Dakɔr deg 22
22
Ta lo Balaam
1Israel ɓai, aw hɔlondɨ kam dɨlalot kɨ Moab gid bah Jurdẽt kɨ sumba Jeriko sew. 2Balak ngon Sipor oo nyag tube kɨ Israelag ɗan kɨ Amoraig, 3na deg kɨ Moab ɓoolɨn ngãibe kɨta deg'n non kɨta in koosɨg, ad kamd gang man kɨta Israelag. 4Moabiag elɨn kɨbog kɨ Madiã anan: Koosɨ deg'n ɗan a san nyag tube kɨ gugɨn dɔjt tit'n mang a sa'n mũ kɨmbool kam ndɔɔt be. Titbe Balak ngon Sipor in i ngar kɨ Moab kaglot'n non 5la ngombangkɨlag ro Balamt ngon Beorbet kɨ Petor ta baht kam dɔningt lo Amabiag kuna ela an: Oo deg teen ko Ejipt't taan dɔning pelpel na hɔn londɨ sumba nom sew. 6Tajigla m'kɔi kad i ɗe ndɔl deg'n ɗan adɨm kɨta ĩn kɨ tɔg tɔimɨn. Ɓoola, m'a m'teetd ɗɔɔ, na m'tuɓad dɔningt, Kɨtɔ m'ger de'n i njang dɔa a ne, i kɨ njangdɔ na de'n i ndɔla a ne, i kɨndɔl ho. 7Kɨbog lo Moabiag kɨ kɨbog lo Madiãg awɨn kɨ nar ndõ te jidt, teen ro Balaamt, elɨna ta lo Balak. 8Balam turd an: I ton la ndɔ la'n ɗan, na m'a m'tursɨ ta'n Bɨraɓe a elɨm. Kɨbog lo Moab ɓin ro Balamt. 9Luwah ɗe ro Balamt ela an: Deg'n ɓin roit nõ ye, ĩn deg kɨtitbãi a? 10Balam tur Luwah an: Balak ngon Sipor, ngar kɨ Moabt la lad kɨ romt kad elɨmɨn anan: 11Oo deg'n ɗan teen ko Ejipt't taan dɔning pelpel. I ɗe ndɔld, maja m'a m'asɨ ɗɔɔd m'tuɓad. 12Luwah el Balam an: A aw nat kɨ deg'n ɗan al bat, a i ndɔl deg kɨnu nõ al ho kɨta ĩn kɨnjangdɔ. 13Balam ɓai kɨsĩ el kɨbog lo Balak an: I telɨn kɨdɔningt losɨ gog kɨta Bɨraɓe ndig kad m'aw nat sesɨ al. 14Mbaiɓeg lo Moab ɓai telɨn kɨ ro Balakt gog, elɨna anan: Balam mbet ɗe sej. 15Balak la mbaiɓe madg gog ɓaitɔ kɨ kɔrd toi ngekɨkete na ĩn deg kɨ deg ɔsɨn gond tɔi ngékɨkete ho. 16Teen ro Balamt elɨna anan: Titbe kel Balak ngon Sipor. Ot kad nya mad ɔgi ɗob ɗe romt 17kɨta m'a mad i ngah kɔsɨgon ngãibe, na m'a m'ɗa nya kɨɗen'n i elɨm. M'kɔi kɨ i ɗe i ndɔl deg'n ɗan adɨm. 18Balam turta ngekɨlag lo Balak an: Ke Balak a adɨm kuj lon kɨ ɗoosɨ kɨ nar arjã kɨ ɔr kaa ne, m'asɨ ɗa nya mad kɨtẽ ke kɨbo m'tɔin dɔ ta lo Bɨraɓe Luwah lom al. 19Tajigla m'kɔsɨ kad i ton nẽbe ndɔ la kad m'ger ta'n Bɨraɓe a elɨm ɓaitɔ. 