Mege Gaya 17
17
1“Kana ini pttuku hnyegan ma niqan mnarux ka dapa ma miric we, iya bale spuhi mege Utux Tmninun, Utux Baro su. Ado qnbsaniq bale Utux Tmninun, Utux Baro su ka nii.
2Nniqun su lualang bnege Utux Tmninun, Utux Baro su, kana knkingal alang, nasi wada meepah noda naqah meniq doriq Utux Tmninun, Utux Baro su ma, tbrinah sndhegan na, 3mosa qmeepah ma thmuku utux icil, uxe uri we thmuku hido, idas, uxe uri we ani maanu gaga ckceka karac, kiya ka uxe rnengo mu. 4Rmnengo sunan ka seediq ma, mnbahang su uri da. So kiya de asi su ka tleus mbahang. Qtai! Bale ba kiya. Bale ba gaga meniq ckceka Israel ka noda psaneq nii. 5Asi su ka tlusun nganguc rhengun alang ka rseno ma mqedil qmneepah naqah noda nii. Mpdoi su btunux phuqil rseno ma mqedil nii. 6Asi ka spooda 2 uxe we 3 heyi ka mpgkela na. Kiya ka ani nak phuqil dheya. Iya bale pdai taxa ba pgkela phuqil dheya. 7Asi ka plaale trima baga ka seediq mpgkela. Bobo na de mphuqil heya ka kana seediq. So kiya de wada su pkngalun peeyah ckceka namu ka qnnaqah.
8Nasi niqan msriqu psgeegan noda ckceka lualang su, mquri so psdara seediq, psgeegan mprengo kari ma, cmebu seediq de, asi su ka mtutuy, maha su nniqan gnao Utux Tmninun, Utux Baro su hiya. 9Sai qmita ka msapuh dseediq Lewiy ma qbsuran mpsgao. Sai smiling ka dheya ma mooda tmgesa ndaan daha pnsgeegan. 10Meniq namu nniqan gnao Utux Tmninun hiya ka moda psgao. Asi su ka daun ma, tlleus muyu kana tnugesa na sunan. 11Pooda gaya ma, gaya bneku tnugsaan mu sunan moda nii. Tnugesa pnsgeegan daha we, asi su ka ini bale kridil. 12Nasi niqan ka kmmhemuc moda, ini qbahang msapuh gaga mheyu Utux Tmninun, Utux Baro su hiya ma, ini qbahang qbsuran mpsgao na we, asi ka phqilun ka seediq kiya peeyah seediq Israel. 13Mbahang so nii ka kana seediq de mpkiicu ma, uxe pkmhemuc moda so nii da.”
Tnugsaan Pheyu Qbsuran Paru
14“Betaq su dxeral bnege Utux Tmninun, Utux Baro su, mnangal su ma meniq su hiya ciida de, nasi su rmengo: ‘Mpheyu ku qbsuran paru mpqlahang kenan. So mntena qnlhangan ssiyo nami’. 15Asi su ka pheyu seediq gnao Utux Tmninun, Utux Baro su ka qbsuran paru su. Iya bale phyegi ka seediq icil uxe mtswai su qmlahang sunan. 16Ini prana dapa dmay ka qbsuran paru. Iya skagul seediq mosa Micrayim pbaruy dapa dmay. Ado rmnengo sunan ka Utux Tmninun: ‘Iya nnpusal mpbrinah moda elu kiya’. 17Ini angal hbaro mqedil psridil lhebun su ma, iya pseeli egu bale king ma ging su nanak uri. 18Bobo mqbsuran paru ka heya de, asi ka meniq berah smapuh tnsapah Lewiy, prui matis ka 1 patis gaya nii posa bobo patis hiya. 19Patis nii we meeniq nniqan na hiya, asi ka spegun kndesan na. So maha smluhe miicu Utux Tmninun, Utux Baro na ma, tleus muyu kana kari ma kari pndakar patis gaya nii. 20Kiya de uxe psparu quri mtswai na ka lhebun na ma, msridil peeyah gaya pndakar nii. Uxe uri we mquri iril ma mquri narac. So kiya de maha bsiyaq mpqbsuran paru qlahang Israel ka heya ma lqlaqi na.”
Currently Selected:
Mege Gaya 17: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
