Dakɔr deg 23
23
1Balam el Balak an: I ɗa dɨngɨr tanãimɨta nẽbe adɨm, i ɗago bɔw mangg tanãimɨta kɨ bal batg tanãimɨta adɨm ho. 2Balak ɗa nya'n Balam el Balak kɨ Balam lan kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 3Balam el Balak an: I ɗa ta kadkarit loi kɨlahorrt, na mĩ m'a m'aw kete maja Bɨraɓe a ɗe ndɔdɨm, na m'a m'eli nya'n ɓet a tee dɔ adɨm. Aw dɔ door lot mad kɨ dɔa todɨla. 4Luwah ndɔd Balam na Balam ela an: M'ɗa dɨngɨr tanãimɨta na m'la kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 5Bɨraɓe nda ta ta Balamt el an: I tel kɨ ro Balakt, a el titbe. 6Balam tel kɨ ro Balakt na oo Balak ɗa ta kadkarit lon kɨlahorrt, ĩ kɨ mbaiɓeg lo Moab tube, 7Kamla Balam elta lon kɨ terrta an:
Balak ɗe sem ko dɔning Aramt,
Ngar kɨ Moab ɗe sem
ko dɔ mbalbogt kɨ loɓakàdt.
Elɨm an: I ɗe i ndɔl Jakob,
I ɗe i la ta dɔ Israelt.
8Titbãi hã m'a m'ndɔl de'n Luwah ndɔla al a?
Titbãi m'a m'la ta dɔ det'n Bɨraɓe la ta dɔat al a?
9Ã, ko tasom mbalbot m'ooa,
Ko dɔ door lot tɔ m'nɔla,
Ĩn deg kɨ londɨd i tadang,
A tɨdand ku ndeg girrdegt al.
10Nõ asɨ tɨda buning lo Jakob a?
Nõ asɨ da kɔr gaj Israel kɨɗa ku kɨsɔɔt a?
Kɨ m'oi koi de kɨdenesew,
Kɨ dɔboim tit na kɨ dɔboia.
11Balak el Balam an: I ɗa sem ɗi a? M'kuni kad i ndɔl madngétamg na oo, i ɗa i njang dɔd. 12Balam tura an: Sumba kad m'oo go ta'n Bɨraɓe nda tamt kɨ m'el ale?
Balam njang dɔ Israel ɓaitɔ
13Balak ela an: I ɗe nat sem kam lot mad'n i asɨ kood tit. A oo nusɨd na i asɨ kood tube al. Lot'n non la a i ndɔldt adɨm ye. 14Ɔrr Balam aw sia kam ndɔɔt lo Sopim tasom mbalbo Pisga, ɗa dɨngɨr tanãimɨta, na la kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 15Balam el Balak an: I ɗa ta kadkarit loi kɨlahorrt ne na m'a m'aw kete m'ndɔd Bɨraɓe. 16Bɨraɓe ɗe ndɔd Balam nda ta taat el an: I tel kɨ ro Balakt, a el titbe. 17Balam tel kɨ ro Balakt na oo Balak ɗa kad kadkarit lon kɨlahorrt nat kɨ mbaiɓeg lo Moab. Balak ndɨjea an: Ta ɗi Bɨraɓe el a? 18Balam elta lon kɨ terrta an: Balak, i ɓai dõ oo dɔ. Ngon Sipor, i nel mbii kɨ romt. 19Luwah i de hã a el takɨbal al. I ngon de hã a mbel kɔn al tɔ. Nya'n eltaa, a ɗa ale? Nya'n la mbera a tɔl kõna ale? 20Oo, Luwah ndam mber kad m'njang dɔ, Lon njang dɔ de a ne, m'asɨ kɔrr kɔ al bat. 21M'oo majal'n a ɗa Jakob al, m'oo darondo mad kam Israelt al. Bɨraɓe Luwah loa i nat sia, yel tetɗɔɔ lo ngar i kudt. 22Luwah tee sed kɔ Ejipt't, tɔgd i tit tɔg gaj dɔg be, 23yo mad kɨ asɨ ndoor Jakob goto Ndõ te mad kɨ asɨ ndoor Israel goto tɔ ho. Lon kaglo asɨ a ne, a el Jakob kɨ Israel an: I nya'n Luwah ɗa. 24Oo, Israel ɓai tit kõ tubo, Ndaj ron kɨ dõ tit bɔw tubo. A to ber al mbã kad sanyahɔ Na ãi mosɨ nya'n tɔla. 25Balak el Balam an: Ĩla i ndɔld, al a ne, i njang dɔd al bat tɔ ho. 26Balam tur Balak an: M'eli ale? M'a m'ɗa nya kɨɗen'n Bɨraɓe a el.
Balam njang dɔ Israel kɨkõmɨta
27Balak el Balam an: I ɗe tajigla, m'a m'ɔri m'aw sei lot mad kɨɗang, maj a ne, Luwah ad i ndɔld nu adɨm. 28Balak ɔrr Balam aw sia tasom mbal Peort'n sumba nõ dɨlalo. 29Balam el Balak an: I ɗa dɨngɨr tanãimɨta nẽbe adɨm, na i ɗago bɔw mangg tanãimɨta kɨ bal batg tanãimɨta adɨm ho. 30Balak ɗa nya'n Balam el na la kadkari bɔw mang kɨɗa kɨ bal bat kɨɗa dɔ dɨngɨrt kɨɗen.
