Pa lo Salomõ 4
4
Ngar ɔj tar lon
(Dekɨdɨngã)
1I mand ngãi.
I nam kɨ sɔl lom lom,
i mand tɔi dɔ.
Kam kubt loi, i maj takumi tit derrngɔt be
bisɨdɔi i tit bĩ ɓut bĩãg
ngeto kad mbalbo Galaadt.
2Ngangi ndà bung
tit kɨ ɓut kõ batg kɨ jan bĩd
ĩgɨn ɓain lo tugo rodt.
Oojɨn ngang joojoo,
kɨmad kudt in i kuj goto.
3Ndartai titna kɨ kɨllakub kɨkɨre,
tai maj dum,
ɓɔli titɨn na kɨ nusɨ kand kag grenadie
gid kub kutdɔ loi.
4Kɔi titɨn na kɨ kujngomdɔɓe lo Dabid be,
ɗana kad i lo ngomd nyakatg,
gan derg dõ tit asɨ dub kɨɗa,
tube ĩn derg lo gõɗɔɔg.
5Mbaai kɨjoo taan na kɨ ngan wal
tit walndoi kɨkooj ngang joo
ad ɗa san nya dan Hutkamgt.
6Mbã loti na lo kɨdiw tɔi kɔi
m'a m'aw dɔ mbalbo myrrt,
dɔ doorlo yib nard kɨkootmbĩ.
7I mand ngãi
I nam kɨ sɔl lom lom,
i mand tɔi dɔ.
Nya mad kɨmajal goto roit bat.
Ngetar ɔj tar lon
8I nat sem, ngon kɨdẽ lom'n m'hɔ dɔa,
ɓai kɨko Libãt, i ɗe nat sem.
I ɗe nat sem ko Libã,
i oo lo kɨko tasom mbalbo Amana
kɨ tasom mbalbo Senir kɨ Hermõ,
bulo to tubog kɨ mbalbot lo kagg.
9Dɔm tel wãri,
ad kamm ndirr njiknjik,
kõnanɨm, ngon kɨdẽ lom n'hɔ dɔa,
Dɔm tel wãri kɨta koon m'oo
takumi, lon i pare roi kɨmedkɔsɨgt.
10Tar loi maj dum, kõnanɨm,
ngon kɨdẽ lom n'hɔ dɔa, tar loi maj tɔi kasɨnduu,
Sé yib loi kɨkootmbĩ maj tɔi
nyag kɨkootmbĩ tube.
11Ngon kɨdẽ lom, tai nel tɔi tej,
tej kɨ mba ĩn girr ndõit,
koot kub loi tit koot Libã.
12Kõnanɨm, ngon kɨdẽ lom n'hɔ dɔa,
ndan kɨnga gugɨn dɔa,
lo ɓa man kɨ utɨn taa
buloman kɨ ɔsɨn taa kɨ kase
kɔsɨdɔnya. 13In ndɔɔ kag grenadie kɨ
tee kɨ kandɨn kɨmaj ngãi,
ndɔɔ mbikam nard kɨ kootmbĩ.
14Nard kɨ sapran kɨ kand nya kɨkootmbĩ.
Mbi kag sinamone,
kagg tube kɨ ootɨn mbĩ.
Myrr kɨ aloes kɨ yibg
kɨkootmbĩ kɨmaj tube.
(Ngomand)
15Mĩ man kɨ ɓa kam ndɔɔt,
buloman kumkajir,
bahg kɨ nũn kɨko Libã.
Ngon kɨmand kɔt ngetar lon
16I ɓai, i nél kɨjigel,
i la kɨ tɔgi dɔ ndɔɔt lom,
in nél kɨjikõ
kad sé ndɔɔ lom kɨkootmbĩ tĩ kɨ log.
Ad ngetar lom ɗe kam ndɔɔt lon,
sa kanda kɨmaj dum.
Currently Selected:
Pa lo Salomõ 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