20Luwah ɗe ro Balamt ndɔ ela an: Ĩla deg'n ndɨn ɗe kunɨn a ne, i ɓai aw nat sed, na nya'n m'a m'eli nõ tã la a i ɗa. 21Loti kɨsĩ Balam ɓai dõ, nda sirg gid korrot lon, na aw nat kɨ mbaiɓeg lo Moab. 22Wong lo Luwah kɨtɔlsɔkɨr ɓai kɨta kawɨn aw sed, na malaika lo Bɨraɓe ɗa ɗobo kɨta kuta ta ɗob. Balam i dɔ korrot lon, na ngékɨlaɓerg loa joo in nat sia. 23Korro oo malaika lo Bɨraɓe'n ɗa dɔ ɗobt, ɔrr kiyaɗɔɔ jint. Korro tɔ, nya ɗob na ud mut. Balam nda korro kɨ n'tel sia kɨ ɗobo. 24Kamla malaika lo Bɨraɓe duba dɔ ɗobt mbɨna ndɔɔ nduugt, ndogbɔrr ɗa kɔtko joo. 25Korro oo malaika lo Bɨraɓe, na ire ron kad bɔrrt ad bɔrr ui nja Balam. Balam nda korro ɓaitɔ. 26Malaika lo Bɨraɓe tɔi kɨkete duba lot mad kɨ mbẽgrẽ be, lo tɔi kokõ ke ko gel goto. 27Korro oo malaika lo Bɨraɓe, na so kɨber girr Balamt. Wong tɔl Balam sɔkɨr ad nda korro kɨ kagtɔsɨ lon. 28Kamla Bɨraɓe tee ta korro ad elta Balam an: M'ɗa ɗi sei hã i ndamɨn nja mɨta titbe a? 29Balam el korro an: Kɨtɔ i ɓood sem. Ni kiya i jimt a ne, m'a m'tɔli tajigla. 30Korro el Balam an: Mĩ korro loi i ndɨ alɨm kɨ kaglo tube mbã ɓone ale? Kete m'ɗa sei titbe a? Balam tura an: Ã ã. 31Kamla Bɨraɓe tee kum Balam ada oo malaika lo Bɨraɓe'n ɗa dɔ ɗobt, ɔrr kiya ɗɔɔ jint, na Balam la dɔn ber, so kɨta kumɨn. 32Malaika lo Bɨraɓe ela an: Kɨtɔɗi i ndan korro loi nja mɨta titbe a? Mĩ la m'ɗe kɨta kuti ta ɗob ye, kɨta i un ɗob nujkɔ kɨ to nomt. 33Korro oom, na tɔ ud mut nja mɨta nomt. Ni tɔ ɗob nomt al a ne, ni m'am tɔli kɔ, na m'nyaa kumkajir. 34Balam el malaika lo Bɨraɓe an: M'ɗa majal kɨta m'ger kad i ɗa ɗobo nomt al. Tajigla ĩla m'ɗa nya kɨ neli al a ne, m'a m'tel m'aw ɓe gog. 35Malaika lo Bɨraɓe el Balam an: Aw kɨ deg'n ɗan na, a elta'n m'a m'eli nõ tã. Balam aw nat kɨ mbaiɓeg lo Balak. 36Lon Balak oo hɔi Balam kad ɗe oi ye, aw kɨ n'la taa ad aw mbã kɨ ɓebot lo Moab'n i ta bah Arnõt dɔboi ɗobnin dɔningt. 37Balak el Balam an: M'la ngombangkɨlag roit kad kunɨn ale? Kɨtɔɗi i ɗe romt al a? Oo a an m'asɨ kadi kɔsɨgon al e? 38Balam el Balak an: Oo, m'ɗe roit; Tajigla'n m'ɗe roit oi ye, m'asɨ keli ta mad kɨɗang al. Na ta'n m'a m'eltaa a i ta'n Luwah nda tamt kad m'eli tã. 39Balam aw nat kɨ Balak na teen Kirjat Husot. 40Balak la kadkari mangg kɨ batg, na lan kɨ ro Balamt kɨ mbaiɓeg'n ĩn nat sia.
Balam njang dɔ Israel
41Loti kɨsĩ Balak un Balam aw sia Bamot Baal, ko nu la Balam oo nusɨ londɨ Israelag.