Currently Selected:
Dakɔr deg 23: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 23
23
1Balam el Balak an: I ɗa dɨngɨr tanãimɨta nẽbe adɨm, i ɗago bɔw mangg tanãimɨta kɨ bal batg tanãimɨta adɨm ho. 2Balak ɗa nya'n Balam el Balak kɨ Balam lan kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 3Balam el Balak an: I ɗa ta kadkarit loi kɨlahorrt, na mĩ m'a m'aw kete maja Bɨraɓe a ɗe ndɔdɨm, na m'a m'eli nya'n ɓet a tee dɔ adɨm. Aw dɔ door lot mad kɨ dɔa todɨla. 4Luwah ndɔd Balam na Balam ela an: M'ɗa dɨngɨr tanãimɨta na m'la kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 5Bɨraɓe nda ta ta Balamt el an: I tel kɨ ro Balakt, a el titbe. 6Balam tel kɨ ro Balakt na oo Balak ɗa ta kadkarit lon kɨlahorrt, ĩ kɨ mbaiɓeg lo Moab tube, 7Kamla Balam elta lon kɨ terrta an:
Balak ɗe sem ko dɔning Aramt,
Ngar kɨ Moab ɗe sem
ko dɔ mbalbogt kɨ loɓakàdt.
Elɨm an: I ɗe i ndɔl Jakob,
I ɗe i la ta dɔ Israelt.
8Titbãi hã m'a m'ndɔl de'n Luwah ndɔla al a?
Titbãi m'a m'la ta dɔ det'n Bɨraɓe la ta dɔat al a?
9Ã, ko tasom mbalbot m'ooa,
Ko dɔ door lot tɔ m'nɔla,
Ĩn deg kɨ londɨd i tadang,
A tɨdand ku ndeg girrdegt al.
10Nõ asɨ tɨda buning lo Jakob a?
Nõ asɨ da kɔr gaj Israel kɨɗa ku kɨsɔɔt a?
Kɨ m'oi koi de kɨdenesew,
Kɨ dɔboim tit na kɨ dɔboia.
11Balak el Balam an: I ɗa sem ɗi a? M'kuni kad i ndɔl madngétamg na oo, i ɗa i njang dɔd. 12Balam tura an: Sumba kad m'oo go ta'n Bɨraɓe nda tamt kɨ m'el ale?
Balam njang dɔ Israel ɓaitɔ
13Balak ela an: I ɗe nat sem kam lot mad'n i asɨ kood tit. A oo nusɨd na i asɨ kood tube al. Lot'n non la a i ndɔldt adɨm ye. 14Ɔrr Balam aw sia kam ndɔɔt lo Sopim tasom mbalbo Pisga, ɗa dɨngɨr tanãimɨta, na la kadkari bɔw mang kɨɗa kɨ bal bat kɨɗa dɔ dɨngɨrt kɨɗen. 15Balam el Balak an: I ɗa ta kadkarit loi kɨlahorrt ne na m'a m'aw kete m'ndɔd Bɨraɓe. 16Bɨraɓe ɗe ndɔd Balam nda ta taat el an: I tel kɨ ro Balakt, a el titbe. 17Balam tel kɨ ro Balakt na oo Balak ɗa kad kadkarit lon kɨlahorrt nat kɨ mbaiɓeg lo Moab. Balak ndɨjea an: Ta ɗi Bɨraɓe el a? 18Balam elta lon kɨ terrta an: Balak, i ɓai dõ oo dɔ. Ngon Sipor, i nel mbii kɨ romt. 19Luwah i de hã a el takɨbal al. I ngon de hã a mbel kɔn al tɔ. Nya'n eltaa, a ɗa ale? Nya'n la mbera a tɔl kõna ale? 20Oo, Luwah ndam mber kad m'njang dɔ, Lon njang dɔ de a ne, m'asɨ kɔrr kɔ al bat. 21M'oo majal'n a ɗa Jakob al, m'oo darondo mad kam Israelt al. Bɨraɓe Luwah loa i nat sia, yel tetɗɔɔ lo ngar i kudt. 22Luwah tee sed kɔ Ejipt't, tɔgd i tit tɔg gaj dɔg be, 23yo mad kɨ asɨ ndoor Jakob goto Ndõ te mad kɨ asɨ ndoor Israel goto tɔ ho. Lon kaglo asɨ a ne, a el Jakob kɨ Israel an: I nya'n Luwah ɗa. 24Oo, Israel ɓai tit kõ tubo, Ndaj ron kɨ dõ tit bɔw tubo. A to ber al mbã kad sanyahɔ Na ãi mosɨ nya'n tɔla. 25Balak el Balam an: Ĩla i ndɔld, al a ne, i njang dɔd al bat tɔ ho. 26Balam tur Balak an: M'eli ale? M'a m'ɗa nya kɨɗen'n Bɨraɓe a el.
Balam njang dɔ Israel kɨkõmɨta
27Balak el Balam an: I ɗe tajigla, m'a m'ɔri m'aw sei lot mad kɨɗang, maj a ne, Luwah ad i ndɔld nu adɨm. 28Balak ɔrr Balam aw sia tasom mbal Peort'n sumba nõ dɨlalo. 29Balam el Balak an: I ɗa dɨngɨr tanãimɨta nẽbe adɨm, na i ɗago bɔw mangg tanãimɨta kɨ bal batg tanãimɨta adɨm ho. 30Balak ɗa nya'n Balam el na la kadkari bɔw mang kɨɗa kɨ bal bat kɨɗa dɔ dɨngɨrt kɨɗen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.