2 Korinto 13
13
Pdakar Rmengo ma Kmdamac
1Nii we maha ku mn3 mmosa yamu hiya. “Ani maanu srengo namu qnquwan we asi ka moda 2 ma 3 seediq pnugkela quwaq ka tduwa ta phyegun.” 2Quri so dseediq mnoda mangal qnquwan noda ma, so duma na seediq de, mntena so rnengo mu mn2 ku qmita yamu hiya ciida. Ani ku ini eniq yamu hiya mprengo dungal: “Nasi ku meyah dungal we, uxe mu srwaun.” 3Ado gisu namu kmpgkela yaa bale ba pnooda ku Kiristo rmengo. Quri yamu we uxe kesun ga muuwic ka Kiristo. Ga niqan paru ba beyax ckceka namu. 4Ririh knuuwic na, wada daha spteetu bobo jyujika. Kiya de ririh paru beyax Utux Baro ida ge nii ta muudus. Meniq nami ckceka heya uri we muuwic nami uri. Kiya de, quri so yamu, yami de ririh paru beyax Utux Baro mpsuupu ta heya muudus.
5Yamu we asi namu ka lnglungan nanak ka snhiyan namu, yaa bale ga ckceka snhiyan ka noda namu. Psseung nanak yamu. Nasi ini pnlengu pssengan ka yamu de, naka namu klaun ga meniq ckceka namu ka Yesu Kiristo peni? 6So namu maha klaun, yami uxe ka ini pnlengu moda pseengan. 7Dmurun nami Utux Baro so namu uxe mooda naqah oda. Uxe nami gisu ptuura mtduwa moda pseengan ka yami. Noda namu we so maha msderux. Ani nami so hari uxe mplengu moda pssengan we, uqu nanak da. 8Yami we uxe nami moda knciyuk kari bale ba. Wano qmeepah mndungus kari bale ba. 9Muuwic nami ciida de mbeyax namu ka yamu, mqaras nami uri. So nii ka dnurun nami, yamu we so namu maha mseediq mttuku bale. 10Maanu so kiya de, ini ku eniq yamu hiya ciida we, spatis mu ka kari so nii. So ku mita yamu ciida de uxe ku mpdoi pusu beyax bnege Bukung mseang yamu. Pusu beyax nii we, pgdehu seediq, uxe meeyah pqnaqah seediq.
11Qnhdean kari mu we, mtswai, tai so mqaras namu. Kmbeyax migin mttuku bale. Ngali ka snbyaxan, pskingal lhebun ma pskingal lhebun, ptbale mttheyaq. So kiya de, Utux Baro niqan huwe ma mtbale we maha mtheyaq yamu. 12Yamu de, asi namu ka dmoi mrtaso pnttnguhan ppsbeyax. Kana dseediq mrtaso we ga rmengo yamu: “Malu su ho?”.
13Tai so huwe Yesu Kiristo Bukung, gnaalu Utux Baro ma, pnugluban Bgihur Utux we, mptheyaq yamu klaali!
Currently Selected:
2 Korinto 13: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