Currently Selected:
Dakɔr deg 22: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 22
22
Ta lo Balaam
1Israel ɓai, aw hɔlondɨ kam dɨlalot kɨ Moab gid bah Jurdẽt kɨ sumba Jeriko sew. 2Balak ngon Sipor oo nyag tube kɨ Israelag ɗan kɨ Amoraig, 3na deg kɨ Moab ɓoolɨn ngãibe kɨta deg'n non kɨta in koosɨg, ad kamd gang man kɨta Israelag. 4Moabiag elɨn kɨbog kɨ Madiã anan: Koosɨ deg'n ɗan a san nyag tube kɨ gugɨn dɔjt tit'n mang a sa'n mũ kɨmbool kam ndɔɔt be. Titbe Balak ngon Sipor in i ngar kɨ Moab kaglot'n non 5la ngombangkɨlag ro Balamt ngon Beorbet kɨ Petor ta baht kam dɔningt lo Amabiag kuna ela an: Oo deg teen ko Ejipt't taan dɔning pelpel na hɔn londɨ sumba nom sew. 6Tajigla m'kɔi kad i ɗe ndɔl deg'n ɗan adɨm kɨta ĩn kɨ tɔg tɔimɨn. Ɓoola, m'a m'teetd ɗɔɔ, na m'tuɓad dɔningt, Kɨtɔ m'ger de'n i njang dɔa a ne, i kɨ njangdɔ na de'n i ndɔla a ne, i kɨndɔl ho. 7Kɨbog lo Moabiag kɨ kɨbog lo Madiãg awɨn kɨ nar ndõ te jidt, teen ro Balaamt, elɨna ta lo Balak. 8Balam turd an: I ton la ndɔ la'n ɗan, na m'a m'tursɨ ta'n Bɨraɓe a elɨm. Kɨbog lo Moab ɓin ro Balamt. 9Luwah ɗe ro Balamt ela an: Deg'n ɓin roit nõ ye, ĩn deg kɨtitbãi a? 10Balam tur Luwah an: Balak ngon Sipor, ngar kɨ Moabt la lad kɨ romt kad elɨmɨn anan: 11Oo deg'n ɗan teen ko Ejipt't taan dɔning pelpel. I ɗe ndɔld, maja m'a m'asɨ ɗɔɔd m'tuɓad. 12Luwah el Balam an: A aw nat kɨ deg'n ɗan al bat, a i ndɔl deg kɨnu nõ al ho kɨta ĩn kɨnjangdɔ. 13Balam ɓai kɨsĩ el kɨbog lo Balak an: I telɨn kɨdɔningt losɨ gog kɨta Bɨraɓe ndig kad m'aw nat sesɨ al. 14Mbaiɓeg lo Moab ɓai telɨn kɨ ro Balakt gog, elɨna anan: Balam mbet ɗe sej. 15Balak la mbaiɓe madg gog ɓaitɔ kɨ kɔrd toi ngekɨkete na ĩn deg kɨ deg ɔsɨn gond tɔi ngékɨkete ho. 16Teen ro Balamt elɨna anan: Titbe kel Balak ngon Sipor. Ot kad nya mad ɔgi ɗob ɗe romt 17kɨta m'a mad i ngah kɔsɨgon ngãibe, na m'a m'ɗa nya kɨɗen'n i elɨm. M'kɔi kɨ i ɗe i ndɔl deg'n ɗan adɨm. 18Balam turta ngekɨlag lo Balak an: Ke Balak a adɨm kuj lon kɨ ɗoosɨ kɨ nar arjã kɨ ɔr kaa ne, m'asɨ ɗa nya mad kɨtẽ ke kɨbo m'tɔin dɔ ta lo Bɨraɓe Luwah lom al. 19Tajigla m'kɔsɨ kad i ton nẽbe ndɔ la kad m'ger ta'n Bɨraɓe a elɨm ɓaitɔ. 