2 Korinto 11
11
Poro ma Mnnangi Snkgulan
1So namu mpkremun tikuh knngataq mu. Yamu we asi namu ka knremun yaku. 2Yaku we mdoi ku gnaalu snhuur Utux Baro gmalu yamu. Ado wada maku pstreengan 1 rseno ka yamu. Mptena so uka qnrutiq weewa sbege Kiristo. 3Wano miicu ku lhebun namu we wada mridil da. Wada namu lixun ka lhebun bnege namu Kiristo. Mntena so quyu dmoi meyah psridil Eba. 4Nasi meyah ka seediq, gmarang Yesu 1 nanak de, uxe gnrangan nami. Uxe uri we wada namu mangal 1 bgihur. Bgihur nii we uxe Bgihur Utux nangal namu. Nii namu psteme 1 nanak malu kari, uxe nangal namu. Ma namu betaq knremun! 5Kiya de, lmngelung ku, uxe ku ga toma snkgulan paru ka yaku. 6Ani ku ini dehuk mkela rmengo, knkela mu we uxe so nii kiya. Quri so nii we, wada mu sptuura lmlamu ddaun ka kari mu we uxe so kiya ka knkela mu. Quri so nii we wada ku pgkela yamu da ani maanu ooda.
7Pqbiciq ku mita yaku nanak, kiya de so mosa pkbaro ka yamu. Ado ini ku pksadu gmarang malu kari Utux Baro yamu. So nii we yaa ku niqan qnquwan noda kiya da ho? 8Wada ku gmeeluk pssliyan icil, mnangal ku snadu daha qneepah ku yamu. 9Ini tuku dnoi mu meniq yamu hiya ciida we, ini ku Eyah smgila ani ima. Ado ini knttuku mu we, wada yahan pttuku mtswai pneeyah Makedon da. Qmlahang ku riyung, bobo na we mpqlahang ku uri. So ku uxe mpswila yamu. 10Ga ckceka lhebun mu we ga niqan bale lhebun Kiristo, meeniq dxeral Aqaia hiya de, uka ani ima ka mtduwa hmetur pnsparu mu. 11Hmuwa peni? Gisu ku ini gaalu yamu peni? Mkela ka Utux Baro gnaalu mu yamu!
12Noda mu saya we, daan mu nexal uri. So ku maha hmetur duma seediq ga migin ddaun daha. So snpruwan noda daha we so uxe pntena nami. 13Seediq so kiya we, kiya ka mnnangi snkgulan. Mpkraki ka noda daha ma, thkeso so snkgulan Kiristo. 14Uxe sklwiun ka nii. Ado ani Satang uri we, nnnangi so snkgulan ledax. 15Maanu so kiya de, snkgulan na we nasi nnnangi mpqeepah msderux noda de uxe sklwiun ka nii. Qnhdean daha we maha mntena qneepah daha.
Mqraqil Sntreengan Poro
16Mprengo ku dungal, ani ima we iya ku ngali seediq mngataq. Ngalan namu so seediq mngataq ka yaku. So kiya de, mtduwa ku psparu tikuh rmengo da. 17Kari mu nii we uxe mnoda pusu beyax Bukung rmengo. Mntena so seediq mngataq gisu paru pahung na psparu rmengo. 18Spooda daha heyi duma seediq Nasi tmdahu quri bobo dxeral ka duma seediq de, mptduwa ku psparu rmengo ka yaku uri da. 19Niqan namu gnkela ka yamu, dehuk namu betaq knremun seediq mngataq! 20Nasi ga mangal tnqliyan yamu ka seediq, uxe uri we meyah gmeeluk yamu, meyah mepux yamu, meyah tmsiiyax yamu ma, tmapaq dqeras namu we, betaq namu so nii dehuk knremun. 21So smsiqa rmengo, quri so nii we, mntena ta so nii ta uka beyax ta.
Kiya de, mprengo ku kari uka dungus. Seediq we dehuk psparu rmengo maanu noda daha we, mpdehuk ku psparu rmengo uri. 22Seediq Hiburu ka dheya peni? Yaku uri. Seediq Israel ka dheya peni? Yaku uri. Llqlaqi mslutuc Abraham ka dheya peni, Yaku uri. 23Tnqliyan Kiristo ka dheya peni? Mprengo ku kari pskuuro. Yaku we bale ba kiya. Mgkala ndheya ka bqerus mu, mneegu ku moda sapah kuung uri. Mneegu ku sbetan ma, mneegu ba huwa qhuqil. 24Mn5 snbetan qraqil gnsgesan seediq Yudaya. Kn1 we 40 ma lixun 1. 25Mn3 ka snbetan ku daha ssebuc. Texal ka buun ku daha btunux. Mn3 ku smterung mqraqil meniq rcilung, mqraqil ku ckceka rcilung 1 diyan ma 1 keeman. 26Mneegu ku mkkesa theya ba elu, smterung ku pnqraqil yayung, pnqraqil seediq mpgeeluk, pnqraqil seediq ta nanak, pnqraqil seediq icil, pnqraqil meniq ckceka alang, pnqraqil meniq tadus brenux, pnqraqil ckceka rcilung ma, pnqraqil mtswai mnnangi. 27Mnoda ku mbqerus mqraqil, betaq ini qtaqi keeman klaali, muure ma mhqeni, knremun ini ekan uqun ma knremun knskean, betaq mbberas uka lukus. 28Uxe wano noda so tgbaro nii, niqan dungal ka ooda slhbenun mu quri pssliyan gisu mepux heyi mu klaali. 29Ima ka ini kuuwic, uxe ku mpkuuwic peni? Ima ka wada mtakur we, uxe ku mpslhebun peni?
30Nasi ku ida asi ka tmdahu we, nuqu ku tmdahu knuuwic noda mu ka malu. 31Mkela ka Utux Baro, Tama Yesu Bukung tndhuun ani betaq knuwan we ini ku qberiq. 32Qbsuran paru toma Aretas qbsuran Darmeseq hiya we skgulan na ka supi mpqlahang na rhengun alang Darmeseq mqerac kenan. 33Psdooyun ku daha rawa peeyah beling pnharac qnalang alang ma qduriq ku baga na.
Currently Selected:
2 Korinto 11: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
