2 Korinto 3
3
Bgurah Pnsdhegan Mqeepah
1Ye miyan gisu prading pgkela yami dungal ho? Ye miyan maha so duma seediq asi miyan ka mege patis pgkela miyan yamu, uxe uri we mangal miyan patis pnkela namu bege miyan seediq peni? 2Yamu ka patis pgkela miyan nii spatis lhebun nami. Klaun kana seediq ma spegun daha. 3Pnkela namu, yamu ka patis Kiristo mnoda yami ka matis na. Uxe pnatis mqalux ppatis, Bgihur Utux Baro muudus ani betaq knuwan ka matis na. Uxe ga spatis bobo btunux, gisu spatis ckceka lhebun. 4Moda miyan Kiristo ma so nii ka snhiyan miyan quri Utux Baro. 5Uxe mttuku mnoda qneepah nami nanak. Ptuku beyax miyan meepah we mnoda Utux Baro. 6Heya we ptuku beyax miyan qqeepah miyan quri bgurah pnsdhegan. Kiya de mooda Bgihur Utux ma ini oda patis pndakar. Ado phuqil ka patis pndakar ma pkuudus ka Bgihur Utux.
7Qpahun phuqil mnoda patis gnqeran btunux we niqan knledax na. Ani gisu mpkpehing ka knledax dqeras Moseh we ini dehuk tgleus mita knledax na ka seediq Israel. 8Uxe maha krinah mgkala hiya ka knledax qpahun moda Bgihur Utux peni? 9Nasi niqan knledax ka qpahun ngalan niqan qnquwan we ida maha krinah bale mgkala heya ka knledax qpahun knsderux noda seediq! 10Nniqan knledax cuuxal we, ado mgkala paru ka knledax nii de ini kesi niqan knledax da. 11Nasi niqan knledax ka wada dmudul mpahung na we ida maha niqan knledax ka meniq ani knuwan nii.
12Niqan so nii ka sntangan miyan de niqan paru ba pahung miyan. 13Ini ta pntena Moseh mubung dqeras uxe ttkleus qmita lqlaqi Israel qnhdean knledax mpkpehing. 14Kiya de wada mtkere ka lhebun daha. Ani betaq ali saya, smepu patis pnsdhegan cmucac ka dheya ge, ida kika bubung we ini rwahi na. Ado meniq ckceka Kiristo ka wada tgkaangal ka bubung nii. 15Betaq ali saya ani smepu patis Moseh we ida gaga lhebun daha ka bubung nii na. 16Kiya de so knuwan kmquri Bukung ka lhebun daha de mpkaangal ka bnubung. 17Bukung we kiya ka Bgihur Utux. Ga inu ka ga niqan Bgihur Bukung we ga hiya ka niqan mtraguh. 18Wada ta sqada ka bnubung dqeras ta kana we tduwa ta mita knledax Bukung. Mntena so ledax pnkberih gagi ma kmpryuhun tana mntena hnyegan na. Kiya de peeyah knledax ma prnaun na ka knledax. Mntena pneeyah Bgihur Bukung.
Currently Selected:
2 Korinto 3: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
