1 Samuel 1
1
Elqanah ma Tnsapah Na
1Elqanah kesun ngayan na ka seediq we meniq alang Ramat seediq dgiyaq Eprayim hiya. Heya we laqi Yeroxam ma lqlaqi laqi Eliyhu ma lqlaqi laqi Toxu dqpuruh Cup pneeyah pnswayan rudan Eprayim. 2Niqan 2 mqedil na, 1 we Xanah ngayan na ma: 1 we Peninah ngayan na. Peninah we niqan laqi ma uka laqi ka Xanah.
3Knkingal knkawas peeyah alang na, ida mosa Siylo thmuku Utux Tmninun Mdoi Kana Supi ma smapuh heya. Gaga ma msapuh Utux Tmninun hiya ka Xopniy ma Pinexas 2 laqi Eriy. 4Ali msapuh ciida, maasu heyi Peninah ma lqlaqi Peninah ka Elqanah. 5Elqanah ge, 2 ka nasu na Xanah, ado sgaalu na ba. Utux Tmninun we, ini na pniqi laqi ka Xanah. 6Smdungus qmnriqu heya ka Pinina we, ptutui seang heya ma pkseang heya klaali. Ado Utux Tmninun we ini na pniqi laqi ka Xanah. 7Knkingal knkawas ida so kiya. Betaq sapah thmkuwan Utux Tmninun hiya de, ida so kiya ptutuy seang heya ka Pinina. Kiya de betaq lmingis ini ekan ido ka heya. 8Elqanah rseno na we rmengo heya: “Xanah, manu ka ga su lngisan ho? Ma su ini ekan ido? Ma su so nii naqah ba kuxul? Niqan su yaku we uxe saku spgkala 10 lqlaqi rseno knmalu ka yaku peni?”
Xanah ma Eriy
9Mhedu mekan ma mimah meniq Siylo ka dheya. Kiya de mtutuy ka Xanah. Eriy msapuh we tleung tluungan ssiyo eruc rhengun sapah Utux Tmninun ka heya. 10Xanah we naqah bale kuxul na ma, lmingis dmurun Utux Tmninun. 11Smdehu dmurun ka heya: “Utux Tmninun Mdoi Kana Supi! Nasi su psbgrnahun ka mqraqil tnqliyan su mqedil we, biqi 1 laqi ka tnqliyan mqedil su. Kiya de ida mu bege Utux Tmninun, kana kndesan na we uxe mu byuhun ka snuunux na.”
12Ini psetuq dmurun berah Utux Tmninun ka Xanah. Eriy we mita bale quwaq na. 13Xanah we dmurun ckceka lhebun ini peeyah hrenang. Wano ba quwaq ka lmgelu ma, ini qbhangi ka hrenang na. Kiya ka Eriy we ngalan na gisu bsukan ka heya da. 14Rmengo heya ka Eriy: “Mpkbsukan su betaq knuwan ho? Iya imah sino da!” 15Cmiyuk ka Xanah: “Pusu tnsapah mu! Uxe so kiya. Mqedil ku mqraqil lhebun ka yaku. Ini ku imah kana sino ma sino mbeyax ka yaku. Gisu ku nanak ptuura lhebun mu berah Utux Tmninun. 16Iya ku hiya ngali mqedil ini pnugaya ka yaku. Gisu ku naqah ba kuxul ma mseang riyung. Kiya ka ini ku setuq dmurun betaq saya.” 17Cmiyuk ka Eriy: “Psbleyaq mosa di! Tai so mpsruwa dnurun su ka Utux Baro nuIsrael!” 18Rmengo ka Xanah: “Tai so mangal huwe meniq berah su ka tnqliyan su.” Kiya de mkleelu mosa ka mqedil nii ma, mosa mekan ido ma, ini qnaqah kuxul ka dqeras na da.
Mtuting ka Samuel ma Sbege Na
19Mtutuy mgrebu bale, thmuku berah Utux Tmninun ka dheya de mosa mquri Ramah sapah daha. Msuupu mtaqi mqedil na Xanah ka Elqanah. Utux Tmninun we lmngelung Xanah. 20Dehuk ka ali, mchedil ma tmlaqi 1 laqi rseno ka Xanah. Kiya de Xanah we Samuel kesun na tmngayan ka heya. Rmengo: “Pnesa mu pneeyah Utux Tmninun ka nii.”
21Mosa tgbaro ka Elqanah ma kana tnsapah na, mosa mege snapuh knkawas ma snapuh sndhegan quri Utux Tmninun. 22Ini osa tgdaya ka Xanah, ado rmnengo rseno na: “Traun mu betaq malix mnunuh ka laqi han. Kiya de desun mu pqita Utux Tmninun ma, maha meeniq hiya betaq ani knuwan ka heya.” 23Rmengo heya ka Elqanah rseno na: “Kiya ka malu mesa su we dai kiya! Tduwa su tmara betaq malix mnunuh ka laqi. Tai so mpbale ba kari na ka Utux Tmninun.” Kiya de Xanah we, meeniq sapah puunuh laqi betaq malix mnunuh ka laqi. 24Bobo malix nunuh ka laqi de, madis laqi ma, 1 dapa balas 3 knkawas, 1 igipa nemu mugi ma, 1 lubuy qraqil sino mosa Siylo sapah thmkuwan Utux Tmninun hiya. Ciida, rabu bale ka laqi na. 25Pnhuqil dapa balas de, desun daha berah Eriy ka laqi. 26Rmengo ka mqedil: “Pusu tnsapah mu! Srwai ku hiya rmengo ma pquri ku sunan ma bukung mu psdehu. Mqedil mnheyu hini dmurun Utux Tmninun we, kiya ka yaku. 27Dmurun ku maha niqan laqi. Utux Tmninun we wada na sbege kenan ka pnesa mu da. 28So kiya de, bege mu Utux Tmninun ka laqi nii. So maha mpnuUtux Tmninun betaq ani knuwan ka heya.”
Kiya de thmuku Utux Tmninun hiya ka heya.
Currently Selected:
1 Samuel 1: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
