1 Nooda 24
24
Qqpahun Dmsapuh
1Msaasu oda lqlaqi laqi Aharon we so nii: Laqi Aharon we Nadab, Abihu, Elajar, ma Itamar. 2Wada plaale mhuqil tama daha ka Nadab ma Abihu, uka ka lqlaqi rmirih dheya. Kiya de ngalan msapuh ka mtswai daha Elajar ma Itamar. 3Dawid ma Cadoq lqlaqi laqi Elajar ma, Aximelek lqlaqi laqi Itamar we gaga saasu ka qpahun daha. 4Pnswayan pusu rudan lqlaqi laqi Elajar we mgkala knhbragan Itamar. Kiya de so nii pnaasu oda daha: Niqan 16 pnswayan pusu rudan ka lqlaqi laqi Elajar. 8 pnswayan pusu rudan ka lqlaqi laqi Itamar. 5Dheya we, mntena spooda daha blebil qreti maasu qpahun daha. Mqbsuran mdudul meeniq sapah thmkuwan ma berah Utux Baro we, lqlaqi laqi Elajar, niqan ka lqlaqi laqi Itamar uri. 6Semayah laqi Netanel seediq Lewiy we, matis ngayan daha meeniq berah qbsuran paru, qbsuran mdudul, Cadoq msapuh, Aximelek laqi Ebyatar, dmsapuh ma, dpusu rdrudan seediq Lewiy. Mangal 1 pusu rudan peeyah lqlaqi laqi Elajar ma, mangal 1 pusu rudan peeyah lqlaqi laqi Itamar.
7Blebil qreti ciida, tgkingal wada ngalun we Yehoyarib, tg2 we Yedayah, 8tg3 we Xarim, tg4 we Seorim, 9tg5 we Malkiyah, tg6 we Miyamin, 10tg7 we Qoc, tg8 we Abiyah, 11tg9 we Yesua, tg10 we Sekanyahu, 12tg11 we Elyasib, tg12 we Yaqim, 13tg13 we Xupah, tg14 we Yesebab, 14tg15 we Bilgah, tg16 we Imer, 15tg17 we Xejir, tg18 we Hapicec, 16tg19 we Petaxyah, tg20 we Yexejqel, 17tg21 we Yaking, tg22 we Gamul, 18tg23 we Delayahu, tg24 we Maajyahu. 19So nii ka bnkegan daha oda qmeepah. Pnuyu daha kari pndakar Utux Tmninun, Utux Baro nuIsrael pnooda Aharon pusu rudan daha, mremux sapah thmkuwan meepah oda hiya.
Ngayan Seediq Lewiy
20Duma na hiya ka lqlaqi laqi Lewiy we so nii: Lqlaqi laqi Amram we Subael. Lqlaqi laqi Subael we Yexdeyahu. 21Quri so seediq Rexabyah, tqbsuran paru lqlaqi Rexabyah we Yisyah. 22Lqlaqi seediq Yichar we Selomit. Lqlaqi laqi Selomit we Yaxat. 23Laqi Xebron we, Yeriyahu tgqbsuran laqi, bukuy we Amaryahu, tg3 laqi we Yaxajiel, tg4 laqi we Yeqamam. 24Lqlaqi laqi Ujiel we Mikah. Lqlaqi laqi Mikah we Samir. 25Mtswai Mikah we Yisiyah. Lqlaqi laqi Yisiyah we Jekaryah. 26Laqi Merariy we Maxliy ma Musi. Lqlaqi laqi Yaajiyahu we Pina. 27Lqlaqi laqi Merariy pneeyah Yaajiyahu we Pina, Soham, Jakur, ma Ibriy. 28Laqi Maxliy we Elajar, uka laqi rseno ka Elajar. 29Lqlaqi laqi Qis we Yeraxmeel. 30Laqi Musi we Maxliy, Eder ma Yerimot. Spooda pnswayan pusu rdrudan we, lqlaqi laqi Lewiy kana ka nii. 31Dheya we blebil qreti meniq berah Dawid qbsuran paru, Cadoq, Aximelek, msapuh ma pusu rdrudan seediq Lewiy. Mntena so lqlaqi laqi Aharon mtswai daha. Pusu pnswayan rudan ma tgswai ba mtswai daha we, ida moda so nii kana.
Currently Selected:
1 Nooda 24: Stgdaya
Highlight
Share
Compare
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