20Luwah ɗe ro Balamt ndɔ ela an: Ĩla deg'n ndɨn ɗe kunɨn a ne, i ɓai aw nat sed, na nya'n m'a m'eli nõ tã la a i ɗa. 21Loti kɨsĩ Balam ɓai dõ, nda sirg gid korrot lon, na aw nat kɨ mbaiɓeg lo Moab. 22Wong lo Luwah kɨtɔlsɔkɨr ɓai kɨta kawɨn aw sed, na malaika lo Bɨraɓe ɗa ɗobo kɨta kuta ta ɗob. Balam i dɔ korrot lon, na ngékɨlaɓerg loa joo in nat sia. 23Korro oo malaika lo Bɨraɓe'n ɗa dɔ ɗobt, ɔrr kiyaɗɔɔ jint. Korro tɔ, nya ɗob na ud mut. Balam nda korro kɨ n'tel sia kɨ ɗobo. 24Kamla malaika lo Bɨraɓe duba dɔ ɗobt mbɨna ndɔɔ nduugt, ndogbɔrr ɗa kɔtko joo. 25Korro oo malaika lo Bɨraɓe, na ire ron kad bɔrrt ad bɔrr ui nja Balam. Balam nda korro ɓaitɔ. 26Malaika lo Bɨraɓe tɔi kɨkete duba lot mad kɨ mbẽgrẽ be, lo tɔi kokõ ke ko gel goto. 27Korro oo malaika lo Bɨraɓe, na so kɨber girr Balamt. Wong tɔl Balam sɔkɨr ad nda korro kɨ kagtɔsɨ lon. 28Kamla Bɨraɓe tee ta korro ad elta Balam an: M'ɗa ɗi sei hã i ndamɨn nja mɨta titbe a? 29Balam el korro an: Kɨtɔ i ɓood sem. Ni kiya i jimt a ne, m'a m'tɔli tajigla. 30Korro el Balam an: Mĩ korro loi i ndɨ alɨm kɨ kaglo tube mbã ɓone ale? Kete m'ɗa sei titbe a? Balam tura an: Ã ã. 31Kamla Bɨraɓe tee kum Balam ada oo malaika lo Bɨraɓe'n ɗa dɔ ɗobt, ɔrr kiya ɗɔɔ jint, na Balam la dɔn ber, so kɨta kumɨn. 32Malaika lo Bɨraɓe ela an: Kɨtɔɗi i ndan korro loi nja mɨta titbe a? Mĩ la m'ɗe kɨta kuti ta ɗob ye, kɨta i un ɗob nujkɔ kɨ to nomt. 33Korro oom, na tɔ ud mut nja mɨta nomt. Ni tɔ ɗob nomt al a ne, ni m'am tɔli kɔ, na m'nyaa kumkajir. 34Balam el malaika lo Bɨraɓe an: M'ɗa majal kɨta m'ger kad i ɗa ɗobo nomt al. Tajigla ĩla m'ɗa nya kɨ neli al a ne, m'a m'tel m'aw ɓe gog. 35Malaika lo Bɨraɓe el Balam an: Aw kɨ deg'n ɗan na, a elta'n m'a m'eli nõ tã. Balam aw nat kɨ mbaiɓeg lo Balak. 36Lon Balak oo hɔi Balam kad ɗe oi ye, aw kɨ n'la taa ad aw mbã kɨ ɓebot lo Moab'n i ta bah Arnõt dɔboi ɗobnin dɔningt. 37Balak el Balam an: M'la ngombangkɨlag roit kad kunɨn ale? Kɨtɔɗi i ɗe romt al a? Oo a an m'asɨ kadi kɔsɨgon al e? 38Balam el Balak an: Oo, m'ɗe roit; Tajigla'n m'ɗe roit oi ye, m'asɨ keli ta mad kɨɗang al. Na ta'n m'a m'eltaa a i ta'n Luwah nda tamt kad m'eli tã. 39Balam aw nat kɨ Balak na teen Kirjat Husot. 40Balak la kadkari mangg kɨ batg, na lan kɨ ro Balamt kɨ mbaiɓeg'n ĩn nat sia.
Balam njang dɔ Israel
41Loti kɨsĩ Balak un Balam aw sia Bamot Baal, ko nu la Balam oo nusɨ londɨ Israelag.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.