Jakari 14
14
1Oo, ndɔ lo Bɨraɓe ndɨ ɗe lon a
tirɨn nyag loi kɨ kamit pur,
2kɨta m'a m'kaw girrde tube kad ron
kɨ Jerusalem. A taa ɓebo'n ɗan,
a tirɨn nyag kɨkuju pur,
a tujɨn dekɨdẽg.
Nusɨ ɓebo a aw ɓert na a ɔrrɨn
ndeg deg kam ɓebot kɔ al,
3Kamla Bɨraɓe a tee
kɨta ɗɔɔ kɨ girrdeg'n ɗan tit'n
hã ɗɔɔ ndɔt kɨmaɗi ye be.
4Ndɔt'n non a nda njan dɔ Mbalbo
Kag Olibgt kɨ sumba nõ Jerusalem ko loɓakàd.
Mbalbo Kag Olibg a ria dene ko loɓakàd kɨ ko
lokudkàd, a tel hollo kɨbobe.
Nusɨ kɨkɨɗa a aw ko jigel
na nusɨ kɨmad a aw ko jikõ.
5Kamla a i ãin na
kam hol mbalbogt lom kɨta hollo'n
ɗan a aw mbã tee ɓet kɨ Atjel.
A i ãin na tit'n i ãin na ne maɗi
lon dɔning ye kaglot lo Ojias, ngar kɨ Juda.
Kamla Bɨraɓe lom a ɗe
na deg loa kɨjaɓat tube a ɗen nat sia,
6Ndɔt'n non kunj a goto, kul a oon
ngãi mbã, man tàl tel tit kɔsɨndii be.
7A i ndɔ kɨ kɨɗabedo kɨ ger ɓet ro Bɨraɓet.
Lo kɨ kàda ke lo kɨndɔ a goto
na dɔj losɔl kunj a tee.
8Ndɔt'n non
man kumkajir a tee Jerusalemt,
nusa a nun kɨ bahbo kɨloɓakàdt na nusa
a nun kɨ bahbo kɨlokudkàdt,
a i titbe ɓara kɨ ɓala.
Bɨraɓe a õɓe dɔ dɔningt kɨtaagbe.
9Bɨraɓe a i ngar dɔ dɔningt kɨtaagbe.
Ndɔt'n non Bɨraɓe a i kɨɗabedo,
tɔa a i kɨɗabe ho,
10Dɔning kɨtaagbe a tel dɨlalo kɨ Araba
Ɓai Geba ko ɓodo mbã Rimon ko dɔɔ
ko dɔɔ Jerusalem na Jerusalem a ndɨdõ,
londɨt, Mbagɨr tabit Benjamit
mbã kɨ tabit kɨdasa kɨ tabit kɨdokumlot,
ko kujngomdɔɓe lo Hananel mbã kɨ
lo ba nduut lo ngar.
11Deg a ndɨn kamt,
ndɔl a goto,
Jerusalem a ndɨ kɨ lapia.
12'Nten i yokoosɨ in Bɨraɓe a ndã
girrdeg tube'n ɗɔɔn kɨ Jerusalem,
Dand a ndum lon ɗan ne kɨ njad
dõ ɓaitɔ, kɔrkumd a ndum kam
ngoat; ndõd a ndum kam tadt.
13Ndɔt'n non Bɨraɓe a ad kɨngasa kɨbobe gad,
dekɨɗen kudt a hɔ ji
madɓen, a unɨn jid kɨ dõ ndoorɨn na.
14Deg kɨ Juda a kawɨn na Jerusalemt kɨta ro.
A oin nyamajg lo girrdeg tube kɨ gugɨn dɔ,
ad i nar ɔr kɨ nar arjã kɨ kubg ngãibe.
15Yokoosɨ kɨkɨɗa 'nten la a so dɔ sɨndagt
kɨ korro rapayg kɨ lukumg kɨ
korrog kɨ dãg tube kɨ kam gongt,
yokoosɨ 'nten a i tit yokoosɨ kɨkete.
16Ngenãi kɨdodõ tube lo girrdeg
tube'n awɨn ɗɔɔ kɨ Jerusalem
bal kɨɗen a awɨn kad ɔsɨn dɔd ber
nõ Ngart, Bɨraɓe Ngekoosɨg,
kad ngomɨn ɗa nah kujkamg.
17A i titbe, ĩla girrkooj kɨɗa kɨdɔningt
aw Jerusalem
kad ɔsɨ dɔ ber nõ Ngart,
Bɨraɓe Ngekoosɨg al a ne,
ndii a ed dɔt al.
18Ĩla girrkooj Ejipt aw al,
ɗe al a ne, ndii a ed dɔat al,
A ndand kɨ yokoosɨ ĩ Bɨraɓe ndan girrdeg
Ĩgɨn awɨn kad ngomɨn go ɗa nah kujkamg al,
19'Nten la a i ndakɔj kɨta Ejipt
kɨ ndakɔj kɨta girrdeg tube
Ĩgɨn awɨn kad ngomɨn go ɗa nah kuj kámg al,
20Ndɔt'n non a ndangɨn ta dɔ ɓogt
kɨ ko sɨndagt anan: Kɨjaɓat kɨta Bɨraɓe.
Jog kɨ kam kujt lo Bɨraɓe
a ĩn tit baig kɨ nõ dɨngɨrt.
21Jog tube kɨ Jerusalem kɨ Juda
a ĩn kɨndakot kokɨɗa kɨta Bɨraɓe Ngekoosɨg
kɨtakad ngélakadkarig tube a ɗen,
a unɨn jo ndirrɨn ne dã kadkari.
Ndɔt'n non ngeɗagat
a goton kam kujt lo Bɨraɓe Ngekoosɨg.
Currently Selected:
Jakari 14: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
