1 Timoteos 6
6
1Kana mapa kudo mptnqliyan we, asi daha ka klaun mnlengu ba mangal snpruan ka tnpusu sapah daha. Kiya de so uxe snyanun ka ngayan Utux Baro ma tnugesa na. 2Netun niqan snhii Bukung tnpusu sapah na ka duma tnqliyan we, iya kesa, mtswai ta meniq Bukung hiya de, psbiciq qmita tnpusu sapah. Krnahi qmeepah quri dheya. Ado rrihan qneepah nii we kiya ka seediq kmtama, kiya ka ga sgaalu.
Mberiq Tnugesa ma Bale ba Dnoi
Tgsai bale seediq ma dudul ba oda nii. 3Netun tmgesa ini pntena tnugsaan ka seediq, ini pntena kari bale ba Yesu Kiristo Bukung ta ma, mglengu tnugesa na de, 4gisu psparu bale ka heya. Uka bale ka knkela na ma, wano smkuxul riyung mkeekan kari ma smnetur quwaq. Kiya de meyah kana ka snhuran, mpgeeluk mkkekal, mberiq pgkela, mmhemuc hmili. 5Ini psetuq msuupu tgdiyal kari dseediq mridil lhebun ma seediq uka ba knbale, spooda na stuutux aangal na elu ggrihan na. 6Bale ba we, kntuutux prnaun knttuku de kiya si bale ba paru riyung rnrihan.
7Ado ini ta adis ani maanu meyah bobo dxeral,
uxe ta maadis ani maanu mosa dungal.
8Niqan ta lukus ma uuqun de,
naka ta mkela knttuku ta di.
9Kiya de seediq mkmigin riyung pila we maha mremux pnkrkian, kmadi ma kana uka brihan psrabang lnglungan daha de, pspaux seediq ma betaq mnaqah ma mpkuuka. 10Ado sqqulu riyung pila we kiya ka pusu bale qnquwan noda. Duma seediq we ado sqquru daha pila de wada qmada snhiyan. Madis egu riyung pnqraqil metaq heya nanak.
Malu Tnuglayan
11Quri so isu nseediq Utux Baro we, qdriqi ka so ooda nii. Sdrapi ka msderux noda, knstuutux, snhiyan, gnaalu, knremun ma, mgseesu. 12Tndyali malu ka snhiyan su. Smtama riyung knuudus ani knuwan. Ado nii ka splawa na sunan ma, wada malu ba pnugkela na meniq hbaro riyung seediq pgkela ka nii. 13Meniq ku berah Utux Baro mbege knuudus ani maanu ma, berah Kiristo Yesu tmnugesa malu pnugkela berah Pontios Pilatos mprengo ku sunan. 14Ndwai riyung moda ka kari pnosa nii. Iya bale srtiqi. So uka ttyuan uri ma, betaq meyah ttqita dungal ka Yesu Kiristo Bukung ta. 15Dehuk ka ali de mptuura kana da,
Heya we tndhuun, wano Heya ka niqan pusu beyax,
pusu qbsuran paru kana qbsuran paru,
pusu bukung kana bukung.
16Kiya ka wano Heya ka ini qhuqil,
ga meniq ckceka ledax uka ssaan smdaling seediq.
Uxe qntaan, uxe daha qtaan uri.
Tai so knmalu ma beyax ani knuwan we maha Heya kana! Ameng!
17So seediq ga mgbleyaq bobo dxeral nii we, rngagi bale, iya psparu. Iya bale pstama pila uka stmaan. Stmai bale ka Utux Baro kiya ka bnege kana ani maanu dehuk ta dmoi. 18Pdakar ba rmengo dheya dungal, mttuku riyung meniq malu noda, mhuwe riyung mege ma, mqaras riyung maasu seediq. 19Pslii nanak isu ka dnoi su, kiya ka mptnpusu mccebu su nexal. Kiya de so maha mangal bale ba knuudus ka dheya.
20Ah! Timoteos! Bleyaq ba qmlahang ka wada mu psdhegan sunan. Sthyai ka kari uka ririh bobo dxeral ma, kari mberiq so niqan knkela. 21Duma seediq we niqan ku knkela so nii wada malix snhiyan daha.
Tai so mpsuupu sunan ka huwe Utux Baro!
Currently Selected:
1 Timoteos 6: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
