1 Nooda 4
4
Lqlaqi Mslutuc Yehudah
1Laqi Yehudah we Perec, Xecron, Karmiy, Xur ma Sobal.
Sobal
2Laqi Sobal Reayah we tnlaqi Yaxat. Tnlaqi Axumay ma Lahad ka Yaxat. Pusu rdrudan Corat ka nii.
Xur
3Pusu rdrudan Eytam we Yijreel, Yisma ma Yidbas. Mtswai na mqedil we Haclelponiy ka ngayan na. 4Pusu rdrudan Gedor we Penuel. Pusu rdrudan Xusah we Ejer. Pusu rdrudan Betlexem, lqlaqi ltlutuc Xur tgqbsuran laqi Eprat kana ka nii.
Ashur
5Ashur tama Teqoa we niqan 2 mqedil, Xelah ma Naarah. 6Naarah tnlaqi Axujam, Xeper, Teymniy ma Haaxastariy. Nii we laqi Naarah kana. 7Xelah tnlaqi Ceret, Coxar ma Etnan. 8Qoc tnlaqi Anub, Cobebah ma, pusu rudan dseediq Axarxel laqi Harum. 9Yabec we spruun ba qmita mtswai sapah na. Ngayan Yabec nii we tnngayan bubu na, rmengo: “Mqraqil ku bale tnlaqi heya.” 10Dmurun Utux Baro nuIsrael ka Yabec: “So su mpsruwa mege snbleqan yaku, prana ayus qnlhangan mu, baga su we msuupu meniq kenan klaali ma, qmlahang su kenan so ku uxe mpsterung mqraqil, uxe ku mangal qnrqilan.” Muyu pnesa na mege heya ka Utux Baro.
Kaleb
11Kelub mtswai Suxah we tnlaqi Mexir tama Eston. 12Eston we tnlaqi Bet Rapa, Paseax ma Texinah pusu rdrudan Iyr Naxas. Seediq Rekah kana ka nii. 13Laqi Qenaj we Otniel ma Serayah. Laqi Otniel we Xatat. 14Meonotay we tnlaqi Oprah. Serayah we tnlaqi Yoab pusu rdrudan Geyxarasim. Dheya we mqeepah smmalu qyqeya dooyun kana. 15Lqlaqi laqi Kaleb laqi Yepuneh we: Iyru, Elah ma Naam. Laqi Elah we Qenaj. 16Lqlaqi mslutuc Yehalelel we Jip, Jipah, Tirya ma Asarel. 17-18Laqi Ejrah we Yeter, Mered, Eper ma Yalon. Lqlaqi mslutuc Mered mqedil na Bityah ka weewa Paroh. Tnlaqi Miryam, Samay ma Yisbax pusu rdrudan Estemoa. Lqlaqi Mered tnlaqi mqedil pneeyah Yehudah we Yered pusu rdrudan Gedor, Xeber pusu rdrudan Sokoh ma, Yequtiel pusu rdrudan Janoax. 19Laqi Hodiyah tnlaqi mqedil na mtswai Naxam we Tariya, Qeilah seediq Garmiy we, Estemoa pusu rdrudan seediq Maakah. 20Laqi Simon we Amnon, Rinnah, Ben Xanan ma Tilon. Laqi Yisiy we Joxet ma Ben Joxet.
Selah
21Lqlaqi mslutuc Selah laqi Yehudah we: Er pusu rdrudan Lekah, Ladah pusu rdrudan Maresah ma, dpusu pnswayan tnsapah mtinun nuqah gaga meniq alang Bet Asbea. 22Dungal we Yoqim ma dseediq Kojeba, Yoas ma, Sarap mnangal mqedil meniq Moab ma mbrinah Betlexem. Pnatis cuuxal kana ka nii. 23Dseediq nii we qmeepah smalu pngerah ma, dseediq mneniq Netaim ma Gederah. Qmeepah qbsuran paru ma meniq qbsuran paru hiya ka dheya.
Lqlaqi Mslutuc Simeon
24Lqlaqi mslutuc Simeon we so nii: Nemuel, Yamin, Yarib, Jerax ma Saul, 25Laqi na Salum, laqi na Mibsam ma, laqi na Misma, 26Lqlaqi mslutuc Misma: Laqi na Xamuel, laqi na Jakur ma, laqi na Simiy. 27Simiy we niqan 16 laqi rseno ma 6 laqi mqedil. Kiya de we, ini khbaro laqi na ka mtswai na. Tnsapah daha we ini pntena dseediq Yehudah hbaro. 28Seediq Simeon we ga meniq Beerseba, Moladah, Xacar Sual, 29Bilhah Ecem, Tolad, 30Betuel, Xormah, Ciqlag, 31Simeon Bet Markabot, Xacar Susah, Bet Biriy ma Saarayim. Betaq mqbsuran paru Dawid ciida, nseediq Simeon ka lualang nii. 325 Lualang ndheya uri we Eytam, Ayin, Rimon, Token ma Asan. 33Kana lualang mtqiri lualang nii ma, betaq Baal. Nniqan daha ka nii ma, niqan ngayan rdrudan daha kana.
34Dungal we Mesobab, Yamlek ma Yosah laqi Amajyah, 35Yoel ma, Asiel lqlaqi laqi Aser, laqi laqi Serayah ma, Yehu laqi Yosibyah. 36Dungal we Elyoenay, Yaqobah, Yesoxayah, Asayah, Adiel, Yesimiel, Benayah ma 37Jija. Laqi Sipiy ka Jija, Sipiy we laqi Arong, Arong we laqi Yedayah, Yedayah we laqi Simriy, Simriy we laqi Semayah. 38Ngayan gaga spatis bobo nii we gaga ngalan pusu rdrudan kiya. Mrana riyung ka tnlutuc tama daha. 39Wada mquri pryaxan hido smdaling Gedor ma migin speriq ttabu daha miric hiya. 40Smdiyal ani knkana kngheti malu ba dxeral, kiya ka gheti ba ma msleepux ba ka speriq. Nii we nniqan seediq Xam cbeyo. 41Niqan ngayan gaga baro nii we, mneniq Xijqiyahu qbsuran paru Yehudah ciida, meyah cmebu kobu Seediq Xam ma seediq Meunim mneniq hiya. Wada daha phqilun de, meniq hiya ka dheya betaq ali saya. Ado malu ba tbugan miric ka hiya. 425'00 heyi duma seediq Simeon we mosa dgiyaq Seir, dmnudul dheya we Pelatyah, Nearyah, Repayah ma Ujiel dlaqi Yisiy. 43Dheya ka wada phuqil Amaleq nngari hiya. Kiya de ga meniq hiya betaq ali saya.
Currently Selected:
1 Nooda 4: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
