka ddrudan alang smdaling hnqilan kiya. Mpsino baga daha meniq bobo bubu dapa gneerung daha nduyung. 7Mptuura rmengo: ‘Baga miyan we uxe pnsdara seediq nii. Doriq miyan we uxe qmnita noda nii. 8Utux Tmninun! Braho su bale, srwai ka Israel seediq dnoi su baga. Iya biqi dseediq ckceka Israel ka dara pnhuqil uka qnquwan nii.’ So kiya de, dara qnquwan noda nii de maha srwaun da. 9Msderux noda su ckceka doriq Utux Tmninun de, maha pkngalun peeyah ckceka su ka dara uka qnquwan nii.”
Gaya Quri Mqedil Qnerac Pncbuwan
10“Mmaha su mccebu pais su ciida, Utux Tmninun, Utux Baro su we sbege na baga su ka heya de, ani su qrapun ka dheya. 11Nasi su qmita malu qtaan ma kuxul su ka mqedil peeyah qnerac su de, kmngalun su mqedil su. 12Kiya de ani su nak desun sapah su. Tapi ka snuunux na ma, sqiti ka kukuh na. 13Lhlahi ka lukus pnlukus na qnerac. Pniqi sapah su 1 knkawas plngisi tama ma bubu na. Kiya de, ani su nak spuun mtaqi. Rseno su heya ka isu ma mpqedil su ka heya. 14Bobo na, nasi su uxe kuxul ka heya de, asi su ka spraguh platac ka heya. Iya bale sai mbaruy pila ka heya ma, iya ngali so tnqliyan uri. Ado tnhiyan su mtaqi ka heya da.”
Beyax Mplutuc Mangal Tgqbsuran Laqi
15“Netun niqan 2 mqedil ka seediq. 1 we kuxul na ma, 1 we uxe na kuxul. Dheya we niqan laqi daha ka dheya di. Kiya de tgqbsuran paru laqi rseno we tnlaqi mqedil uxe na kuxul. 16Betaq maasu dnoi lqlaqi na ciida de, uxe su phyegun bobo tgqbsuran paru mqedil uxe su kuxul ka lqlaqi mqedil kuxul su. 17Asi su ka ngalun tgqbsuran paru ka laqi uxe su kuxul. Asi su ka prbangan mege ka heya. Ado laqi nii ka tnlaqi su mbbeyax ciida, ngayan tgqbsuran laqi we nheya nanak ka kiya.”
Quri Laqi Tbrinah
18“Nasi niqan ka laqi tbrinah ma, ini qbahang kari tama bubu we, asi ka pdkarun. Ini qbahang dungal ka heya we, 19tama bubu de qerac ka heya ma, desi rhengun alang hiya, gaga meniq hiya ka rdrudan alang. 20Rngagi ka rdrudan hiya: ‘Laqi miyan nii we tbrinah ma ini qbahang kari miyan. Seediq smkuxul mimah sino ka heya.’ 21Kiya de, mpdoi btunux phuqil heya ka dseediq alang hiya. So kiya de, wada su pkngalun peeyah ckceka su ka qnnaqah. Mbahang ka kana seediq Israel de mpkiicu ka dheya.”
Duma Kari Pndakar
22“Nasi wada phqilun qnquwan noda ka seediq ma, spqeya su bobo eruc qhuni. 23Iya dheki so kusun peeniq bobo eruc. Asi namu ka reesun ali ciida. Ado snyusan Utux Baro ka seediq spqeya bobo eruc. Isu we iya bale psrutiq dxeral bnege Utux Tmninun, Utux Baro su.”
Currently Selected:
Mege Gaya 21: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
