2 Korinto 2
2
1Bobo na uxe ku maadis qnaqah kuxul mosa yamu hiya mesa ka sntangan lnglungan mu. 2Nasi ku pqnaqah kuxul yamu ge, wano seediq kiya ka wada mu pqnqihun kuxul we ima ka mpqaras kenan ho? 3Wada mu spatis yamu ka so ni, so ku dehuk ciida seediq satan mu qqaras we msciyuk pqnaqah kuxul kenan snhiyun mu uri. Ado qnaras mu ka ngalun namu qnaras namu uri we snhiyun mu bale. 4Wada ku moda pslhebun ma tsrusuq mnatis patis yamu. Kiya de uxe pqnaqah kuxul yamu, pgkela ku mccuwaq gnaalu mu yamu!
Srwaun ka Mnnaqah
5Nasi niqan ka seediq wada pqnaqah kuxul seediq we uxe wano yaku ka wada na spqnqihun kuxul. Wada pqnaqah kuxul ka duma namu. Kari mu duma we ida ba knchedil kari mu da. 6Biqan kari tghbaro seediq ka so nii seediq we mtuku hiya da. 7Kiya de nuuqu malu ka srwaan namu ma sbyaxan namu. So uxe sgcuqi qnnaqah kuxul ka heya ma ini na kmdheki mangal di. 8Maanu so kiya de mdudul ku yamu, pgklai dungal gnaalu namu heya. 9Ado wada mu spatis yamu sndure ka patis we ppseung ku yamu. Yaa namu bale ba mptheyi namu quri kenan. 10Ani ima ka srwaan namu we srwaun mu uri. Nasi ku niqan srwaan mu ado yamu ka wada mu srwaan berah Kiristo. 11So uxe mpkbeyax ita ka Satang. Ado uxe ta ka ini klai ka snengan na.
Pslhbenun Poro ma Psbeyax
12Cuuxal ado malu kari Kiristo dehuk ku Troas, rmnaguh kenan rhengun ka Bukung. 13Ciida, ini mu strengi ka mtswai mu Titos de pslhebun ka lhebun mu. Kiya de smwaye ku hiya ma mosa ku Makedon da. 14Qrasun ka Utux Baro! Heya we dmudul klaali meniq Kiristo mbeyax nami klaali ma spooda na gnarang nami ani inu ado mkela Kiristo ma dehuk niqan sknexan. 15Ado ani quri seediq pnkuudus ma ani quri ga ckceka pkuuka we malu bale sknexan bbege Kiristo Utux Baro ka yami. 16Seediq mpkuuka we so sknexan mhuqil wada mhuqil. Quri seediq pnkuudus we so sknexan knuudus ma pkuudus. Ima ka mpdehuk so nii ho? 17Ado ini miyan pntena hbaro seediq gmhenuk gmbbaruy kari Utux Baro. Pneyah miyan lhebun moda miyan pneyah kari Utux Baro, mnoda miyan Kiristo rmengo kari berah Utux Baro.
Currently Selected:
2 Korinto 2: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
