1 Korinto 10
10
Mseru Rmengo Tthmuku Tikung
1Mtswai, ini ku sruwa ini namu klai ka ndaan rdrudan ta cuuxal. Dheya we meniq toma plabu ma mbleyaq mntaril rcilung ka kana rudan ta. 2Kiya de ptgaya psino ckceka plabu ma rcilung mpnMoseh ka kana daha. 3Kiya de kana daha we mntena mekan uqun bgihur ka dheya, 4mntena mimah qsiya bgihur. Nimah daha we pneyah tasil bgihur smnegul dheya. Tasil nii we kiya ka Kiristo. 5Kiya de ckceka daha we hbaro ka ini qrasi Utux Baro, kiya de betaq mhuqil ckceka tadus brenux ka dheya da.
6Kana so nii we ririh so tqlahang na ita uxe ta sqquru lmngelung naqah ooda mntena dheya wada qnruwan lmngelung naqah. 7Iya thmuku tikung uri, mntena duma seediq ckceka namu mnoda thmuku tikung. Mntena so ga spatis Patis: “Tleung mekan ma mimah ka seediq. Kiya de mtutuy de mtutuy kmeeki.” 8Iya ta oda mgeeguy msuupu, mntena duma seediq mnoda noda nii de wada asi qhuqil 1 ali ka 2 mang 30'00 heyi. 9Iya ta pntena duma daha psseung Bukung. Wada so nii ka duma daha ma wada phqilun quyu. 10Iya ta pntena duma daha tbrinah smnetur. Wada so nii ka duma daha ma wada phqilun mphuqil. 11Daan daha ka so nii we ririh so tqlahang kari dheya. Kiya de wada spatis ka so nii we ssluhe ta ita saya gisu qnhdean knxalan nii. 12Maanu so kiya de “Nii ku tkere mheyu” mesa ka ani ima we uxe su ttakur we qlhangi. 13Ndaan namu pnseung we uxe ba so ddhekun dseediq. Mtduwa stmaan ka Utux Baro ma uxe namu na pdaun pnseung uxe namu dhekun moda. Moda namu pseung ciida de, so namu maha dhekun knremun ida namu na rraguh 1 elu nana.
14Maanu so kiya de yamu dadal sgaalu mu we qdriqi ka tthmuku tikung. 15Mntena ku rmengo seediq mkela lmngelung, lngelung nanak ka rnengo mu. 16Pngerah mahan smbleqan ta we uxe ta pnugluban dara Kiristo ka kiya peni? Pang gbingun ta we uxe ta pnugluban heyi Kiristo ka kiya peni? 17Pang we 1. Maanu so kiya de ani hbaro ka ita we 1 ba heyi. Ado msuupu ta mekan 1 pang. 18Qtai ka seediq Israel pnoda heyi. So ka mekan snapuh we uxe mggaluk quri spuhan peni? 19Mhuwa ku mesa rmengo ho? Snapuh quri tikung ma tikung we maanu dungus na mesa ku ho? 20Uxe so kiya! Snapuh daha we bgihur naqah ka spuhan, uxe Utux Baro ka spuhan. Mgaluk namu quri bgihur naqah we ini ku sruwa. 21Mimah namu pngerah mahan nBukung ma mimah namu pngerah mahan nbgihur naqah uri we ini tduwa. Mekan namu uqan nBukung ma mekan namu uqan nbgihur naqah uri we ini tduwa. 22Yaa ta brburun ka qqnriqu qbsuran ho? Mgkala heya mbeyax ka ita peni?
Ani Maanu Qpahi Tndahu Utux Baro
23Kana ani maanu we tduwa daun, kiya we uxe niqan rrihan kana. Kana ani maanu we tduwa daun, kiya we uxe pgdehu pheyu kntmaan seediq. 24Ani mmaanu seediq iya pesa grrihun namu nanak. Grrihun taxa ka pgsai. 25Kana ga brigun brigan we ququ mekan ma iya daani lnglungan namu smiling. 26Ado rmengo ka Patis Mrtaso: “Nbukung ka dxeral ma kana ani maanu bobo na hiya.” 27Nasi niqan 1 seediq ini snhii meyah mlawa peekan pnpure yamu ma mkmosa namu we ekan ka ani maanu pnosa na berah namu ma iya daani lnglungan namu smiling. 28Nasi rmengo yamu ka duma seediq: “Nii we snapuh tikung” de, quri seediq pnukela yamu de spooda namu pnkela lnglungan ma ini namu ekan. 29Lnglungan mesa ku we nheya, uxe nnamu. Hmuwa, pdaun mu lnglungan seediq psgao ka lnglungan mu ho? 30Nasi ku dmurun mekan we ma ririh sdurun mu ka snyanun ku daha.
31Maanu so kiya de ani namu mekan ani namu mimah, ani namu moda ani maanu we pdai tndahu Utux Baro kana. 32Iya dai pskripuc ka seediq Yudaya, seediq Hellenis ma dseediq pssliyan nuUtux Baro. 33Pntena so yaku, ani maanu psqaras ku kana seediq, ini ku pesa grrihun mu nanak. Pgsaun mu we grrihun kana seediq so maha pkuudus dheya.
Currently Selected:
1 Korinto 10: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
