1 Timoteos 4
4
Kari Pgeela Niqan Seediq Malix Snhiyan
1Psleexan rmengo ka Bgihur Utux. Ali qnhdean de mpaalix snhiyan daha ka duma seediq, mosa snhii bgihur naqah psridil seediq ma tnugesa utux naqah. 2Nii we pnooda mpkraki seediq mpqberiq. Dseediq nii we lhebun daha mntena wada pskrayan xiluy pnsqmaan. 3Mdakar psterung mqedil ma rseno, mdakar uqun kiya ka snmalu Utux Baro. So ka dseediq snhii ma mkela kari bale, maha mqaras lhebun daha mangal. 4Malu kana ka smnalu Utux Baro. Nasi ta madis lhebun mqaras mangal de, uka ani 1 ka uxe uqun. 5Ado pnooda kari Utux Baro ma dnurun seediq wada mrtaso da.
Mqeepah Malu NuYesu Kiristo
6Nasi su stgesa mtswai ka so nii de mpmalu su mqeepah Kiristo Yesu. Isu uri de gisu su mangal kdnkilan peeyah kari snhiyan ma ini qnuuqu tnugsaan pnuyu su. 7Lixi ka snetur daha kari bobo dxeral ma kari mqedil mberiq ncbeyo. Sseung kntmaan su nanak: 8Ado malu ka pkbeyax ta heyi. Kntama riyung we maha niqan ririh meniq ani inu. Kntama riyung we niqan sntangan knuudus saya ma nexal. 9Bale ba snhiyun ka kari nii. Kiya uri we niqan ririh ngalun ta kana. 10Mqraqil nami, mbqerus nami we ririh nii. Ado dngesan miyan we kiya ka Utux Baro muudus ani knuwan. Mdoi baga kana seediq ka Heya, bale ba mdoi baga kana seediq ga snhii.
11So ooda nii we rrngaani ma tgsaani. 12Iya psbiciq qmita knriso su. Asi ka ngalun pyugun dseediq ga kmtama kari su, ndaan su, gnaalu su, snhiyan su ma uka qnquwan su. 13Pdai bale ssepu su patis mrtaso, rrengo su ma ttgesa su, betaq ku meyah ka yaku. 14Iya bale chngii ka nangal su peeyah Utux Baro. Kiya ka cuuxal we pnooda pnlayan rmengo kari pgeela, ga sbege isu meniq pnsaan baga ddrudan mpqlahang ciida. 15Kdrumuc meepah ka so ooda nii. Pskingal lhebun meniq oda so nii. So maha mita kdnkilan su ka dseediq. 16Qlhangi ka isu nanak ma tnugesa su uri. Dai qmeepah klaali ka ooda nii. Ado so nii noda su de, maha dmoi baga su ma, maha dmoi baga dseediq mbahang isu uri.
Currently Selected:
1 Timoteos 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
