Jakari 11
11
Deg mbetɨn ngar go ɗeat kɨdasa
1Libã, i tee tabitg loi
kad horr õ sedɨr loi,
2Udɨn wi, ĩn sipresɨg kɨta sedɨr so,
ngékun dɔd dõ nujɨn.
Udɨn wi, ĩn dilg kɨ Basan
kɨta ku kɨ nder tet ningt.
3Oon dɔ wi kɨkud kɨ non lo ngéngombatg
kɨta kɔsɨgon lod nuj
ngan tubog kon kɨta kú kɨ Jurdẽ tuj.
4Ndɔ mad Bɨraɓe Luwah lom elɨm an:
I ul batg'n ɓet a jan kɔd,
5Ĩgɨn ndugond
ndɨ tɔlɨnd kɨkanj ta dɔt
na ĩngɨn ɗawɨnd sed a elɨn anan:
Kɔsɨgon kɨdɔ Bɨraɓet
kɨta m'ngaa nyamaj.
Na ngengomd oon kumtondo lod al.
6Mĩ Bɨraɓe m'el kɨ tɨga wakɨsɨ m'an:
m'a m'oo kumtondo lo ngendɨ dɔningt'n non gog al,
m'a m'la dekɨɗen ji madɓeat kɨ dekɨɗen ji ngart loa.
A tujɨn dɔning'n non
na m'a maj de kɨɗa jidt al.
7Titbe m'tel ngekulbatg ĩgɨn ndand kɨta tɔl, ngeɗagat dãg sahn tɔld. M'oi kagtɔsɨ joo, m'nda to kɨkɨɗa Kamkẽ na m'nda to kɨmad Ndaronat na m'ul batg. 8Kam naht kɨ kɨɗabe m'nuj ngekulbatg mɨta kɨta rom oi siw dɔdt, ĩn to, rod neld sem al, 9ad m'el m'an: M'a m'ulsɨ al ta, ĩn hã a oi a ne, kɨ woi, ĩn hã a nuj a ne, kɨ nuj, na ndega kɨ nãi, kɨ dekɨɗen kudt sa dã namɨn. 10M'un kagtɔsɨ Kamkẽ lom m'tet nat kad m'gang kunkɔ lom ĩn m'un sed deg tube. 11Ndɔt'n non kunkɔ gang na ngeɗagat dang ĩgɨn ndɨ nɔlmɨn gerɨn i ta lo Luwah, 12M'eld m'an: Ĩla i oo maj a ne, admɨn nyabajim. Ĩla i titbe al a ne, ot kadɨn. Kamla mbɔjɨn gursɨ kɨndah dɔmɨta nyabaji admɨn, 13Bɨraɓe elɨm an: Gat kɨmaj 'nten ĩn i gat ye, i la ad ngeɓajo, na m'ɔi gursɨ kɨnda kɨdɔmɨta nõ m'ũ kam kujt lo Bɨraɓe kɨ tɔ ngeɓajo. 14Kamla m'un kagtɔsɨ lom kɨkõjoo Ndaronat m'tet nat kad m'ngang'n ngonkõ mbɨna Judat kɨ Israel kɔ. 15Bɨraɓe elɨm an: I tel oi nyag lo ngéngombatg kɨɓod. 16Oo, m'a m'ɓai kɨ ngengombatg kam dɔningt 'nten ĩ hã a oo go batg'n ndɨ nujɨn al, Ĩgɨn tĩn na a sah god al, a dɔɔ do lo ngengahdo al, Ĩgɨn lapia lod goto a oo god al tɔ, na a sa dã nge kɨ rod bo mbulmbul, a ho til mbã tee ngotinjadt. 17Beto lo ngéngombatg lom kɨpãbe'n nyàgo batg kɔ. Kɨ kiyaɗɔɔ nda jia kɨ kuma kɨko kõt, kɨ jia ko kõat oi njurur, kɨ kuma ko kõat tɔɔ rum.
Currently Selected:
Jakari 11: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
