Jakari 13
13
Daiyog lo ngéngombatg kɨmaj
Bɨraɓe aj Jerusalem
1Ndot'n non man kɨɓa a tee
kɨta ngékɨɓe lo Dabid
kɨ ngéndɨ Jerusalem
kɨta tugo majal kɨyerr lod,
2Dɔ ndɔt'n non, kel Bɨraɓe Ngekoosɨg,
m'a m'tɔl to yog kɨdɔningt
kɔ kɨtakad gan kamd dɔt gog al.
M'a m'ɔrr ngekelta kɨta Luwaht
kɨ ndil kɨyerr kam dɔningt kɔ,
3Ĩla de mad elta kɨta Luwaht a ne.
Bɔwa kɨ kõa ngekooja a elɨna anan:
A i ndɨ kɨ dɔi dõ al kɨta i el takɨbal kam tɔ
Bɨraɓet na bɔwa kɨ kõa ngekooja
a ɔsɨna mbut lon ɗa elɨn ta ɓaitɔ.
4Dɔ ndɔt'n non ngekelta kɨta Luwaht
kɨɗen a i kɨ rosɔl kɨta nyakookamndilt lon.
Lon ɗa elɨn ta.
A la kubji kɨbii kad goolɨn deg gog al ta.
5Na a el an Mĩ ngekelta kɨta Luwaht al.
Mĩ ngendɔɔ dɔning
i nyamaj lom kɨdum nu.
6Na ĩla de mad ndɨjea an:
Dog kɨ jiit ye i ɗi a? A tur an: M'ngaa
dog 'nten kam kujt lo namg.
7Kɨyaɗɔɔ i ndool ndoorɨnge kulbatg lom,
kɨ ndoor de'n i madɨm.
Kel Bɨraɓe kulbatg kad batg tĩn na
na m'a m'tur jim kɨdɔ kɨdugt.
8A i titbe kam dɔningt kɨtaagbe,
kel Bɨraɓe gaj
joo a nujɨn oin kɔ na gaj kɨkõmɨta a nãi.
9M'a m'la gaj 'nten kam horrt.
M'a m'ard tit'n hã arɨn ne nar arjã be.
M'a m'nãd tit'n hã a nã ne nar ɔr.
A kunɨn tɔm na m'a m'oo dɔ
M'a m'el m'an: Ĩn deg lom.
A elɨn anan: Bɨraɓe i Luwah lom.
Currently Selected:
Jakari 13: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
