Daniyel 12
12
Ali Nhdean
1“Ciida, mptutui ka Mikael qbsuran snkgulan baro mpqlahang seediq su. Dungal we mpniqan ka paru ba qnrqilan uxe namu ndaan peeyah niqan namu qnlhangan ma betaq saya. Ciida, kana dseediq su gaga spatis patis hiya we, mpkuudus kiya. 2Mntaqi ckceka qbulic dxeral we, mptutui ka hbaro ba. Ckceka daha we maangal uka psteqan knuudus, niqan ka psqaun ma, qnqihun betaq ani knuwan uri. 3Mpkledax ka seediq niqan knkela, mntena so ledax karac baro. Seediq dmdudul tmgesa msderux we mpntena pngerah lmedax ani betaq knuwan. 4Daniyel! Leing ka kari nii, gmuki ka patis nii betaq qnhdean. Ida maha hbaro ka seediq moda tmalang, kiya de mpkrana ka gnkela.”
5Yaku, Daniyel qmita ku. Qtai! Gaga mheyu ka 2 heyi seediq, 1 we mheyu ssiyo yayung tghini ma, taxa we gaga ssiyo yayung tgsipo. 6Kiya de taxa daha we smiling gaga mlukus lukus tninun malu nuqah gaga mheyu bobo yayung: “Mpbetaq knuwan moda ka oda sklwiun nii ho?”
7Mbahang ku, gisu mquri karac baro pheyu baga na ka gaga mlukus lukus tninun malu nuqah gaga mheyu bobo yayung, smdehu tmiyu muudus betaq ani knuwan, rmengo: “Asi ka betaq 1, 2 ma, mrana dmeka knkawas, kiya ka mhedu ka beyax moda smeeliq dseediq mrtaso ciida, kika mooda mpbale kana ka nii.” 8Mbahang ku we ini mu klai maanu ka elu kari na. Kiya de slingan mu: “Bukung mu! Qnhdean nnii we mpmaanu?”
9Rmengo ka heya: “Daniyel, osa! Ado wada sgleing ma bungun betaq qnhdean ka kari nii da. 10Maha hbaro ba ka seediq mpsbgurah dheya nanak, mooda psbgurah ma mqraqil. Kiya de ida nii qmeepah naqah ka seediq naqah ma, ani 1 seediq naqah ini bale kela. Wano seediq niqan knkela ka mkela. 11Peeyah ali noda pkuuka snapuh klaali ma, mpheyu qyqeya qnrquun ba mooda pkuuka ciida, asi ka niqan 12'90 ali na. 12So ka knremun tmara, betaq 13'35 ali we mbleyaq.
13Quri so isu we, osa tmara qnhdean. Mpsange su ma, betaq qnhdean de, mptutuy su mangal snbleqan su.”
Currently Selected:
Daniyel 12: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
