1 Nooda 9
9
Mpbrinah ka Seediq Qnerac
1Spooda ta patis ltlutuc tnsapah kana seediq Israel we, qtai! Gaga spatis “Patis ndaan Dqbsuran Paru Israel” kana. Ado tbrinah ka seediq Yehudah wada qrapun madis Babirun. 2Plaale ba meyah mbrinah meniq dxeral ma alang daha nanak we seediq Israel, msapuh, seediq Lewiy ma mpqeepah sapah thmkuwan. 3Meniq Yerusalem we seediq Yehudah, Binyamin, Eprayim ma, Menaseh. 4Laqi Yehudah ma lqlaqi laqi Perec we Utay, Utay we laqi Amihud, Amihud we laqi Amriy, Amriy we laqi Imriy, Imriy we laqi Bani. 5Seediq Siylon we niqan tgqbsuran ba laqi Asayah ma lqlaqi na. 6Lqlaqi laqi Jerax we Yeuel ma mtswai na. 6'90 heyi kana daha. 7Seediq Binyamin we, niqan lqlaqi laqi Hasnuah, laqi laqi Hodaweyah, laqi Mesulam we Salu. 8Dungal we laqi Yeroxam we Yibneyah. Laqi laqi Mikri, laqi Ujiy we Elah. Lqlaqi laqi Yibniyah, laqi laqi Reuel, laqi Sepatyah we Mesulam. 9Spuun ka mtswai na ma, spooda lutuc pnatis tnsapah we 9'56 heyi kana daha. Pnswayan pusu rdrudan na kana seediq nii.
Msapuh Tnpusu Meniq Yerusalem
10Msapuh we Yedayah, Yehoyarib ma, Yaking. 11Dungal we Ajaryah mpqlahang sapah thmkuwan Utux Baro. Ajaryahu we laqi Xilqiyah, Xilqiyah we laqi Mesulam, Mesulam we laqi Cadoq, Cadoq we laqi Merayot, Merayot we laqi Axitub. 12Dungal we lqlaqi laqi Malkiyah, laqi laqi Pasxur, laqi Yeroxam we Adayah. Dungal we Masay, Masay we laqi Adiel, Adiel we laqi Yaxjerah, Yaxjerah we laqi Mesulam, Mesulam we laqi Mesilemit, Mesilemit we laqi Imer. 13Dheya ma mtswai daha we pnswayan pusu rudan kana, msapuh we 17'60 heyi kana. Mkela ba qmeepah oda sapah thmkuwan kana ka dheya.
Seediq Lewiy Meniq Yerusalem
14Lqlaqi laqi Merariy seediq Lewiy we, lqlaqi laqi Xasabyah, laqi laqi Ajriqam, laqi Xasub we Semayah. 15Baqbaqar, Xeres, Galal, ma lqlaqi laqi Asap, laqi laqi Jikriy, laqi Mikah we Matanyah. 16Dungal we lqlaqi laqi Yedutun, laqi laqi Galal, laqi Semayah we Obadyah. Dungal we laqi laqi Elqanah, laqi Asa we Berekyah. Meniq lualang seediq Natopat hiya ka kana daha.
Dmqlahang Rhengun Sapah Thmkuwan Meniq Yerusalem
17Mpqlahang na we Salum, Aqub, Talmon ma Aximan ma mtswai daha. Salum ka qbsuran mdudul dheya. 18Dseediq nii we qmlahang rhengun sapah qbsuran paru quri nklaan hido cuuxal, saya de mpqlahang kobu seediq Lewiy. 19Lqlaqi laqi Qorax, laqi laqi Ebyasap, laqi Qore we Salum ma, mtswai tnsapah seediq Qorax we qmeepah oda ma, mpqlahang rhengun. Tnpusu rdrudan daha we qmnlahang kobu supi Utux Tmninun ma, rhengun kobu. 20Qnlahang dheya cuuxal we Pinexas laqi Elajar. Msuupu heya uri ka Utux Tmninun. 21Jekaryah laqi Meselemyah we qmnlahang rhengun kobu mrtaso. 22Gneegan mpqlahang kana rhengun we 2'12 heyi. Dheya we meniq lualang daha nanak. Spooda ta lutuc tnsapah daha matis we, Dawid ma Samuel ka bnege qqpahun daha. 23Dheya ma lqlaqi rmirih daha we qmlahang rhengun sapah thmkuwan Utux Tmninun, kiya ka rhengun mrtaso kobu. 24Knkingal rhengun quri nklaan hido, pryaxan hido, tgtruma ma tgdaya we, niqan mpqlahang kana. 25Meniq alang uri ka mtswai daha, mk7 ali de mssriyux qmlahang texal. 264 heyi ka qbsuran mpqlahang we, seediq Lewiy kana. Dheya ka gaga mangal mpqeepah mpqlahang sapah toma Utux Baro ma repun. 27Dheya we meniq mtqiri sapah thmkuwan, gisu pqpahun qmlahang sapah thmkuwan ma rmaguh rhengun mgrebu klaali.
Duma Seediq Lewiy
28Duma seediq Lewiy we qmlahang qyqeya ddooyun thmuku. Doyun daha ma skuun daha ciida we blequn daha ba smepu. 29Duma seediq Lewiy we qmlahang qyqeya sapah thmkuwan ma nemu mugi, sino, abura curung, skenux ma ricuh malu skenux. 30Lqlaqi laqi seediq Lewiy we mkela smalu ricuh malu skenux peeyah abura. 31Matityah tgqbsuran laqi Salum qpuruh Qorax seediq Lewiy ka psramal muduh pang. 32Lqlaqi laqi Qahat mtswai daha we, niqan ka psramal pang ddooyun ali sngayan ciida.
33Mpuuyas na we pnswayan pusu rudan Lewiy kiya. Meniq tqiyan sapah truma sapah thmkuwan. Ani diyan ma keeman we meepah. Ini qeepah ani maanu ka dheya. 34Pusu pnswayan rdrudan seediq Lewiy ka tgbaro nii. Spooda tnsapah mdudul ka dheya ma meniq Yerusalem kana.
Pusu Rudan Soro Qbsuran Paru ma Lqlaqi Laqi
(1 No 8:29-38)
35Gaga meniq Gibon we Yeiel tama Gibon. Maakah ka ngayan mqedil na. 36Tgqbsuran ba laqi na we Abdon, duma na hiya we Cur, Qis, Baal, Ner, Nadab, 37Gedor, Axyo, Jekaryah ma Miqlot. 38Miqlot we tnlaqi Simam. Gaga meniq sipo nniqan mtswai daha ka heya ma, gaga msuupu meniq Yerusalem hiya ka mtswai na. 39Ner we tnlaqi Qis. Qis we tnlaqi Soro. Soro we tnlaqi Yehonatan, Malkiy Sua, Abinadab ma Esbaal. 40Laqi Yehonatan we Merib Baal. Merib Baal we tnlaqi Mikah. 41Laqi Mikah we Piton, Melek, Taxrea ma Axaj. 42Axaj we tnlaqi Yarah, Yarah we tnlaqi Alemet, Ajmawet ma Jimriy. Jimriy we tnlaqi Moca. 43Moca we tnlaqi Binia, laqi Binia we Repayah, laqi Repayah we Elasah, laqi Elasah we Ajel. 44Ajel we 6 ka laqi na, ngayan daha we: Ajriqam, Bokru, Yismael, Searyah, Obadyah ma Xanan. Laqi Ajel kana ka nii.
Currently Selected:
1 Nooda 9: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
